Киирии

Киирии

Кириэһи кэтэ сылдьар киһи Айыы Таҥараны итэҕэйэрин бэлиэтэ буолар. Итини сэргэ Айыы Таҥара Кириэһэ – Таҥараны, Үрдүк Айыылары кытары сибээстэһэргэ                             ылар уонна ыытар   (приемно-передающая) АНТЕННА курдук үлэлиир. Айыы Таҥара Кириэһин кэтэ сылдьар киһи Таҥараны кытта быһа сибээстэһэр – кини эппит алгыс, махтал тыллара уонна көрдөһүүтэ Таҥараҕа быһаччы тиийэр, онон Таҥара түргэнник көмөлөһөр.

Урут суруйбуппут курдук, хас клетка ахсын 4 Кут уонна Дууһа баар. Ол аата хас бирдии киһи, кыыл-сүөл, от-мас клеткатыгар Айыы Таҥара Кириэһэ сылдьар.

1

Онон клеткаҕа сылдьар Кириэһи ыытар (передающая) антенналаах компьютернай чип курдук өйдүөххэ сөп.

2

Клеткаҕа баар “чип” Киһи тугу гынарын, саныырын, ханна сылдьарын барытын Таҥараҕа блллэрэ турар. Онон Эн аньыыны дуу, үтүөнү дуу оҥороргун Таҥара билээ олорор. Таҥара барытын билэрин, киһи Таҥараттан тугу да кистиир кыаҕа суоҕун туһунан араас итэҕэллэргэ барыларыгар этэллэр. Сиргэ хас да миллиард киһи баар, ону хайдах барытын хонтуруоллуон сөбүй? – диэн ыйытык үөскүөн сөп. Хоруйа судургу - Айыы Таҥара аата-ахсаан суох элбэх сибээс ханааллаах.

КИҺИ КЫЫЛЛАРТАН-СҮӨЛЛЭРТЭН УРАТЫТА ИТЭҔЭЛЛЭЭХ БУОЛУОХТААХ ЭБИТ

 

Ол гынан баран ити антенналаах “чип” информацияны ыытар эрэ (передает), оттон Таҥараттан информацияны төттөрү ылбат (приемнаабат).

Онон Айыы Таҥара Кириэһин - Кириэс-Антеннаны кэтэ сылдьар киһи эрэ АйыыТаҥараҕа анаан алгыс этэрэ, махтанара, көрдөһөрө туһалаах буолар.

Кыыл-сүөл, үүнээйи эмиэ “чииптээх” антенналаахтар (4 Кут + Дууһа), ол аата Айыы Таҥара, Үрдүк Айыылар хонтуруолларыгар сылдьаллар, ол гынан баран кинилэри кытары сибээстэспэттэр. Ол тоҕото өйдөнөр - Кинилэр Кириэс-антенналара суох.

Кириэһэ суох киһи син биир кыыл-сүөл, от-мас курдук Айыы Таҥараны, Үрдүк Айыылары кытары сибээстэһэр кыаҕа эмиэ суох.

Ол аата киһи кыыллартан-сүөллэртэн уратыта Айыы Таҥараҕа Итэҕэллээх буолуохтаах эбит

 3

 

СҮР, БИОПОЛЕ УОННА АУРА

Куттар энергиялара холбоһон киһи тула Биологическай хонууну - Биополены үөскэтэр. Ити Сүр диэн ааттанар.

Куттар энергийэлэрэ күүһүрдэҕинэ Сүр улаатар. Куттара күүстээх эниэргийэлээх киһини Сүрдээх киһи диэн ытыктыы, толло ааттыылларын билэбит.

Оттон киһи олоҕор улахан охсууну ыллаҕына Куттар эниэргийлэрэ сөҕүрүйэр, киһи мөлтүүр-ахсыыр, оччоҕо оннук киһини Сүрэ тостубут дииллэр.

Дууһа эниэргийэтэ киһини тула сыдьаайы – Аураны үөскэтэр. Ону сорох дьоннор көрөллөр.

 4

 5

КӨХСҮТТЭН КӨНТӨС, АРҔАСТАН ТЭҺИИН ДИЭН ӨЙДӨБҮЛҮ ТАҤАРАИАНСТВО ХАЙДАХ БЫҺААРАРЫЙ?

Сүр уонна Дууһа сыдьаайар хонуулара халлаантан түһэр синньигэс быа курдук буолан көстөр эниэргийэни хачайдыыр хорооннордоохтор (биоплазменный энергетический канал). Ити хорооннору сахалар көнтөс, тэһиин курдук өйдүүллэр.

 6

Биополе уонна Аура киһини тула 2 хос сыдьаайы үөскэтэллэр.

Куттар холбоһук сыдьаайдара ис диэки, эккэ-сииҥҥэ чугас сылдьар.

Оттон Дууһа сыдьаайа тас диэки баар уонна арыый соҕус тэйиччи сиринэн тайыыр.

7

Ити сыдьаайдар эниэргийэлэрин хороонноро  Көхсүттэн көнтөс, Арҕастан тэһиин буолан киһини Космоһы – Айыылары, Айыы Таҥараны кытары сибээстииллэр.

Ойуулар:

  1. Айыы Таҥара Криэһэ
  2. Кириэс курдук радиоантенна
  3. Араас антенналар
  4. Куттар уонна Дууһа сыдьаайдара - Киһини тула икки хос аура
  5. Киһи ауратын көрүҥнэрэ
Тарҕат:

Комментарии

Защитный код Обновить