Киирии

Киирии

Киһи тоҕо Итэҕэлгэ наадыйарый?

Киһи барахсан, төһө да бэйэтин улуутумсута сананнар, син биир уйан, ол иһин хаһан баҕарар көмүскэлгэ наадыйар. Ол кини тулалыыр эйгэтигэр баар кыылтан-сүөлтэн саамай өйдөөхтөрө, сайдыылаахтара буолан соҕотохсуйар, Орто дойдуга атын араҥаччылатар туга да, кимэ да суоҕуттан дьиксинэр-айманар. Ол иһин көстүбэт эйгэ   Үрдүкү күүстэриттэн көмүскэл көрдүүр.

Бөлөһүөктээһин, куолулааһын түмүгэ итинник.

АЙЫЫ ТАҤАРА КИҺИНИ ИТЭҔЭЛЛЭЭХ ГЫНА АЙБЫТ

Иккис курдук, Итэҕэллээх да итэҕэлэ да суох киһи ыксал түгэн тирээтэҕинэ “Оо, Айыы Тойон Таҥарам ханнаҕыный, көмөлөс!” – диэбитин кулгааҕа эрэ истэн хаалар. Ити түгэн Итэҕэл киһи түрүөҕүттэн төрүкү өйүгэр баарын бигэргэтэр. Ол аата Айыы Таҥара киһи Дууһатын айарыгар Итэҕэллээх буолар санааны иҥэрбит (программалаабыт) эбит диэхпитин сөп.  

Если бы Бога не былоЕго бы стоило придумать", - диэн бэрт бэргэнник эппиттээх Вольтер. Улуу бөлөһүөк икки куобаҕы тэҥҥэ ытан ылбыт эбит.

АЙЫЫ ТАҤАРА – УЛУУ ПСИХОТЕРАПЕВТ

Христианнар Аҕабыыкка айыыларын этэн ыраастаналлар. Онно бэйдиэ киһи, төһө ла Аҕабыытын   иһин туора киһиэхэ, кыбыстыбакка эрэ туох баар аньыытын-харатын толору кэпсиэ биллибэт. Оттон Айыы Таҥараны итэҕэйээччи   Айыы Таҥаратын тус бэйэтин кытары быһаччы кэпсэтэр буолан, кыбыстыбакка-толлубакка толору аһыллан тугу да кистээбэккэ,   туох баар айыытын-харатын, санаатын-оноотун, саарбахтааһынын этэн санаатын чэпчэтэр, ыраастанар (стреһин уһулар).

Айыы Таҥараҕа үҥүү киһи уйулҕата чөл буоларыгар, бэйэтин Араҥаччылааччылаах курдук сананан нус-хас сылдьарыгар олус улахан суолталааҕа өйдөнүллэр. Онон, Айыы Таҥара хас биирдии итэҕэйээччигэ психотерапевт буолар эбит. Орто Дойдуга Киниэхэ тэҥнээх Улуу психотерапевт суоҕа чуолкай.

ЫАР АЙЫЫ СОТУЛЛУБАТ

Кыра, алҕас оҥоһуллубут аньыыны Айыы Таҥара сотор. Кыра аньыыны боруостуурга үтүө дьыаланы оҥорон, Үрүҥ эниэргийэни үөскэтиэхтээххин. Оччоҕо Сир Ийэ Күн диэки тардыһыыта күүһүрэр.

Оттон ыар аньыы (хара эниэргийэ) сотуллубат, онон Орто Дойду ыйааһынын ыаратан, Аллараа Дойду диэки тардар. Ыар айыылаах киһи дууһата Аллараа дойдуга түһэн Уот Кудулу Байҕал кутаатыгар умайар (аннигиляцийаланар).

Орто Дойдуга Үрүҥ уонна Хара эниэргийэ тардыалаһыыта – хапсыһыыта тохтоло суох барар. Үрүҥ эниэргийэ мунньуллан Хара эниэргийэни букатыннаахтык кыайдаҕына, Сир Ийэ Ырай тэҥэ дойдуга, оттон Хара эниэргийэ баһылаатаҕына Аад аҥардаах дойдуга кубулуйуохтаах. Ол барыта бу биһигиттэн - икки атахтаахтан тутулуктаах.

БЫЙЫЛ САХА ДЬОНО ААН БСТААН БИИРГЭ МУСТАН

АЙЫЫ ТАҤАРАҔА ҮҤТҮЛЭР

 Быйыл 2018 сыл Ыам ыйын 26 күнүгэр Саха Саҥа сылын көрсүү үөрүүлээх бырааһынньыгын кэмигэр баҕалаахтар бииргэ түмсэн Айыы Таҥараҕа үҥтүлэр.(1 Ойуу)

UG

Үҥэр дьон биир кэккэнэн туран баран Илин диэки хайыһан туран сахалыы сиэринэн биэстии тарбахтарын холбуу туппут иккилии ытыстарынан Салгын – Буор – Аҕа – Ийэ Куттарын эниэргийэтэ тас эттэригэр чугас сылдьар сирдэрин: Сүүстэрин – Кииннэрин – Уҥа уонна Хаҥас эмиийдэрин даҕайан үстүү төгүл кириэстнэннилэр.

Кириэстэнии кэмигэр хас биирдии киһи саҥа таһаарбакка уостарын иһигэр ботугураан Айыы Таҥараҕа Махтал тылын эттилэр, алҕас оҥорбут кыра аньыыларын соторугар, бэйэлэригэр уонна аймахтарыгар чэгиэн-чэбдик туругу, дьолу-соргуну тосхойоругар, куруук араҥаччылыы сылдьарыгар көрдөстүлэр.

АЛГЫС КӨРҮҤНЭРЭ

UG1

Алгыс диэн малыыппа.

Алгыс хас да көрүҥнээх.

  1. Саамай улахан Алгыс Ыһыах кэмигэр оҥоһуллар.
  2. Онтон Айыы Таҥара Дьиэтигэр Таҥара Дьиэтин Алгысчыта мустубут дьоҥҥо оҥорор Алгыһа.
  3. Уруу, Үбүлүөй, Оҕо төрөөбүтүн үөрүүтүгэр, о.д.а. Үөрүүлээх түгэҥҥэ анаммыт Алгыс.
  4. Тус бэйэҕэ анаммыт, холобур, Сарсыарда туруох, аһыах уонна Киэһэ утуйуох иннинээҕи Алгыстара.   

Холобурга Сарсыардааҥы туруох иннинэҕи Алгыһы билиһиннэрэбит:

 

Сахам сиригэр

Салаллан тахсыбыт

Саҥа күммэр

Айыы Таҥара көмөтүнэн

Арҕаспыттан Тэһииним

Араҥаччылаах буоллун!

Көхсүбүттэн Көнтөһүм

Көмүскэллээх буоллун!

Тускуо! Оом!

АЛГЫС БЫРААБЫЛАЛАРА

АЛГЫСЧЫТ ЭРЭ АЛГЫҺЫ ОҤОРОР. ОЙУУН АЛГЫЫРА БОБУЛЛАР

UG2

 Алгыс бэйэтэ быраабылалардаах:

  1. Алгыска хайаан да Айыы Таҥара аата ааттаныахтаах.
  2. Алгыс тыла хайаан да уус-уран олоҥхо тылынан этиллэрэ ирдэммэт, бэйэ өйдүүр тылынан судургутук Алгыахха эмиэ сөп. Ол гынан баран Алгыс тыла дьиҥнээх ис сүрэхтэн тахсыахтаах.
  3. Бэйэҕэ ананар Алгыһы таска таһаарбакка ботугураан этиллэрэ ордук.
  4. Ыһыахха буоллун, бары атын да Үөрүүлээх түгэҥҥэ Алгыһы Алгысчыт эрэ оҥоруохтаах. Алгыһы Ойуун оҥороро бобуллар. (2, 3 Ойуу)
  5. Алгыһы түмүктүүргэ хайаан да “Тускуо!”,       эбэтэр “Оом!” – дэниэхтээх. “Дом!” – диир аньыы! Ити Ойуун эрэ кыырарыгар туттар тыла. Ол иһин А.Кулаковскай Алгыстарыгар куруук “Тускуо!” – диир. Оттон «Ойуун түүлэ»       поэматыгар Ойууна Дом! – диир.
Тарҕат:

Ырытыыгын суруй

Защитный код
Обновить