Киирии

Киирии

САХАЛЫЫ КИРИЭСТЭНИИ – БИҺИГИ САЙДЫЫЛААХ САҤА РЕЛИГИЯЛАММЫППЫТ ТУОҺУТА

Таҥараианство, эбэтэр Айыы Таҥара итэҕэлэ, Сахалыы Кириэстэнии туомун киллэрдэ.

Сахалыы Кириэстэнии урут ханнык да атын итэҕэллэргэ туттуллубат олус сонун кэрэхсэбиллээх, дьон болҕомтотун тардар уонна түргэнник өйдөнөр Кириэстэнии ньымата буолар.

БИИР ИЛИИНЭН КИРИЭСТЭНИИ

Сахалыы биир илиинэн эбэтэр икки илиини холбуу тутан баран кириэстэниллэр. Уратыта диэн Биэс тарбаҕы бэйэ-бэйэлэригэр сыһыары холбуу тутаҕын. Ол аата Куттаргын холбуугун.

Тойон эрбэххэ - Аҕа Кут,

Сөмүйэҕэ - Ийэ Кут,

Аата суохха - Буор Кут,

Ылгын чыҥыйаҕа - Салгын Кут уонна

Орто тарбахха Куттары холбооччу уонна кинилэри сүрүннээччи - Дууһа эниэргийэлэрэ бааллар.

 045

(1 – кы Ойуу)

Оттон киҺи

Сүүһүгэр - Салгын Кута,

Киинигэр - Буор Кута,

Уҥа эмиийигэр - Аҕа Кута,

Хаҥас эмиийигэр - Ийэ Кута ордук чугастар.

Биир илиинэн Кириэстэниигэ Биэс тарбаххын сыһыары туппут ытыскынан

  1. Бастаан Сүүскүн даҕайаҕын
  2. Онтон Кииҥҥин,
  3. Онтон Уҥа Эмиийгин
  4. Бүтэһигэр -Хаҥас Эмиийгин даҕайан түмүктүүгүн.

 044

(2-с Ойуу)

Ити аата Түөрт Куккун уһугуннараҕын, Куттар холбоспут эниэргийэлэрин Айыы Таҥараҕа туһаайаҕын.

Кириэстэнэр кэмҥэр (Үстэн саҕалаан хаста да кириэстэниэххэ сөп) ботугураан Айыы Таҥараттан көрдөһөҕүн уонна Киниэхэ Махтал тылын этэн бүтэҕин.

ИККИ ИЛИИНЭН КИРИЭСТЭНИИ

Икки ытыһы холбуу тутан Кириэстэнии ордук күүстээх буолар. Ол төрүөтэ маннык.   Киһи Уҥа өттө - Эр киһи, Хаҥас өттө - Дьахтар. Икки ытыскын холбоон Эр КиҺи уонна Дьахтар аҥаргын биир гынаҕын.

Икки илиигинэн Кириэстэнэргэ Уҥа ытыскын Хаҥас илииҥ көхсүгэр сыһыары тутаҕын уонна эмиэ Сүүскүн, Кииҥҥин, Уҥа уонна Хаҥас эмиийдэргин даҕайан Кириэстэнэҕин.

Икки илиинэн кириэстэниини түбэлтэтиттэн көрөн оҥоһуллар.

 

АРААС ТЭРЭЭҺИННЭРГЭ ЫЫТЫЛЛАР АЛГЫС УОННА КИРИЭСТЭНИИ

Билиҥҥи кэмҥэ ыытыллар туох баар тэрээһиннэргэ - Уруу, Үбүлүөй, Төрөөбүт күн, араас Өрөгөй малааһына да буоллун, этиллэр Алгыстарга хайаан да:

  1. Айыы Таҥара аата ааттаныахтаах;
  2. Мустубут дьон бары Сахалыы кириэстэниэхтээхтэр

3 Алгыс Тускуо!, Оом! - диэн түмүктүүр тылларынан бүтүөхтээх.

СПОРТСМЕННАР АЙЫЫ ТАҤАРАҔА КИРИСТЭНИЭХТЭЭХТЭР

Спортивнай күрэхтэһиилэргэ кыттааччылар киирсиэхтэрин иннинэ Сахалыы кириэстэнэ-кириэстэнэ Айыы Таҥараттан "Кыайарбар күүс-көмө буол!" - диэн көрдөһүөхтээхтэр. Оччоҕо кинилэргэ күүстэригэр күүс, уохтарыгар уох эбиллэр, кыайыыга эрэллэрэ ордук күүһүрэр.

Спортсменнар сахалыы кириэстэниидэрэ биһиги сахалар бэйэбит туспа итэҕэллээх, сиэрдээх-туомнаах улахан омук буоларбытын туоһулуура саарбаҕа суох.

САХАЛЫЫ КИРИЭСТЭНИИ ТУОМУГАР ҮӨРЭТЭБИТ

 

Таҥараианство итэҕэлин үлэһиттэрэ Сахалыы Кириэстэнии туомугар спортсменнары, Алгысчыттары, Тамадалары уонна баҕалаахтары барыларын иҥэн-тоҥон кэпсээн, көрдөрөн үөрэтэбит.

Коллективнай сайаапкалары электроннай почтанан уонна ватсап нөҥүө ылабыт: Этот адрес электронной почты защищён от спам-ботов. У вас должен быть включен JavaScript для просмотра.; ватсап: 8-914-237-10-80. Чугас улуустарга тахса сылдьыахпытын да сөп.

Бэйэбит куоркка эмиэ итинник анал тэрээһиннэри ыытарга былааннанабыт. Ол тэрээһин хаһан, ханна буоларын туһунан Ватсап нөҥүө биллэрэр буолуохпут.

Тарҕат:

Комментарии

Защитный код Обновить

Бүтэһик сонуннар