Войти

Войти

Киһи ыарахан түгэҥҥэ Айыы Тойон Таҥара, Үрдүкү Айыылар, Сирдээҕи Иччилэр баалларын саныыр, бэйэтигэр баар ис кыаҕын көрдөнөр үгэстээх.

Билигин Коронавирус ааҥнаабытынан сибээстээн, ити этиллибити барытын тутта сатыахтаахпыт.

Айыы Таҥараҕа анаан Алгыс тылын урут суруйбуппут. Ити Алгыһы күҥҥэ саатар иккитэ - Сарсыарда уонна Киэһэ ааҕа сылдьар туһалаах эрэ буолуоҕа.

Аны бэйэбитигэр баар ис кыахпыт туһунан этэр буоллахха - Киһиэхэ баар Түөрт кута тэҥҥэ үлэлээтэҕинэ киһи ыарыыга-сүтүүгэ бэйдиэ ылларбат, чэгиэн-чэбдик туруктанар.

лю2

Кут диэн - биологическай ньэгир көрүҥэ

Хомойуох иһин, билигин сахалар Үс эрэ - Ийэ, Буор, Салгын куттаахпыт дэнэ сылдьаллар, Аҕа Куттаахтарын билбэттэр, биһиги суруйууларбытыттан истибит-билбит да буоллахтарына, ону улахаҥҥа уурбаттар. Онон сахалар билигин 4 Куттаахпытыттан 3 эрэ Куппут үлэлии сылдьар. Ол иһин ис харыстанар күүспүт ситэтэ суох.

Онон толору көмүскэллэх буолуон баҕарар дьон 4-с - Аҕа Куттарын уһугуннарар соругу туруорунуохтаахтар. Ол туһугар, туох-ханнык иннинэ Аҕа Кут баар эбит диэн сананыллыахтаах. Аҕа Кут баарын билбэт, ааттаабат буоллаххына кини утуйа сытыаҕа. Если явление не заявлено, то оно не существует, - дииллэр нуучча үөрэхтээхтэрэ.

Аҕа Кут киһиэхэ барытыгар - дьахтар буоллун, эр киһи буоллун - барыларыгар баар. Ону итэҕэйиэххэ, Аҕа Кут туһунан куруук саныы_толкуйдуу сылдьыахха.

Билиҥҥи курдук 3 Кут эрэ үлэлиир буоллаҕына, эппит-хааммыт, өйбүт-санаабыт ыһыллаҕас, киирбиккэ-тахсыбыкка аана аһаҕас.

Киһи Аҕа кута уһугуннаҕына сирэйдиин сырдыыр, Эр киһи дьиҥнээх Эр киһилии, Дьахтар - Дьахтар курдук майгыланаллар, Дьиэ-кэргэн олоҕо тупсубутунан барар, турук туругурар.

Айыы Тойон Таҥара Аҕа Куттарын анаан уһугуннартаабыт дьоно баар буолаллар. Ол - уһулуччу сайдыылаах, ситиһиилээх, ытыктанар, бас-көс дьон. Хомойуох иһин итинник дьоммут бэрт аҕыйах.

Киһи чэгиэн буоларыгар 4 кута чэгиэн-чиргэл буолуохтаах. Ол аата Куттарбытын үчүгэйдик көрө-истэ,аһата сылдьыахтаахпыт.

 Куттар аһылыктра - ньэгир (энергия)

Буор кут аһыр ас ньэгирин сиир. Олохтоох сир аһа –үөлэ Буор кукка ордук иҥэмтиэлээх буолар. Билиҥҥигэ диэри сыа холестерина тымырга атересклероһу үөскэтэр диэн сымыйа үөрэххэ олоҕуран, дьон сыалаах-арыылаах аһы элбэхтик сииртэн туттунар. Ол гынан баран, дьиҥинэн киһи элбэх ынах арыытын сиэхтээх. Сибиинньэ сыатын сиир эмиэ үчүгэй. Ол научнай төрүөтэ маннык.

лю6

Киһи клеткалара уонна клетка иһигэр баар ядро. митохондрия, лизосома о.д.а. курдук кракый буолан баран тыын суолталаах эттиктэр тастара мембрана бүрүөһүннээхтэр. Оттон мембрана сүнньүнэн 2 эрэ эттиктэн – Сыаттан (липиды) уонна белоктан турар. Мембрана 20-40%-а арыы. Арыы тиийбэт буолла5ына мембрана хаппыт тирии курдук хоччоххой буолар, белоктар хамсааһыннара бытаарар, клетка ыалдьар, түргэнник кырдьар. Дьэ ол иһин арыыны элбэхтик сиэниэхтээх диибит. Ону кэлиҥҥи чинчийиилэр бигэргэттилэр.

лю8

Собону сииргитин умнумаҥ. Муҥха собто эмтээх! Ол курдук, муҥха утуйарыгар ыарыыга ылларбатын, кислорода тиийбэккэ тыына хаайтарбатын, аччыктааһыны тулуйарын туһугар этигэр-хааныгар элбэх көмүскэнэр эттиактэри мунньунар. Ол киһиэхэ улахан туһалаах эмп буолар. Холобур былыр арыгыга өлөттөрбүт дьон собо миинин истэхтэринэ харахтарыттан сыыһы ылбыт курдук чэпчииллэр этэ... Ол аата собо миинэ эккин-хааҥҥын сүлүһүнтэн ыраастыыр эбит.

Сымыыты сиир олус туһалаах. Сымыыкка олус иҥэмтиэлээх белоктар, оттон уоһаҕар чуппууска сайдарыгар туһалаах туох баар аһылык үчүгэйэ барыта баар. Онон күҥҥэ 1-дии сымыыты сииртэн туттунумаҥ. Сымыыты 3 – 4 мүнүүтэ кэриҥэ буһарар ордук.

лю9

Аҕа уонна Ийэ куттар Таптал ньэгиринэн аһылыктаналар. Христианство тулалыыр дьоҥҥун-сэргэҕин бэйэҕин хайдах таптыыгын да оннук таптаа диэн үөрэтэрин Таҥараианство биһириир уонна ылынар. Онон бэйэ-бэйэҕитин, чугас дьоҥҥутун барыларын күүскэ таптааҥ, очоҕо Ийэ уонна Аҕа куккут чэгиэн буолуохтара, ол эһиги майгыгытыгар биллэ дьайыаҕа. Таптал, доҕордоһуу, үчүгэй өрөгөйдүүрүн туһунан кинигэтэ ааҕыҥ, киинэтэ көрүҥ.

Салгын кут Информация ньэгирин аһыыр. Куһаҕан сонунутан, куһаҕан тылтан, этиһииттэн, этиһиилээх-өлөрсүүлээх киинэлэртэн кини ыалдьар. Ол иһин бэйэҥ үтүө эрэ тылы саҥар, үөхсүмэ, куһаҕан информация баар сириттэн дьалты сырыт. Куруук мичээрдии, күлэ-үөрэ сырыт. Үчүгэй кэпсээннэрдэ, хоһооннордо аах.

4 Куккут чэгиэн буоллаҕына бэйэҕит туруккут эмиэ чэгиэн буолуо.

Айыы Таҥара көмөтүнэн 4 Куккут этэҥҥэ буоллун! Ыарыыга ыллармаҥ, чэгиэн, ситиһиилээх, дьоллоох буолуҥ!

Тарҕат:

Добавить комментарий

Бүтэһик сонуннар