Войти

Войти

Хайа да омукка норуот үйэлэргэ муспут муудараһа ох тылларга, өс хоһоонноругар киирэн үйэтитиллибиттэр. Таҥараианство норуот ити баайын ытыктыыр уонна бэйэтин итэҕэйээччилэрин, истээччилэрин туһатыгар хото туттар.

  • Прежде чем говорить, выслушайте. Прежде чем действовать, думайте. – Ол аата, бастаан үчүгэйдик иһит, аах, бары өттүн ырыҥалаан, биэтэҥнэтэн көрөн, ырааҕынан анааран толкуйдаан баран саҥар уонна быһаарын, – диэн.
  • Не бывает безвыходных ситуаций – эбэтэр хайа да түбэлтэттэн тахсарга үүт-хайаҕас   баар буолар.

Биллэрин курдук, тулалыыр эйгэбит көстүүтэ сороҕо эйигиттэн тутулуктаах, сороҕо эн баҕаҕыттан букатын тутулуга суох буолар.

Холобур, билигин таһырдьа олус куйаас, ону эн куйаас күнү хайдах да гынаҥҥын - ытаан-ыллаан,

ыыстаан-буруттаан сөрүүн күн оҥорбокун.

Ол гынан баран Айылҕаны уларытар кыах суох буоллаҕына, бэйэ олорор, утуйар сиргин сөрүүдүтүөххэ сөп. Онно араас ньыма баар, онтон биирдэстэрэ – кондиционер атыылаһан туруорунаҕын уонна Куйаастан олох тутулуга суох буола түһэҕин. Өскөтүн кондиционер атыылаһар кыаҕыҥ суох буоллаҕына атын ньыманы талаҕын.

Оттон хайатын да тобулар, оҥорор кыаҕыҥ суох буоллаҕына уоскуй, баар балаһыанньаны ылын уонна куйааһы тулуйа сатаа.

Өссө биир холобур. Автобус тохтобулугар тураҕын. Ханна эрэ суһаллык тиийиэххин баҕараҕын. Ыксыыгын, оттон автобус графигын быһыытынан аны 30 мүнүүтэнэн кэлиэхтээх. Эн төһө да ыксаабытыҥ иһин Автобус субу тиийэн кэлбэт. Ити эмиэ эйигиттэн тутулуга суох түбэлтэ.

Ол гынан баран, ааһан иһэр массыынаны тохтотон дуу, такси ылан дуу наадалаах сиргэр суһаллык тиийиэххин сөп.

Такси да, массыына да суох буоллаҕына автобускун ыксаабакка кэтэс.

Сүбэ. Тугу эмэ гыныаҥ иннинэ бастаан истэн, ааҕан толкуйдаан көр – бу түбэлтэ эйигиттэн тутулуктаах дуу тутулуга суох дуу – диэн. Эйигиттэн тутулуга суох буоллаҕына ыксаан, кыыһыран, ньиэрбэҕин буортулаама, стресстээмэ, туруккун айгыратыма.

Бэйэҕэр табыгастаах атын суолу тобулар кыаҕыҥ суох буоллаҕына Үөскээбит баар балаһыанньаны кытары Сөбүлэс.

Таҥараианство дьоҥҥо олоххо буолар уустук боппуруостары быһааралларыгар норуот үйэлэргэ муспут муударастарыгар олоҕуран көмөлөһөр.

Холобур, билигин Саҥа Конституцияҕа эбиилэри киллэрэргэ сөьүлэһэбит дуу суох дуу? – диэн Дойдубут инники сайдыытын быһаарар сүдү суолталаахуустук боппуруоска дьон үксэ мунаарар. Баар былааһы, аныгы олоҕу, Путины хоруотуур матырыйааллар Социальнай ситимнэргэ күүскэ тарҕатыллаллар, дьону булкуйаллар.

Дьэ итиннэ Таҥараианство норуот муудараһыгар олоҕуран САҤА КОНСТИТУЦИЯНЫ ӨЙҮӨХХЭ – диэн туруулаһар. Тоҕо?

  • Россия олоҕор билигин омук дойдулара, чуолаан АХШ, дьиҥинэн бэйэлэрэ оҥорон биэрбит билигин туттулла сылдьар Конституциябытыгар олоҕуран, күүскэ орооһор. Киин Бааммытын Америка тутан олорор. Госдумаҕа, Правительствоҕа Россия интэриэһин түһэн биэрээччи, омуктар ыйыыларын улгумнук толорооччу дьон олус элбэх. Ол иһин Путины утары туруораары норуоту уулаан сиир дьаһаллары, аата-ахса биллибэт нолуоктары толкуйдуу-толкуйдуу оҥороллор. Путин кинилэри уодьуганныыр былааһа суох. Онон бэйэбитин бэйэбит саланар бырааба суох Конституциялаах омук колониятын курдук олоробут.
  • ДЬОН ҮКСЭ БИЛБЭТ – САҤА КОНСТИТУЦИЯ ГОСДУМАНАН, ФЕДЕРАЦИЯ СЭБИЭТИНЭН, РЕГИОННАР ПАРЛАМЕННАРЫНАН БИГЭРГЭТИЛЛЭН БҮТЭН ТУРАР, ОНОН ДОМНУО ЛЕГИТИМНЭЙ!
  • ОЧЧОҔО ЫЛЫНЫЛЛАН БҮППҮТ КОНСТИТУЦИЯНЫ ӨЙҮҮБҮТ ЭБЭТЭР ӨЙӨӨБӨППҮТ ДИЭН ОЛ ТУГУ ДА БЫҺААРАР СУОЛТАТА СУОХ БУОЛЛАҔЫНА ТОҔО КУОЛАСТЫЫБЫТЫЙ?

В.Путин Россияны тас омуктартан тутулуга суох сувереннай судаарыстыба оҥоруон баҕарар. Онно Саҥа Конституцияны норуот өйүөн баҕарар, норуоттан өйөбүл көрдүүр. Норуот өйөөтөҕүнэ онно тирэҕирэн, Салалтаҕа улахан реформаны ыытан, дьиҥнээх патриот дьону былааска таһааран, Госдумаҕа киллэрэн, боростуой дьон олоҕун тупсарар саҥа дьаһаллар ылыллан барыахтара. Киин Баан бэйэбитигэр төннүө,билигин чааһынай бас билиигэ баар собуоттар, фабрикалар, сир баайын хостуур, таҥастыыр ода сокуоннайа суох приватизацияламмыт тэрилтэлэр национализацияланыахтара. Эмпитин бэйэбит оҥоруохпут, былыргы курдук босхо эмтэниэхпит, босхо үөрэниэхпит - Россия букатын атын дойду буолуо..

  • Саҥа Конституция үчүгэй өрүттэрэ омсолоохторунааҕар үгүстэр. Норуот, субъектар бырааптара күөмчүлэммэт. Онон Россия норуота Саҥа Конституция иһин куоластыаҕа. Сахалар куоласпыт Россия куоластааччытын 0,5%-нын эрэ ылар. Ол аата бүттүүн да утары куоластаатахпытына даҕаны тугу да уларыпаппыт. Онон баар балаһыанньаны учуоттаан, Россия норуоттарын кытары биир санааланан, Саҥа Конституцияны өйүөхтээхпит.

Не навреди! –диэн Гиппократ андаҕарын этиитэ олох атын да эйгэтигэр туттуллар. Таҥараианство үөрэҕинэн Эн ылынар быһаарыныыҥ, тылыҥ-өһүҥ бэйэҕэр, дьоҥҥор-сэргэҕэр, норуоккар охсуулаах буолуох курдук буоллаҕына, тохтоо, Аньыыны оҥорума.

Билигин социальнай ситимнэргэ Саҥа Конституцияны утарааччы, билиҥҥи олоҕу сирээччи, Путины, былааһы олоҕо суох үөҕээччи олус элбээтэ. Хомойуох иһин сахалар онтон хаалсыбаттар...

Итинник дьоннор Омук дойдулара Россияны утары куорҕаллыыр Гибриднэй сэриилэрин информационнай диверсаннара буолаллар.

Дьэ, ити дьоннор этэллэрин курдук, өскөтүн сахалар син биир ылыныллар

Конституцияны утардахпытына, ол туох содуллаах буолуой? Ити боппуруос үгүс дьону интэриэһиргэтэр буолуохтаах.

Грудиныҥҥа хото куоластааммыт тугу туһаммыппытый? Ил Дархаммытын устубуттара, томоонноох дьоннорбутун үксүн олоҕо суох коррупционер диэ ааттаан хаайыыга симпиттэрэ, ол дуораана билигин да салҕана турар курдук... Дьиҥинэн ити түбэлтэҕэ былаас киэҥ көҕүстээҕин көрдөрөн арыый сымнаһыардык сыһыаннаспыта.

Биллэрин курдук, баппат оҕуска муоһугар мас баайаллар, оттон акка адаҕа кэтэрдэллэр...

Куһаҕанын талан эттэххэ сахалар барахсаттар томоонноох дьоммутугар адаҕа кэтэрдиэхтэрэ, сорохторугар тимир адаҕа да буоллаҕына көҥүлэ.

Онон эрэ муҥурдамматтара буолуо, хайа муҥун бу сырыыга церемониялаһыахтара суоҕа, промышленнай оройуоннарбытын Федеральнай оҥорон баран былдьыахтара, Республикабытын губерния оҥоруохтара, өссө Иркутскайы дуу Магаданы дуу кытары холбоон баран уобалас гыныахтара, салалтабыт барыта кэлии дьон буолуо, оптимизация бөҕөнү оҥоруохтара, льготабыт барыта сотуллуо, саха тылын үөрэтэр хааччахтаныа, көҥүл чобугураспыппыт тохтуо... ода өрө көрдөрбөт мөкү дьаһал элбиэ...

Дьэ, төһө үчүгэй буолууһунуй?

Билигин Путин Саха сиригэр улаханнык эрэнэр. Ол Ил Дархаммытыгар – А.С.Николаевка

сыһыаныттан да көстөр. Онон элбэх куолаһы биэрдэхпитинэ биһигини күүскэ өйүө, сайыннарыа, араҥаччылыа даҕаны.

Холобур, Саха Өрөспүүбүлүкэтин сирэ-уота, баайа, былааһа туруктаах буолуо, сайдыа, чэчириэ.

Үчүгэйдик туруорустахпытына Аммабытын тыыттарыа, экологиябытыгар буортулаах тутуулары ыыттарыа суоҕа.

Элбэх харчы киириэ, тутуу барыа. Ол эрэ буолуо дуо.

Саҥа Конституциябыт сорох өттө омсолооҕун ким да мэлдьэспэт, ол гынан баран, син биир хотторуулаах буолара биллэр дьыалаҕа кыттыһаммыт саһыл саҕаламмаппытын өйдүүр сөп этэ.

Саха мындыр, онон инникилээх буолар туһугар

Ил Дархаммыт тула сомоҕолоһон, Саха норуотун бүттүүнүн инники кэскилин туһугар саҥа Конституцияны "Өйүүбүт" диэн куоластыахтаахпыт.

Таҥараианство итэҕэлэ дьон биир сомоҕо буоларын, Орто Дойдуга иллээх-эйэлээх олох чэчириирин иһин туруулаһар.

Тарҕат:

Добавить комментарий

Бүтэһик сонуннар