Киирии

Киирии

6-с №-дээх Набережнайдааҕы биир мандааттаах быыбардыыр уокуруктан Ил Түмэҥҥэ киирсэр үс кандидат хаалла: “Ситим” медиа-бөлөх салайааччыта Мария Христофорова, “Саханефтегазсбыт” АУо генеральнай дириэктэрэ Игорь Никитин уонна “ЯТЭК-Моторное топливо” харайар уонна оҥорон таһаарар сыаҕын табаарынай оператора Игорь Синченко.

Бу үстэн ЛДПР баартыйатыттан киирсэр Игорь Синченко эрэ ханнык да быыбар иннинээҕи хампанньаны ыыппат. Гаврил Парахин салайар ЛДПР баартыйата  күргүөмнээх аҕытаассыйа хампаанньатын ыытар эбит буоллаҕына, Синченко тоҕо саһа сылдьара өйдөммөт.

Ол эрээри, бэҕэһээ Игорь Синченко эмискэ дьэ баарын биллэрдэ – Мария Христофорова быыбар иннинээҕи хаһыатыгар тахсыбыт ноутбуктаах олорор хаартыскатыгар Apple фирма табаарынай бэлиэтэ көстөрүн иһин суукка үҥсүбүт.

Yakus

Бүгүн, атырдьах ыйын 30 күнүгэр, 11:30 ч. СӨ Үрдүкү Суутугар барыллаан истии буолла. Суукка Синченко бэйэтэ кэлбэтэх, арай, көһүппэтэх өттүттэн, соһуччу кини интэриэһин үрүдүк статустаах даамалар – “Саханефтегазсбыт” АУо каадырга отделын начаалынньыга Людмила Якушкова уонна Елена Петрова көмүскээтилэр. СӨ Бырабыыталыстыбатын официальнай саайтыгар сурулларынан, Елена Петрова СӨ тутууга уонна дьиэни-уоту кэтээһиҥҥэ судаарыстыбаннай Управлениетын салайааччытын солбуйааччынан үлэлиир.

petrova

 

Билигин, Игорь Никитин үлэһитин Синченкоҕа “уларсыбытыттан” сылыктаатахха, “сэмэй” Синченко бу быыбарга туох оруоллааҕа көстөн кэлэр. Кимҥиний эн, тойон Синченко? Тэхэньиичэскэй кандидаааккын дуу, эбэтэр көнөтүнэн эттэххэ Никитин спойлераҕын дуу?

Синченко суукка үҥсүүтүн бэнидиэнньиккэ, балаҕан ыйын 3 күнүгэр көрүөхтэрэ.

"Гюльчатай", сирэйгин арый дуу?

Тарҕат:

Комментарии

Вера Солдатова
+1 Вера Солдатова 30.08.2018 18:20
Хоттороору ыксаан дьэ шарахайсы гынан эрдэгэ дии? Дьахтары кытта кирдээх методынан киирсэн мандат ылыыны ама ким сиэрдээх быьыы диэгэй?
Ответить
Вера Солдатова
+1 Вера Солдатова 30.08.2018 18:22
Баай монополистары талыман! Кинилэр бээлэрин уонна баайдарын кемускээри мандат ыла сатыыллар. Сытый голодному не друг!!! Сыыьыман! ХРИСТОФОРОВА норуокка чугас киьи!
Ответить
Эрдэттэн бэлэмнэммит
0 Эрдэттэн бэлэмнэммит 02.09.2018 22:42
Аагыллан- суоттанан оноhуллар.Мария хамаандата наhаа наивнай багайы.билигин усталлар уонна восстановись буоларга бириэмэтэ тиийбэт.Иван Степанов биир кун хаалтын кэннэ устунуохтаах этэ.Бэйэгит мелтеен биэрдигит хомойуох иhин.Штаб тойоно наhаа примитивнайдык толкуйдуур быhыылаах.
Ответить

Защитный код Обновить