Күнүс 12 ч туругунан, Саха сирин куоластыыр учаастактарыгар дойду бэрэсидьиэнин таларга 28,12 % быыбардааччы номнуо куолаһын биэрбит. 2012 сыллаахха бу көрдөрүү 24 % этэ. Киин куоракка билиҥҥи туругуна 18 % быыбардааччы кыттыбыт.
Ил Дархан Егор Борисов кэргэниниин Прасковья Петровналыын Өксөкүлээх Өлөксөй аатынан Норуоттар Доҕордоһууларын Дьиэтигэр баар быыбардыыр учаастакка куоластаатылар.
Уһук Илиҥҥэ дойду бэрэсидьиэнин боломуочуйалаах бэрэстэбиитэлэ Юрий Трутнев дойду бэрэсидьиэнин ХИФУ “Сэргэлээх уоттара” култуура киинигэр баар учаастакка быыбардаата. Юрий Трутневка сахалыы чэйи бэлэхтээбиттэр. Трутнев сарсыардаттан Уһук Илиҥҥэ дьон көхтөөхтүк кыттарын тоһоҕолоон бэлиэтээбит.
Оттон АЛРОСА генеральнай дириэктэрэ Сергей Иванов гражданскай иэһин Мииринэй куоракка толордо.
