Арассыыйа Киин быыбардыыр хамыыһыйата Арассыый Бэрэсидьиэнин дуоһунаһыгар киирсэр хандьыдааттартан илии баттааһыны хомуйарын түмүктээтэ. Ол түмүгүнэн Бэрэсидьиэн дуоһунаһын иһин 8 хандьыдаат хаалла.

Арассыыйа Киин быыбардыыр хамыыһыйатын бэрэссэдээтэлэ Элла Памфилова иһитиннэрбитинэн, бэйэлэрэ туруоруммут хандьыдааттартан илии баттааһыны 6 хандьыдаат тиксэрбит, оттон атыттар “хомойуох иһин биэтэктэн туораатылар”. Быыбаргы кимнээх чопчу кытталлара олунньу 10 күнүгэр биллиэҕэ.

Билиҥҥитэ маннык хандьыдааттар сөптөөх илии баттааһыны хомуйан аҕалбыттар:

Ксения Собчак («Гражданская инициатива» Бүтүн Арассыыйатааҕы бэлиитикэ баартыйата)

Максим Сурайкин ( КОММУНИСТИЧЕСКАЯ ПАРТИЯ КОММУНИСТЫ РОССИИ бэлиитикэ баартыйата)

Владимир Путин (бэйэтэ туруоруммут)

Григорий Явлинский («Российская объединенная демократическая партия «ЯБЛОКО» бэлиитикэ баартыйата)

Борис Титов («ПАРТИЯ РОСТА» Бүтүн Арассыыйатааҕы бэлиитикэ баартыйата)

Сергей Бабурин ( «РОССИЙСКИЙ ОБЩЕНАРОДНЫЙ СОЮЗ» уопсастыбаннай тэрилтэ – бэлиитикэ баартыйата).

Парламент баартыйатыттан икки хандьыдаат – Владимир Жириновскай (ЛДПР) уонна Павел Грудинин (КПРФ) сокуон быһыытынан илии баттааһыны хомуйууттан босхолоноллор. Кинилэр номнуо Бэрэсидьиэн дуоһунаһыгар бэлиэтэммит хандьыдааттар.

Оттон сорох хандьыдааттар кэмигэр сөптөөх илии баттааһынын хомуйан Киин быыбардыыр хамыыһыйаҕа тиксэрбэтэхтэр.

 

Тарҕат:

Ырытыыгын суруй

Защитный код
Обновить