Киирии

Киирии

“Биир ньыгыл Арассыыйа” баартыйа Саха сиринээҕи салаата баартыйаттан барыллаан куоластааһыҥҥа Ил Түмэҥҥэ норуот дьокутаатыгар турунар хандьыдааттартан докумуоннары ылан түмүктээбитэ.

 

Уопсайа 210 киһи кыттар баҕалааҕын биллэрбит: 44 дьахтар (21,96%) уонна 166 эр киһи (79,04%). Биир мандааттаах уокуруктан 99 сайабылыанньа киирбит, оттон баартыйа испииһэгинэн – 150.

Саамай эдэр хандьыдаат – биир мандааттаах уокуруктан Даркылаахтааҕы уокурукка киирсэр Сергей Руднев. Кини 22 саастаах. Оттон саамай саастаах – Николай Крылов. Кини бу ыам ыйын 1 күнүгэр 72 сааһын туолар. Николай Александрович Бүлүүтээҕи биир мандааттаах уокуруктан дьокутаат буоларга холонуоҕа. Саамай көхтөөх, кыттар баҕалаах дьон орто сааһа – 40-50 (68 сайабылыанньа), 50-60 саастаахтар – 55 сайабылыанньа, 60-70 саастаахтар – 19 сайабылыанньа. 30 саастарыттан 40-гар диэри 24 ыччат барыллаан куоластааһыҥҥа киирсэллэрин биллэрбит.

Сайабылыанньаны биэрбит дьон иһигэр Ил Түмэн 24 дьокутаата баар, Гордума – 4, муниципальнай дьокутаат – 18.

117 баартыйа чилиэнэ, 84 – баартыйата суох, 17 – баартыйа диэки буолааччы баар.

Барыллаан куоластааһыҥҥа кыттар дьонтон 198-һа – үрдүк үөрэхтэх, ситэтэ суох үрдүк үөрэхтээх – 1, орто анал үөрэхтээх – 5. 11 кылаас үөрэхтээх – 11.

Санатар буоллахха, норуот дьокутаатыгар барыллаан куоластааһын (праймериз) муус устар 15 күнүгэр буолуоҕа. Хандьыдааттар муус устар 13 күнүгэр диэри дебаттарга кыттыахтара.


Тарҕат:

Ырытыыгын суруй

Защитный код
Обновить

Бүтэһик сонуннар