Киирии

Киирии

Олунньу 15 күнүттэн саҕалаан өрөспүүбүлүкэ үрдүнэн “Молодые профессионалы (Ворлдскиллс Россия)” РС(Якутия) – 2018” VI аһаҕас эрэгийиэннээҕи чөмпүйэнээт саҕаланна. Чөмпүйэнээт 16-тан 22 саастаахтарга диэри 43 компетенциянан (200 кыттаачы, 180 эспиэрт), оттон 14-тэн 16 диэри саастаахтарга 17 компетенциянан (112 кыттааччы 48 эспиэрт) ыытыллар. Онон субуотаттан, ол эбэтэр олунньу 16 күнүттэн, саҕалаан өрөспүүбүлүкэ орто анал үөрэхтэрин кыһатыгар үөрэнэр устудьуоннар ортолоругар идэлэринэн күрэхтэр саҕаланнылар.

Мин субуота күн “Парикмахерское искусство” компетенциянан Дзержинскэй уулусса 49/1 аадырыһыгар ыытылла турар күрэххэ тиийэбин. Лицей саалатыгар Дьокуускай куораттааҕы технологическай техникум 5 устудьуоннара – Дьулустан Саввин, Октябрина Григорьева, Ирина Николаева, Ольга Данилова уонна Розалия Сидорова (маастар үрдүк категориялаах производственнай үөрэхтээһин маастара, өрөспүүбүлүкэ парикмахердарын ортотугар киэҥник биллэр парикмахер-модельер Римма Дмитриева) кытта сылдьар күрэхтэрин түбэһэ кэлэн көрөбүн.

Оҕолор барахсаттар үөрэххэ ылбыт билиилэрин быраактыкаҕа, ол эбэтэр улахан ааттаах-суоллаах күрэххэ кыттан маастарыстыбаларын тургуталлар. Сүрдээх боччумнаахтар, бу түгэҥҥэ өйдөрүн-санааларын үлэлэрин хаачыстыбатыгар уураллар. Күрэх буола турар бириэмэтигэр чугастан хаартыскаҕа түһэрэр, кэпсэтэр да көҥүллэммэтин иһин бэрт уһуннук хаһан бүтэллэрин кэтэһэбин. Күрэх биир түһүмэҕэр уустугуттан көрөн 1 чаас 30 мүнүүтэттэн 3 чааска тиийэ оҥороллор.

Ирина Николаева – Сунтаар Тойбохойуттан сылдьар, баттах кырыйааччы идэтигэр бастакы кууруска үөрэнэр:

-- Бүгүҥҥү буола турар күрэххэ 3 түһүмэҕинэн кытта сылдьабыт. Бастакы түһүмэх – өрүү уонна долгун (плетение и волны), иккис – кырыйыы уонна баттаҕы оҥоруу, үһүс – баттахха тымныы долгуну накладкалаан оҥоруу (холодные волны с накладкой).

Таптыыр идэбэр үөрэнэ сылдьарбыттан наһаа астынабын. Олох кыра оҕо эрдэхпиттэн парикмахер буолуохпун ыра санаа оҥостор этим. Бөлөхпүтүгэр 25 буолан үөрэнэбит, ол иһигэр 3 уоллаахпыт.

Маннык ыытыллар күрэхтэргэ, куонкурустарга кыттан маастарыстыбабытын чочуйан, тупсаран иһэрбит олус туһалаах. Инникитин Питер эбэтэр Москуба куоракка бу идэбинэн үрдэтиниэхпин баҕарабын.

Саргылаана БАГЫНАНОВА.

Тарҕат:

Ырытыыгын суруй

Защитный код
Обновить