Хой
Аккаастана сатаабыт дьыалаҕар да улахан ситиһиилээх буолуоҥ. Нэдиэлэтээҕи үлэҕин сөпкө аттаран туруора үөрэниэххин наада. Харчыга табыллыаҥ. Иэс биэрбиккин төннөрөн соһутуохтара. Урууну-аймаҕы кытта ситимҥин быһыма. Сискин, сүрэххин харыстаа, олус түллэн түбүгүрүмэ.
Оҕус
Үлэҥ бириэмэҕин барытын ылыа. Салалта сөпкө сыаналыа диэн эрэнэҕин эрэ. Хамнаһыҥ соһуччу үрдээбит буолуо. Ыраах айаҥҥа, командировкаҕа барарга сөптөөх кэм. Сынньанар уонна аһыыр кэмҥин саҥалыы аттарыаххын наада. Суһал көһүү, өрөмүөн баар. Харчыҥ элбэх, барытыгар тиийиэ. Уу таһыгар сынньанарыҥ наада. Сөбүлүүр дьарыккар төнүн.
Игирэлэр
Үлэҕиттэн соһуччу уурайардыы туттуоҥ-хаптыаҥ. Саҥа билсибит дьоҥҥун кытта этиһии, айдаан баар. Таптал эйгэтигэр барыта этэҥҥэ. Барыстаах айан күүтэр. Атын идэҕэ үөрэнэргэ өссө да эрдэ быһыылаах. Суолга сэрэхтээх буол. Көһөргө быһаарыммыт буоллаххына, урут көрбүт, сылдьыбыт дьиэҕэр эргиллиэххин сөп.
Араак
Хаһан да ситиһэ илик дьыалаҕар табыллыаҥ. Уурунуу харчыҥ быстан хаалбыккын өрүһүйүө. Докумуоҥҥа илии баттыыргар ураты сэрэхтээх буол. Ыал араактарга кыыһырсыы баар. Баай-дуол кыһалҕатын уталыппакка быһааран иһэриҥ ордук. Хойутаан баран хобо тиктиэххин баҕарбат буоллаххына.
Хахай
Эбии харчылаһар туһуттан эбии үлэни көрдүүһүккүн. Айаҥҥа, тас дойдуга командировкаҕа, успуорка сыһыаннаах нэдиэлэ. Доруобуйаҕын көрүн. Оҕону кытта ситимнээх улахан ороскуот баар. Интэриниэтинэн кэлбит ыҥырыылартан олус батынан кэбиһимэ.
Кыыс
Бу нэдиэлэ таптал былааҕын аннынан ааһыа. Дьылҕа Хааҥҥа махтанаргыттан соло булуоҥ суоҕа. Сүрэххин, сүһүөххүн көрдөрүнэргэр сүбэлииллэр. Саҥа үлэҕэ көспүттэргэ олус тахсыылаах күннэр үүммүттэр. Соҕотохсуйбат буола сатааҥ. Дьон ортотугар сылдьыҥ. Уруккуттан сыһыллыбыт харчы дьыалата быһаарыллан хаалыа.
Ыйааһын
Айылҕаҕа тахсан, онно-манна баран-кэлэн сынньанаргын ким да, туох да мэһэйдиэ суоҕа. Ыраахтан үтүө сурах тигинээн кэлиэ. Дохуоккунан кимиэхэ да киһиргээмэ, өҥнүмэ. Иэскин-күүскүн төннөр. Үлэҕинэн айаннаама, успуорт сытыы көрүҥнэринэн үлүһүйүмэ. Ис санааҕын сааһылан, улахан уларыйыыларга бэлэмнэн.
Скорпион
Остуоруйа дойдутун курдук нэдиэлэ кэлбит. Эн тапталга ылларбыккын. Сирдээҕи кыһалҕаттан ырааппыккын. Уоппуската ыл, ыраах айаҥҥа турун. Үлэҕэр хараҕыҥ аһыллыа – отой да эн интэриэскэр сөп түбэспэт дьыаланан дьарыктана сылдьар эбиккин. Эбии үөрэнэргэр, идэҕин уларытаргар саамай сөптөөх нэдиэлэ.
Охчут
Кыайыы-хотуу, албан ааттаах дьыала уонна тапталга билинии нэдиэлэтэ. Эбии дохуот көстүө. Оҕолоргун үөрэт. Өрөмүөн, даача, мал-сал атыылаһыыта элбэх. Ыраахтан аймахтарыҥ “көһөн” кэлиэхтэрэ. Харчыга иэскэ кииримэ. Массыына, көмпүүтэр алдьанан бүддьүөккүн чачаратыа.
Чубуку
Ыйааһыннаах, дьоһуннаах билсиһии күүтэр. Дьыалаҕа-куолуга да, тапталга да. Ытыллыбыт буулдьа курдук тохтообот эргииргэ киирэн кулахачыйыаҥ. Көстөн биэрбит киһини мүччү туттаххына соҕотох хаалар куттала баар. Маассабай тэрээһин, суһал командировка, социальнай үлэ кэтэһэр. Бэлиитиктэргэ, учууталларга барыстаах нэдиэлэ.
Күрүлгэн
Уоппуска уонна хара көлөһүн тохтор үлэ ыккардыгар ыйанан хаалыаҥ. Биисинэс, урбаан туһунан бакаа тохтото түс. Олус күүскэ хамсаныы бу күннэргэ наадата суох. Урукку алҕастарыҥ баалларын санатыахтара. Ыраах айан, соһуччу соҕус тэрээһиннэр кутталлаах буолуохтарын сөп.
Балыктар
Моонньугар олорор дьону илгэн кэбис. Атыы-тутуу балысхан. Ордугургуур санааны иитийэхтээмэ. Эйиэхэ ис сүрэхтэриттэн тардыһар дьону туора хаһыйыма. Үлэҕэ-хамнаска айымньылаах сыһыаҥҥын көрдөрдөххүнэ салалтаҥ төбөҕүн имэрийиэ, ботуччу бириэмийэ биэриэ. Успуорка уонна айылҕаҕа сынньанарга аналлаах нэдиэлэ.
