Киирии

Киирии

Хой

Үчүгэйдик сынньаныаххын наада. Эр сэнэх эстэ быһыытыйбыт. Уоппуска уолдьаспыт. Тумууга хаптарар куттал улахан, онон күүстээх успуордунан, таһырдьа сүүрэн-көтөн дьарыктанымаҥ. Айдаан-куйдаан билигин эйиэхэ суох буолуохтаах. Нэдиэлэ бүтүүтүгэр дьиэ-уот кыһалҕатын уонна харчыгын ханна угаргын бүтэһиктээхтик быһаарыныахтааххын.

хой

 

Оҕус

о5ус

Үлэҕэр сытыы күн-дьыл бүрүүкээбит. Сэрэдэҕэ “соһуччу уурайан барабын” да диэн туруоххун сөп. Ыксаабаккар сүбэлиибит. Дьиэ иһинээҕи кыһалҕа барыта харчыга тиийэн иҥниэ. Ыал ийэлэрэ аралдьыйа таарыйа туора-маары хаамаары сананыахтара. Бээтинсэҕэ дьүөгэлэргиттэн сылайбыт курдук буолуоҥ.

Игирэлэр

игирэ

Ыраах айантан сибээстээн, араас буом, мэһэй баар. Устунан ыалдьан хаалыаххын да сөп. Бээтинсэҕэ туох барыта уустуктук кэлиэ. Өрөбүллэргин дьиэ кыылларын кытта бодьуустаһан атаар. Бэйэ доруобуйатын көрүнэр кэм кэлбит. Бу нэдиэлэҕэ Күн туруга хайдаҕый да, эн эмиэ оннук буолуоҥ.

Араак

араак

Карьераҕын оҥосторгор үрдүк сололоохтор аан бөҕөтүн аһан биэриэхтэрэ. Оптуорунньукка таптаабытыҥ – туһата суох. Эт-сиин сылайыыта таайыа. Оҕону кытта айар-тутар дьоҕуруҥ уһуктуо. Бырааһынньыкка эн эрэ күлүмнүөҥ. Кырдьаҕас аймахтарыҥ эйигин кэтэһэн ахан олороллор. Өрөбүллэргэ урбаанньыттар дохуоттара үллэс гына түһүө.

Хахай

хахай

Бытархай сэрии толоонноро иннигэр нэлэс гына түһүөхтэрэ. Балыыһаҕа сылдьарыҥ хайаан да наада. Оптуорунньукка тус олоҕуҥ сэрийээл курдук буолуо. Килийиэннэри кытта эйэҕэс буол. Ырдьыгынаама. Хахай төрөппүттэр оҕолоруттан харыс да халбарыйбакка эрэйдиэхтэрэ. Бээтинсэҕэ дьиэҕэр үлэлиириҥ ордук. Өрөбүллэргэ чугас айан, кэпсэтии, үөрэх баар.

Кыыс

кыыс

Олус улаханы уоптаххына, харыаххын сөп. Түбүк элбэх. Олус элбэх. Ыарыы да баар. Ыраахтан кэлбит киһи эн хамнаскын быһаарыан сөп. Сонун бөҕөтө баар. Иһиллээ. Өрөбүлгэ айан урукку доҕоргун кытта көрүһүннэриэ.

Ыйааһын

ыйааьын

Бэйэни харыстаммакка олус түллэн дьулуһуу баар. Дьиэҕэр-уоккар бүгэн олорон үлэлиириҥ ордук. Оптуорунньукка бырааһынньык оройугар буола түһүөҥ. Нэдиэлэ ортотугар ороскуотуҥ улаатыа. Үөрэх элбэҕи ирдиир. Ыраах айаҥҥа билиэти атыылаһар кэм. Ыал буолан хаалаҥҥын соһуталыаҥ. Өрөбүллэргэр дьиэҕин-уоккун көрүн, оҕолорго бэлэхтэ атыылас.

Скорпион

скорпион

Ыктарыы баар. Дьиэҕэр эрэ уоскуйаҕын. Өрөмүөн эбэтэр олорор уйаҕын алдьатыы баар. Тумуулаама. Уларыйыы түһүмэҕэр киирбиккин. Элбэхтик хамсанаҕын, бараҕын-кэлэҕин. Үөрэнэҕин. Дьиэ түбүгүттэн сылайбыккын. 26-ска куһаҕан дьаллыгыҥ төннөн кэлиэ. Субуота – маҕаһыын күнэ.

Охчут

охчут

Массыынаҕар сэрэхтээх буол. Бэнидиэнньиккэ дьиэни эбэтэр успуорду кытта ситимнээх соһуччу түгэннэр үөскүөхтэрэ. Оптуорунньукка айанныыр олус кутталлаах. Булчуттар, туристар ааннара аһыллыа. Кими да киллэрбэт сирдэригэр үктэниэхтэрэ. Ыраах айан суоппардара байа-тайа түһүөхтэрэ. Өрөбүллэргэ ыарыы күөрэс гыныа.

Чубуку

чубуку

Араас мэһэйи бэрт эрэйинэн ойуолаан туоруоҥ. Харчыгын харыыта суох барыыгын. Ким эрэ көһө сатыыр. Оптуорунньукка барыны бары төлөһөр кэм үөскүө. Доҕотторуҥ харчы иэстии сатыыллар. Доруобуйа баарын дуу, суоҕун дуу санатыа. Чэппиэргэ уопсай хочуолга кыттыһыаҥ. Төһөнөн элбэх харчылааххын да, соччонон ыра санаа оҥостор дьолуҥ түргэнник кэлиэ.

Күрүлгэн

курулгэн

Салалта үрдүгүттэн түспэт. Сэниэҥ эстэн эрэр. Бииртэн биир күөрэйиэ. Алтынньы тумуута, түбүгэ, халтараана биирдэ халыс гыныа. Сэрэдэҕэ дьоһуннаах уларыйыы баар. Чэппиэргэ үрдүктүк сыаналыылларын кэтэс. Бээтинсэттэн харчы хамсаан барыа.

Балыктар

балыктар

Ыраах дойдуну, дьиэни-уоту кытта ситимнээх сонуну нэдиэлэ саҥатыгар истиэҥ. Таптал диэн кыыл доҕоргун кытта иилистиэ. Чэппиэр ыраах айаҥҥа туруммут дьоҥҥо үчүгэйи хадаҕалыа. Дьону үөрэтэргиттэн соло булбаккын. Элбэх дьон баар сирэ эйиэхэ табыллыыны, баарды эрэ аҕалыа.

Тарҕат:

Комментарии

Защитный код Обновить