Хой
Дьиэ кэргэн сыһыанын тупсарарга аналлаах нэдиэлэ. Нэһилиэстибэ туһунан ыарахан кэпсэтии буолуо. Ипотека кирэдьиитин ыларга тоҕоостоох күннэр. Нэдиэлэ иккис аҥаарыгар былаас, атын дьон да тустарынан санааҕын аһаҕастык этэриҥ сатаммат. Хаартыскаларгын социальнай ситимҥэ угаргын тохтоторуҥ буоллар. Соһуччу баҕайы хардыыҥ дьону соһутуо.
Оҕус
Ыал Оҕустарга иллээх кэм үгэнэ. Урут кэпсэппэтэххин, үҥүүгэ түһэрэн ыларгын наллаан быһаарыаххын сөп. Кэлэр кэскили былааннаа. Кырата 20-30 сылга. Ыраах айан чугаһаан эрэр. Дьоро киэһэҕэ ыҥырдахтарына, аккаастаама. Нэдиэлэ иккис аҥаарыгар суут-сокуон дьыалатыттан ыраах сырыт. Быраабы араҥаччылыыр уорганнары кытта алтыһыы бу күннэргэ туох да үчүгэйи аҕалыа суоҕа.
Игирэлэр
Доруобуйаны бөҕөргөтөргө ананар нэдиэлэ. Үлэлиир көххүн уһугуннар. Баараҕай бырайыактары торумнаа. Элбэҕи оҥоро сылдьаргыттан бэйэҥ да сөҕүөҥ. Күннээҕи бириэмэҕин сөпкө аттар. Искин-үөскүн ыраастан. Туох да суолтата суох көрү-нары тохтото түһэриҥ ордук. Бу күннэргэ доҕоттору кытта адаарыһар түгэн элбэх буолуо.
Араак
Сүргэҥ көтөҕүллүө. Өй үлэтэ күүһүрүө. Айар дьоҕуруҥ тыга сылдьыа. Успуорт күрэхтэһиитигэр инники буолуоҥ. Тапталлаахтар сибэккигэ сууланыахтара. Эн олоххор бырааһынньык ыллар хардыынан киирэн эрэрин сэрэйиэҥ. Тыйаатыр, быыстапка, кулууп, кэнсиэр холоруктуу кулахачытыа. Чугас баран кэлиэҥ. Оҕо көрүөҥ.
Хахай
Сынньанаргын эрэ саныы сылдьаҕын. Олус элбэх дьыаланы былааннаама. Урууну-аймаҕы кытта сыһыаҥҥын тупсар. Нэдиэлэ ортотугар ыраахтан ыалдьыт бөҕөтө кэлиэ. Тумуу, сыстыганнаах ыарыы куттала баар. Быыс булан сынньана үөрэн. Дьиэ-уот, ыал буолуу туһунан санаа аалар.
Кыыс
Дьон көрдөстөҕүнэ, аккаастаама. Бааргынан-суоххунан көмөлөс. Эн эрэ билэриҥ-көрөрүҥ туһалаах курдук буолуо. Саҥа билсэр киһигин кытта сыһыан тыҥаан барыа. Наар үлэнэн эрэ олороруҥ кинини астыннарбат. Доҕор-атас үһүс-төрдүс миэстэҕэ түһэн биэриэн наада. Үөрэнэр дьоҥҥо барытыгар табыллар нэдиэлэҕит.
Ыйааһын
Баай-дуол кыһалҕатын быһаарарга табыллар күннэриҥ. Үлэҕэр маастарыстыбаҥ үрдээбит. Быдан үрдүк хамнастаах үлэҕэ көһөргө билигин туох да мэһэй суох. Улахан малы-салы атыылаһарга сөптөөх нэдиэлэ. Ол эрээри истиҥ сыһыан, доҕор-атас баарын умнума. Ыал Ыйааһыннарга сытыы киирсии баар.
Скорпион
Бэйэни сайыннарарга саамай тоҕоостоох кэм. Омук тылын үөрэтэргэ, уруһуйдуурга, көмпүүтэр саҥа бырагырааматын баһылыырга. Сыалыҥ-соругуҥ дьэҥкэтин сулустара да суох билэҕин. Халтарааҥҥа сэрэх буол. Эчэйэр куттал улаатан турар. Чугас аймаххын кытта сыһыан соччото суох.
Охчут
Таабырыннаах эйгэҕэ умсугуйан эрэҕин. Турукка киирэр үөрэҕи баһылыы сатыыгын. Элбэх хоруйу булуоҥ. Нэдиэлэ иккис аҥаарыгар ону барытын тэҥнээн биэриэхтэрэ: үп кыһалҕата, симэҕи атыылаһарга күчүмэҕэйдэр. Сүүлүктээһиҥҥэ түбэһиэххин сөп.
Чубуку
Сыылбатыйбыккын. Бырайыактан бырайыак эр сэниэҕин эспит. Саҥа доҕоттору көрдүүгүн. Тас көрүҥҥүн тосту уларыта сатыыгын. Кэмсинэ сылдьаайаҕын. Биир санаалаахтары булар уустук, ол эрээри өһөскүнэн да ону кыайыаҥ.
Күрүлгэн
Эн тускунан олус элбэхтик кэпсэтэллэрин, сибигинэһэллэрин истиэҥ. Куттаныма. Барыта ааһыа. Салалта таба көрөн, үрдүк дуоһунаска таһааран биэриэ. Нэдиэлэ бүтүүтүгэр билбэт киһиҥ массыынатыгар олорсума. Балыйыы, уган биэрии хараҥа тыына барыйан турар курдук.
Балыктар
Саҥа албаска үөрэнэргэ, саҥа сатабылы баһылыырга табыгастаах нэдиэлэ. Мэйииҥ үлэтэ түргэтээбит курдук. Доҕордуу сыһыан бу күннэргэ уустугуруо. Харчы диэн тиэмэ эйигин кыынньыа, били, холку бэйэҥ киэлигиттэн тахсан хаалыаҥ. Уу иһигэр салгын тиийбэт курдук буолуо.
