Киирии

Киирии

Хой

хой

Бу нэдиэлэҕэ карьераҕын кытта ситимнээх улахан уларыйыы тахсыан сөп. Эбэтэр ууратыы, эбэтэр ... Быһата, уустукгу туоруурга бэлэм буол. Бэрэбиэркэлиир уорганнар аалыҥнаһыахтара. Суолга сэрэнэн сырыт. Ыраах айаны былааннаабыт дьон табыллыахтара. Ол айаҥҥа быстах имэҥнээх сыһыан, Интэриниэт “таптала” барыта баар буолуо.

Оҕус

о5ус

Харчыгар улаханнык ыктарыыһыгын. Ороскуот, ночоот, уоруу... Доҕордуу сыһыан эмиэ уустугурбут. Эйигин өйдөөбөт буолбуттар. Онон мээнэ онно-манна быгыалаама, элбэх дьонноох сиринэн илэчийимэ. Духуобунас диэки хайыс. Санааҕын сааһылан. Мэлииппэтэ аах. Алгыста эт.

Игирэлэр

игирэ

Ыал игирэлэр сыһыаннарыгар күлүк түһүөн сөп. Наллаан аанньа кэпсэппэттэн. Ону туоратар биир суол баар – дьоҥҥо-сэргэҕэ элбэхтик тахсыҥ, бииргэ үөрүҥ-көтүҥ, үҥкүүлээҥ. Нэдиэлэ иккис аҥаарыгар халтарыйан оһоллонор куттал улаатыа. Үлэҕэр барытын сабыта тута сатаама. Доруобуйаҕын көрүн.

Араак

араак

Салалтаны кытта сыһыан ааттаах үчүгэй. Туһанан хаал. Үлэ элбэх. Ону барытын кыайа тутуоҥ. Ону көрө сылдьан кэллиэгэлэриҥ идэҕэр сөп түбэспэт сорудахха үктэтиэхтэрин сөп. Аат-суол бардаҕына көҥүлэ. Өй үлэлээх дьон, олус ноҕуруускаланымаҥ. Таптыыр киһигин кытта ыал буола сатыыгын да...

Хахай

хахай

Бырааһынньыктыах санааҥ батарбат. Сүүйүүлээх оонньууга ылларыыһыгын. Улахан сууманы сүтэрэр куттал баар. Ордук көмпүүтэргэ оонньуур буоллаххына. Кими баҕарар төбөтүн эргитэн таптатыаххын сөп. Күнүүһүтүҥ бэрдэ уһуктуо. Сүһүөх, уҥуох ыарыыта бэргиэн сөп.

Кыыс

кыыс


Дьиэ кэргэн кыһалҕатынан олоруоҥ. Батыспат буолуу кыһалҕата баар. Охсуһууга тиэрдибэт курдук быһаараргыт буоллар. Хата, миэбэли, дьиэ-уот тэрилин сонордоһууга, ону атыылаһыыга тыыҥҥытын таһаарыҥ. Ипотека кирэдьиитин ыларга саамай тоҕоостоох кэм. Ыал буола сатыыр дьон, олус күүскэ былааннаамаҥ.

Ыйааһын

ыйааьын

Дьоҥҥо сыыһыаххын сөп. Үрдүттэн сыана быһан кэбиһимэ. Тастан сонуну ылыы уонна ону өйдөөһүн токурутуулаах буолуон сөп. Ол дьыалаҕа-куолуга охсуулаах буолуон сөп. Хата, ол оннугар дьиэ иһигэр, дьиэ кэргэҥҥэ сыһыан тупсуо, хаһааҥҥытааҕар да таптал уйата буолуо.

Скорпион

скорпион

Бу нэдиэлэҕэ үп-харчы ааҕыытыгар охтуоххут. Бүддьүөккүттэн быдан тахсыбыккын. Сиэбиҥ кураанахсыйбыт. Онтон сылтаан дьону кытта сыһыан уустугуруон сөп. Бэйэҕин үөрдээри, бэйэҕэр бэлэхтэ оҥостоор. Саатар, оннук гынан санааҕын алы гынаар.

Охчут

охчут

Бэйэҕин олус кэрбэнимэ, түһэринимэ. Олоҕу толору олорорго баҕалаах буол. Дискэтиэкэ, кэнсиэр, дьаарбайыы, таптал кэмэ кэлбитин сулустар санаталлар. Харчыгын кэмчилээр.

Чубуку

чубуку

Саһан олоруоххун баҕараҕын. Ньиэрбэлэрэ мөлтөх Чубукулар ордук оҕустарыахтара. Сураҕы-садьыгы тулуйан истиэ суоххут. Онон билэр дьоҥҥун, ыалларгын кытта төһөнөн аҕыйахтык алтыһаҕын да, соччонон кутуҥ-сүрүҥ бөҕө буолуо. Бу нэдиэлэҕэ үгүс быһыы-майгы эн хайдах сыһыаннаһаргыттан тутулуктаах буолуоҕа.

Күрүлгэн

курулгэн

Доҕор диэн кимин дьэ билиэҥ. Кэтээн көрөөр эрэ. Иэстэрин биэрэн быстыбат дьону кытта сыһыаҥҥын тохтоторуҥ ордук. Дьиҥнээх доҕор үөрүүгэ-көтүүгэ да, иэдээҥҥэ да эн аттыгар баар буолуо. Ыҥыртарыыта суох. Доруобуйаҥ кэбирээбит. Сылааргыыр буолбуккун.

Балыктар

балыктар

Салалтаны кытта өйдөһөр уустук буолбут. Кириитикэ биир кэм өрө оргуйан олоруо. Болҕомтоҥ суоҕа, хамсанан испэтиҥ барыта ахтыллыа. Карьераҕын оҥостор санааҥ суох быһыылаах, хата, дохуотуҥ улаатыыһы. Бу өрөбүллэргэр эһиилгигэр тугу былаанныыгын да, ол барыта 2018 сылга туолар чинчилээх.

Тарҕат:

Комментарии

Защитный код Обновить