Киирии

Киирии

Хой

хой

Нэдиэлэ саҕаланыыта уруккуттан ыраламмыккын олоххо киллэриигэ кэпсэтиини ыытарга олус табыгастаах буолуо. Эн мүөттээх тылгынан кими баҕарар итэҕэтиэххин сөп. Ол гынан баран, эн санааҕын уоран ылан олоххо киилэрэ сатыыр дьон баар буоларын умнума.Улахан бырайыактары олоххо киллэрэргэ ылсарга ыксаама, хайаан даҕаны өссө төгүл ырытан көр, ордук үпкэ-харчыга болҕой. Масыанньыктарга түбэһэр куттал баар.Нэдиэлэ бүтүүтэ олус табыгастаах буолуо. Уустук боппуруостары быһаарарарга дьэ табыллыаҥ.

Оҕус

о5ус

Бу күннэргэ талааҥҥынан дьону абылыырга баҕас эргиччи табыллыыһыгын. Сөбүлээбэт дьоҥҥор малтаччы кинилэр тустарынан тугу саныыргын этэртэн куттаныма. Бэйэҥ уонна чугас дьонуҥ бырааптарын туруулаһартан толлума. Таптал, ситиһии да чааһыгар табыллыаҥ. Үлэҕэ-хамнаска уоппуска, сынньалаҥ ыларыҥ ордук буолуо. Тыаҕа тахсан хааман киирдэххэ күүс-уох улаатыыһы. Онон өрөбүллэргэр сынньан.

Игирэлэр

игирэ

Оҕуруктаах өйгүн кэмигэр сөпкө туһанан кыайыылаах-хотуулаах тахсарга анаммыт нэдиэлэ. Наада буоллаҕына түһэрсиигэ да утары баран кыайыылаах тахсыаххын сөп. Онон ис санааҕар, интуиияҕар эрэн. Ис-үөс ыарыыта буулаабатын курдук сөпкө көрөн аһаа, аһыы утаҕы олох иһимэ. Бииргэ үлэлэһииттэн үбүҥ-харчыҥ үллүүһү. Онон түгэни мүччү тутума. Кыахтаах буоллаххына баар кирэдьииккин болдьоҕун иннинэ саптаххына сүүйүүлээх эрэ тахсыаҥ. Сулумах игирэлэр чугас эргимтэҕитигэр болҕомтолоох буолуҥ. Аналгыт аттыгытыгар да сылдьар буоллаҕына көҥүлэ.

Араак

араак

Бу нэдиэлэ салгыы хайдах олорор туһунан толкуйдатар. Ол гынан баран чугас дьонуҥ туһугар уонна үлэҕэ үөһэ тахсыытттан быстах кэмҥэ аккаастанары таллаххына кэлин төбө ыарыыта буолуо суоҕа. Сискэ уонна ис былчыҥар эрчиллиилэри оҥорор ордук. Солуута суох сээкэйи атыылаһан харчыгын бараама. Үөрэх-билии өттүгэр ситиһии аана арыллыаҕа.

Хахай

хахай

Бэнидиэнньик уустук курдук буолуоҕа, ол гынан баран атын күннэргэ дьэ күннүүһүгүн. Чугас дьоҥҥор ордук болҕомтону уурартан аккаастаныма. Табаарыстары кытары көрсүһүүттэн аккаастанан да туран, дьиэҕэ баар дьоҥҥун кытары алтыс. Тапталлааххын кытары истиҥ сыһыан өссө тупсуо. Харчы эн тускар хамсыыр, ону инни кигэр уурунарыҥ ордук. Сүрэх-тымыр систиэмэтин ноҕоруускалаабатыҥ ордук.

Кыыс

кыыс

Доҕоттор уонна биир санаалаахтар суолталара үрдүө. Сүтэрсибит доҕоргун көрсөн дьоллонуоҥ. Интэриэһинэй хампаанньаны кытары бириэмэ атаарартан аккаастаныма. Эн онтон дуоһуйууну, күүһү-уоҕу эрэ ылыаҥ. Таптал чааһыгар соһуччу долгутуулаах түгэннэр бааллар.

Тумууга, тымныйыыга ылларбат туһуттан таҥаскын көрүн. Ордук атах таҥаһа ичигэс буоларын хааччын. Таһырдьа сыгыньах ырбаҥалаама. Чуумпуран турбут дьыаланы сөргүтэргэ аан бастаан докумуоннары сааһылыыртан саҕалаа.

Ыйааһын

ыйааьын

Бу нэдиэлэҕэ эргиччи табыллыыһыгын. Олох хайа баҕарар хайысхаларыгар ситиһии эрэ баар буолуо. Маныаха эн  туруоруммукун сиһиэр дьоҕуруҥ, ньоҕойуҥ баһылыыр оруолу ылыаҕа. Нэдиэлэ бастакы аҥарыгар наадалаах дьоннуун алтыһарга үчүгэй. Оттон иккис аҥарыгар бэйэҥ бүөмнээн сылдьан элбэҕи ситиһиэҥ. Сибидээнньэҕэ, доҕоттордуун көрсүһүүлэргэ барартан дьалты туттума. Барыта орун-оннугар буолуо. 

Скорпион

скорпион

Дьыалабыай боппуруостары быһаара охсорго тиэтэйимэ. Билигин эйиэхэ тулуур уонна кыатаныы арыый тохтоон турар кэмэ. Ханнык да маастаах хампаанньаҕа күлэн-үөрэн, саҥаран-иҥэрэн болҕомто иннигэр сылдьыыһыккын.

Дьарҕарбыт ыарыылар көбөн кэлиэхтэрин сөп. Эккэр-хааҥҥар уу мунньустан иһии, хаан туруута куттала баар. Миэрэни ылар уолдьаспыт. Ыал буолар туһунан быһаарыыны ыларга ыксаама. Харчы хайытан ыларга бэрт табыгастаах нэдиэлэ.

Охчут

охчут

Идеяларынан тыга сылдьар буолуоҥ. Барыны-бары ситиһэ сатаан сүүрүөҥ-көтүөҥ. Онуоха кими эмэ алҕаска саҥаран кэбиһэн эрэйи көрүүһүккүн. Онон тылгы-өскүн кыана тутун.

Дьиэ кэргэҥҥэ кыра өйдөспөт буолуу баар, ону сытыырхайа илигинэ эйэ-дэмнээхтик быһаарарыҥ ордук. Доруобуйаҕар болҕомтолоохтук сыһыаннас, бырааһынньыктар кэннилэриттэн эккин-сииҥҥин сынньат, абырахтыы да түһүүһүккүн. Атыттарга аһара эрэнэн харчыгыттан матыаххын сөп. Болҕомтолоох буол.

Чубуку

чубуку

Сыл икки бастакы нэдиэлэтэ хайдах салаллыбытынан салайтаран инникигин торумнуур сыыһа. Барыта орун-оннугар буолуо. Ол гынан баран бэйэҕэр улахан эппиэтинэһи ыларга бэлэм буол. Уларыйыыны-тэлэрийиини соччо сөбүлээбэтэргин да хайыаххыный, онтон син биир мүлчү түспэккин. Таптал чааһыгар улаханнык табыллыыһыгын, ыал дьон сыһыаҥҥыт өссө тупсууһу. Хаан баттааһыныгар болҕомтолоох буол. Баай-дуол чааһыгар уустук боппуруостары быһаарарга табыгастаах нэдиэлэ.

Күрүлгэн

курулгэн

Нэдиэлэ олус түргэнник, биллибэккэ ааһыа. Онно ыгылыйан хаалымаҥ. Бириэмэҕитин сөптөөхтүк аттаран сылдьыҥ. Оҕолор болҕомтону ирдииллэриттэн кыйаханымаҥ. Тапталлаахтар бэйэ-бэйэҕитин наһаа аалымаҥ, бэйэ-бэйэҕититтэн кыратык сынньана да түһүүһүккүт. Ол ордук буолуо. Оттон сулумах күрүлгэннэр социальнай ситимнэргэ билсэргититтэн кыбыстымаҥ. Ньиэрбэҕитин харыстыыр, үчүгэйдик утуйан сынньанар уолдьаспыт. Ордук харчылаах буоллаххытына ону ханна эрэ уган оонньоторго табыгастаах нэдиэлэ.

Балыктар

балыктар

Ыһыллан-тоҕуллан олордоххутуна туох да күттүөннээҕи ситиһиэххит суоҕа. Санааҕытын сааһылаан, күүскүтүн-уоххутун ууран ылыстаххытына табыллыыһы. Салалтаны кытары кыыһырсар түгэҥҥэ бэйэҕитин туттунуҥ. Уопсайынан, халлаантан сиртэн түһүөххүтүн наада.Тымныыттан чаҕыйбакка көй салгыҥҥа элбэхтэ сылдьыҥ. Наар бэйэҕитигэр эрэ эрэнэр кэмэлдьигит үп-харчы чааһыгар охсуулаах буолуон сөп.

Тарҕат:

Комментарии

Защитный код Обновить