Хой
Бу нэдиэлэттэн саҕалаан толкуйгун, былааҥҥын олоххо киллэрэр баҕаҥ күүһүрбүт. Үгүс сыраҕын-сылбаҕын онно ыытыаҥ. Ол эрээри түмүк соччо үчүгэйэ суох буолуо. Санааҕын сааһылыы таарыйа успуордунан дьарыктан эбэтэр дьиэҕин-уоккун сууй. Маныаха таптал чааһыгар табыллыы баар. Сулумахтар, сүрэххит аҥаарын көрсөр кыахтаммыккыт, бэйэ бодоҕутун тардына сылдьыҥ.
Оҕус
Нэдиэлэ сылаалаах соҕустук саҕаланыаҕа. Саҕалаабыт дьыалаҕын тиһэҕэр тиэрдэри умнума. Нэдиэлэ иккис аҥаарыгар чугас доҕоргор болҕомтолоох буол. Тапталыҥ туһунан кимиэхэ да быктарыма. Эйигин ордугургуу саныыр дьону кытта алтыһыма, ньиэрбинэйдээмэ, ис туруккун ноҕуруускалаама. Төһө кыалларынан сөпкө аһыы сырыт. Үлэ чааһыгар көхтөөххүн, онон барытын кыайаҕын. Саамай сүрүнэ, кыаххын билин, наһаа элбэҕи ылыныма.
Игирэлэр
Үлэҕэ күүскэ баттаппыккын. Эбээһинэскин суобастаахтык толор. Оҥоруохтааххын кэллиэгэлэргэр найылаама. Сорох ардыгар сүрэҕэ суоххун биллэрэ сатыыр курдуккун. Хаһан баҕарар тулуурдаах, дьулуурдаах дьону кыайыы күүтэрин умнума. Өскөтүн бырааһынньыкка ыҥырдахтарына, хайаан да бараар. Онно эйигин истиҥ кэпсэтии күүтэр. Доруобуйа этэҥҥэ.
Араак
Нэдиэлэ чэпчэкитик саҕаланар чинчилээх. Үп-харчы кыһалҕатын билбэккин. Бу күннэргэ ис туруккун үөрэт, бэйэҕэр болҕомто уур. Маны таһынан эн көмөҕөр наадыйааччылар биллиэхтэрэ. Аккаастаама. Оттон чэппиэргэ сэрэхтээх буол. Чугас киһигин кытта киҥир-хаҥыр буолуоххун сөп эбит. Ол кыыһырсыы кэннэ истириэскэ киирэр куттал баар.
Хахай
Харчыга эппиэтинэстээхтик сыһыаннас. Чэпчэкитик харчылаһар, харчыга харахтарын кыбыппыт дьону кытта алтыһыма, онно-манна киирэн биэримэ. Итинтэн туох да үчүгэй тахсыбат. Үлэ этэҥҥэ баран иһэр, кэлин дуоһунаһыҥ үрдүүр чинчилээх. Өрөбүллэргэ өр сылларга көрбөтөх доҕотторгун кытта көрүс, үөр-көт. Өссө доруобуйаҕар бириэмэтэ анаа. Аанньа утуйбаккыттан дабылыанньаҥ халбаҥныыһы.
Кыыс
Эйигин интэриэһинэй санаалаах, үлэҕэ көхтөөх, сайдыылаах дьон тулалыыллар. Онон дьыала-куолу докумуоннарын баттаһарга табыгастаах кэм. Үгүс кыһалҕаны доҕотторуҥ уонна таптыыр киһиҥ өйөбүллэринэн быһаарыаҥ. Ол да буоллар аһара үлэҕэ умса түһүмэ. Бу нэдиэлэҕэ улахан кыайыы-хотуу суох. Онон сэниэҕин бараабатыҥ ордук.
Ыйааһын
Истириэскэ кииримэ. Бу күннэргэ аһара хоргус буолбуккун. Кыраттан да хомойоҕун. Онон санааҕын көтөҕөргө дьулус, сөбүлүүр дьарыккынан дьарыктан. Хамнас кэлиэр диэри мээнэ тугу да атыылаһыма. Оттон сэрэдэҕэ тус олоххор уларыйыы баар. Үлэҕэ саамай эппиэттээх уонна таһаарыылаах күн – чэппиэр. Оҕолорго сылаас сыһыаҥҥын бэлэхтээ, кинилэр эн болҕомтоҕор наадыйаллар.
Скорпион
Баҕа санааҥ, идиэйэҥ ыһылла сылдьар. Бэйэҕэр уонна чугас дьоҥҥор эрэннэрбиккин букатын ыһыктыма. Олоххо туох эмэ саҥаны киллэрэргэ соруммут буоллаххына, күүскэ үлэлиэххин наада. Бу күннэргэ дьыалабыай кэпсэтии табыллыбатаҕына, санаарҕаама. Кэлин табыллыа. Наһаа ыксаан, кэллиэгэлэргин, биир санаалаахтаргын кытта иирсэн кэбиһиэххин сөп. Тус олоххор уларыйыы суох. Чугас киһигин кытта аһаҕастык кэпсэтэн, элбэҕи өйдүөҥ.
Охчут
Эйиэхэ кэллиэгэлэриҥ эбэтэр көннөрү билэр дьонуҥ көмөлөһүөхтэрэ. Ол иһин барыстаах кэпсэтии этэҥҥэ ааһыа. Өрөбүллэри эмиэ үлэҕэр атаарар чинчилээххин. Ол -- барыта үчүгэйгэ. Тус дохуот улаатыытыгар түгэн көстүөҕэ. Таптал чааһыгар кими да ордук санаама. Күрэстэһээччилэр баалларын биллэриэхтэрэ.
Чубуку
Үлэҥ хаһааҥҥытааҕар да таһаарыылаах. Ол иһин ис туругуҥ кэминэн. Арай, аһара чараастык таҥнар буолаҥҥын, тымныйаары гыммыт курдуккун. Сэрэхтээх буол. Ыарыйдыҥ да, тута балыыһаҕа сүүр. Чэппиэргэ, бээтинсэҕэ дьиэлээхтэргин кытта иирсиэххин сөп. Ол иһин мээнэ тыллаһыма, суолтата суох куттаама, өһүргэнимэ. Өрөбүллэргэ мал-сал атыылаһарга табыгастаах күннэр. Урукку баҕа санааҕын толорон, туох эрэ суолталааҕы бэйэҕэр эбэтэр дьиэҕэр-уоккар атыылас.
Күрүлгэн
Сокуоҥҥа болҕомтолоох буол. Дьыала-куолу докумуоннарыгар мээнэ илии баттыыртан туттун. Нэдиэлэ саҕаланыытыгар саалаҕа тиийэн, успуордунан дьарыктанарыҥ наада. Үгүстүк таһырдьа хаамп, салгынна сиэ. Дьиэ кэргэҥҥэ истиҥ сыһыан өссө күүһүрүө, онтон соҕотохтору дьоллоох уонна үйэлээх билсии-көрсүү күүтэр. Бу нэдиэлэҕэ үгүс Күрүлгэн төрөөбүт күнүн бэлиэтиэҕэ. Онон болҕомто барыта эйиэхэ.
Балыктар
Эмтэниэххин наада. Тымныйыы баар курдук. Үлэҕэр кыһалҕаны бэйэҥ эрэ быһаарар кыахтааххын. Ким да көмөтүгэр эрэнимэ. Бу күннэргэ таҥас-сап, мал-сал атыылаһар табыгастаах. Муоданы сэҥээрээччилэр, табыллыыһыгыт. Хаһааҥҥытааҕар да үөрэ-көтө сылдьаҕын, ол иһин үөскүүр кыһалҕалары чэпчэкитик ааһаҕын. Чугас дьонуҥ өйөбүллэрин, тапталларын билэн, бэйэҕин дьоллоох киһинэн ааҕыныаҥ.
