Киирии

Киирии

Хой

хой

Нэдиэлэ устата элбэҕи толкуйданыаҥ. Билиигин-көрүүгүн хаҥата айаҥҥа турунуоххун сөп. Бу түгэни мүччү тутума. Үлэҕэ улахан уларыйыы суох, салалтаны кытта кыра өйдөспөт түгэн үөскүөх курдук. Оттон тус олоххо, быһыыта, кыһалҕа кыһарыйаары гыммыт. Сүрэҕин аҥаарын кытта уопсай тыл булар уустук, тыл-тылга киирсибэт буолуу баар. Олунньу 14-с күнүн көрсөр түүн баҕа санааҕын этэргин умнума.

Оҕус

о5ус

Доруобуйаҥ кэбирээбит. Сэрэхтээх буол. Аска-үөлгэ болҕомто ууран, эти, үүтү аһыы сырыт. Үп-харчы өттүгэр эмиэ уустук түгэн баар. Төһө да харчыгын харыстаабытыҥ иһин, ороскуоттан куотар кыаҕыҥ суох. Таптал чааһыгар уларыйыы бээтинсэҕэ буолуо. Бииргэ үлэлиир кэллиэгэҥ, доҕоруҥ эйиэхэ истиҥ сыһыаннааҕын өйдүөҥ. Онон уларыйыылартан саллыма, инниҥ хоту айаннаан ис.

Игирэлэр

игирэ

Таптал, истиҥ сыһыан хаһааҥҥытааҕар да күүһүрбүт. Ыал Игирэлэргэ сыһыаны тупсарыыга табыгастаах кэм. Инники былааҥҥытын кэпсэтиҥ, баҕа санааҕыт туоларыгар дьулуһуҥ. Үлэҕэ арыый да эппиэтинэстээх буол, бииртэн бииргэ көһө сылдьыма. Чэппиэртэн саҕалаан успуорт саалатыгар дьарыктан диэн сулустар сүбэлииллэр. Харчыгын харыстаан тутун.

Араак

араак

Үлэ уонна дьиэ-уот кыһалҕатын бииргэ быһаарыыһыгын. Кэллиэгэлэргин да, тапталлааххын да кытта сыһыаны харыстыырга туруулаһаҕын. Өскөтүн, дьиэҕэ иитэр кыыллаах эбэтэр үүнээйилээх буоллаххына, кинилэри бэрийиигэ элбэх бириэмэни барыаҥ. Онтон сылайыаҥ суоҕа, төттөрүтүн, дуоһуйуоҥ. Эн тускунан хоп-сип тарҕатар дьон аттыгар бааллар, аһара аһаҕас буолума.

Хахай

хахай

Бу нэдиэлэҕэ таптал, айар үлэ уонна үөрэх салааларыгар ситиһии улахан. Тапталлааххын кытта саҥа саҕахтары арыйыаҥ. Онтон сулумахтары быстах таптал күүтэр. Ыал Хахайдар оҕолорун кытта бириэмэлэрин сүрдээх үчүгэйдик атаарыахтара. Аны туран, дийиэтэҕэ эҥин олоро сатаама, доруобуйаҕын харыстаа. Саамай сүрүнэ, оптуорунньук уонна сэрэдэ күннэрин ааһыахха наада. Эппиэтинэстээх күннэр.

Кыыс

кыыс

Бу нэдиэлэни дьиэ кэргэҥҥэ аныаҥ. Ол сөп. Төрөппүттэриҥ уонна чугас аймахтарыҥ сылаас сыһыаннарын билиэҕиҥ. Бу күннэргэ кирэдьииккэ киирэн, дьиэҕэ-уокка туттар мал-сал атыылаһыыһыгын. Өссө чугас доҕоруҥ сыһыана урукку курдук буолбатаҕын өйдөөн, санааҥ түһэн ылыа. Ол эрээри тапталлааҕыҥ эйигин олус таптыырын, харыстыырын өйдөө. Нэдиэлэ устата кыһалҕалаах дьону кытта буолбакка, ситиһиилээх, үчүгэй настарыанньалаах дьону кытта алтыһа сатаа.

Ыйааһын

ыйааьын

Аһаҕас кэпсэтии күүтэр. Ол кэнниттэн санааҥ чэпчиэ, олоҕу атын хараххынан көрүөҥ. Саҥа билсии-көрсүү, кэлии-барыы бөҕө буолбуккун. Онон сытыы-хотуу буол. Өрөбүллэргэ чугас аймахтарыҥ ыалдьыттыахтара. Үлэҕэр урукку курдук эппиэтинэстээххин, барытын толорон иһэҕин. Бииргэ үлэлиир дьонуҥ ону сыаналыахтара. Кытаат, кытарчы көр.

Скорпион

скорпион

Дьиэ кэргэн бүддьүөтэ халыҥаабыт. Ол үбү өрөмүөҥҥэ ыытыаҕыҥ. Солуута суох кэпсэтиигэ бириэмэҕин ыыппатаххына, ситиһиилээх нэдиэлэ буолуо. Ол гынан баран доруобуйаҕын көрүнүүһүгүн. Тымныйыы баар буоллаҕына, хайаан да балыыһаҕа көрдөрүнээр. Бэйэҕэ эрэлгин үрдэтэ сатаа, мээнэ бүк түһэн сылдьыма. Ыраах айаҥҥа турунар буоллаххына, халыҥнык таҥнаргын, төбө уонна ис эмэ илдьэ бараргын умнума.

Охчут

охчут

Эбии үөрэх кууруһугар сылдьар түгэн көһүннэҕинэ, аккаастаныма. Сыанаҕа тахсан этэр-тыынар, бэйэни биллэрэр түгэн тосхойуо. Олус боччумнааххын. Билиҥҥи кэмҥэ сүрүн кыһалҕаҥ үп-харчы боппуруоһа. Кэнэҕэски харчыгын хайа диэки салайарын, бэйэҥ көҥүлүн. Тус олоххор уонна үлэҕэр алтыһар дьонуҥ эйигин өйдөөбөт буолан эрэллэр. Кэлиҥҥи кэмҥэ тус санааҕын аһара соҥнуур буолбуккун. Киһи барыта эн курдук толкуйдаабатын өйдүөх тустааххын.

Чубуку

чубуку

Эмиэ дьиэ-уот кыһалҕатыгар баттаппыккын. Итинтэн сылтаан дьиэлээхтэргин кытта кырыылаах хараххытынан көрсөр буолбуккун. Дьиҥэр, бу нэдиэлэҕэ санааҕын сааһылаан, бириэмэҕин соҕотох атаарарыҥ ордук табыгастаах буолуо. Кыах баар буоллаҕына, айылҕалыын алтыс, сатыы хаама сатаа. Нэдиэлэ иккис аҥаарыар үлэҥ элбиэҕэ. Эбии үлэ көстүөх курдук. Доруобуйа туруга этэҥҥэ. Сулумахтар, саҥа билсииттэн-көрсүүттэн тэйэ түһэргит ордук.

Күрүлгэн

курулгэн

Эркин курдук эрэнэр доҕоттордооххун билиэҕиҥ. Эйигин араас интэриэһинэй доҕоттор тулалыыллар. Эйигин кинилэр абырыахтара. Тоҕо эрэ эн билиҥҥи олоххуттан сылайбыт, мунчаарбыт курдуккун. Наһаа соҕотохсуйа сатаама. Дьоҥҥун кытта алтыс. Аһара санааҕа ылларарыҥ доруобуйаҕар кутталлаах. Саҥа үлэ көһүннэҕинэ, олоххун уларытаргар саҥа саҕах арыллыыһы.

Балыктар

балыктар

Карьераҕа тахсыы баар да баар. Кыаххын сөпкө туһаннаххына, үп-харчы хамсыаҕа. Бу ордук урбаанньыттарга сыһыаннаах. Харчыҥ төһө да дэлэйдэр, мээнэ ыскайданыма. Доҕотторго харчы иэс биэрбитиҥ түмүгэр сыһыан алдьаныан сөп. Төһө да үлэ үөһүгэр сырыттаргын, сынньанары умнума. Өрөбүллэргэ лип дьиэҕэр сытан, чугас дьоҥҥун кытта бириэмэҕин атаарарыҥ ордук буолуо.

Тарҕат:

Комментарии

Афанасий
0 Афанасий 25.02.2019 21:43
Бу нэдиэлэтээ5и гороскоп хаьан тахсар?
Ответить

Защитный код Обновить