Хой
Ый саҕаланыытыгар үпкэ-харчыга ыктарыы баар. Харчыгын ыһа-тоҕо бараама. Үлэ эмиэ соччо үчүгэйэ суох эрээри, субуотаҕа уонна баскыһыанньаҕа үчүгэй уларыйыы буолуоҕа. Доруобуйаҥ чааһыгар кыһаллыаххын наада. Бу күннэргэ сэниэтэ суоххун. Нэдиэлэ иккис аҥаарыттан сэргэхсийэн барыаҥ. Эйигин бу күннэргэ туруоруммут сыалыҥ-соругуҥ, ыра санааҥ абырыаҕа. Онон үчүгэйи ыралыыртан куттаныма, быстах санааҕа ылларыма.
Оҕус
Күүстээх нэдиэлэ күүтэр. Бэнидиэнньиккэ салалтаҕыттан кириитикэлэниэҥ. Бу түгэҥҥэ этиһимэ, аахсыма, ньиэрбинэйдээмэ. Нэдиэлэ бастакы эрэ күнэ ыарахан буолуоҕа, оттон атына – үчүгэй. Эн айылҕаҕынан лиидэр, дьону кытта түргэнник биир тылы булар буолаҥҥын, өрүү сүүйүүлээххин. Онон киэҥ көҕүстээх буол. Таптал чааһыгар эмиэ иирсээн баар. Хайа да түгэҥҥэ сүүйүүлээх тахсаҕын, онон ыгылыйыма, эрдэттэн ыһыктыма.
Игирэлэр
Саҥа дьыаланы саҕалыыргар соччо табыгаһа суох кэм. Нэдиэлэ устата элбэҕи үлэлээмэ, чугас дьоҥҥун кытта сынньана сатаа. Бэйэҕин көрүн, урут сылдьыбатах сирдэргин кэрий. Баҕалаах буоллаххына, айаҥҥа да турунуоххун сөп. Ол эрээри, суолга-иискэ сэрэхтээх буол. Тапталлааххар истиҥ сыһыаҥҥын бэлэхтээ, кини эн сүбэҕэр-амаҕар олус наадыйар.
Араак
Үлэ ыйа саҕаланна. Нэдиэлэ устата болҕомтоҕун чугас, бииргэ үлэлиир дьоҥҥун кытта алтыһыыга аныаҥ. Бэриллибит сорудаҕы кэмигэр толороҕун, маладьыаскын. Ол эрээри бэйэҕиттэн айыаххын-тутуоххун, тугу эрэ эбиэххин саныыгын да, кэмэ кэлэ илик курдук. Онон салалта тылыттан тахсыбакка, уопутурарыҥ наада. Холостуойдар сытыы-хотуу буолуҥ, иллэҥ кэмҥитигэр дьиэҕэ олорумаҥ. Оттон ыал дьон – сыһыаҥҥытын харыстааҥ, оҕолоргутун кытта элбэхтик алтыһыҥ.
Хахай
Үлэҥ өссө таһаарыылаах буолбут. Бэйэҥ кыаххын, сатабылгын туһанар кэмиҥ. Ким үлэлиир – ол аһыыр. Ол аата үп-харчы, дохуот киириитэ үрдүк. Арай, сүүрэ-көтө сылдьаҥҥын дьиэ кэргэҥҥин кытта өйдөспөт түгэн баар. Өрөбүллэргэ дьыалабыай кэпсэтиилэр, биир санаалаах дьоннуун алтыһыы күүтэр. Онон сэргэх буол.
Кыыс
Ыарахаттар бааллар. Бэйэҕин олус бытааннык сайыннараҕын, баҕа санааҥ туһугар соччо турууласпаккын. Бу күннэргэ аһара ньиэрбинэйдиир буолбуккун. Чугас дьоҥҥор тимир курдук сыһыаҥҥын биллэрэҥҥин, үгүстэри хомоппуккун. Онон арыый да сымнаҕастык уонна холкутук сырыт. Санааҕын-онооҕун сааһылан, бэйэ икки ардыгар сыһыан туһунан толкуйданар кэм кэлбит. Элбэхтик таһырдьа сырыт.
Ыйааһын
Бэйэҥ аттыгар дьону сомоҕолуур ураты күүстээхин. Эйиэхэ атыттар наһаа талаһаллар. Арааһа, бэйэҕэ эрэллээх буолаҥҥын, туохтан да толлубаккын быһыылаах. Нэдиэлэ устата исписэлиис да, киһи да быһыытынан сайдыаҥ. Онон саҥа саҕахтары арыйарга бэлэмнээх буол. Сулустар бииртэн сэрэтэллэр – дьоҥҥо олус итэҕэйимэ уонна дьыала-куолу докумуонунугар сэрэхтээхтик илии батта.
Скорпион
Эн дьиэ кэргэҥҥэр сылаас сыһыан, ыраас таптал баар. Тус олоххор дьоллооххун. Үлэ чааһыгар улахан дабайыы суох эрээри, санаарҕаама. Бириэмэ кэлэ илик. Ол оннугар доруобуйаҕын көрүн. Тугун эмэ ыалдьар буоллаҕына, быраастарга тиийэргин умнума. Ыарыыны бэргэтимэ. Кимиэхэ да иэс биэримэ, иэскэ кииримэ.
Охчут
Бэйэҕэр эрилиҥ хаһааҥҥытааҕар да улаатан сылдьар. Саас маҥнайгы ыйа тус олоххун уонна чугас дьоҥҥун кытта сыһыаны тупсарарга табыгастаах. Оттон дьыалабыай кэпсэтиилэр араас буолуохтара. Түһүү да, тахсыы да баар. Бу күннэргэ саамай сүрүнэ хомуллууулаах буолуоххун наада. Бииртэн бииргэ көһө сылдьыма. Өскөтүн доҕотторуҥ эн көмөҕөр наадыйдахтарына, аккаастаныма.
Чубуку
Киириилээх-тахсыылаах нэдиэлэ күүтэр. Айаҥҥа турунар буоллаххына, саҥа билсиһии-көрсүһүү күүтэр. Үчүгэйдик билбэт дьоҥҥун кытта аһаҕастык кэпсэппэтиҥ ордук. Дьыалы-куолу өттүгэр эмиэ болҕомтолоох буол. Оптуорунньукка уонна сэрэдэҕэ үп-харчы боппуруоһун быһаарыма. Маны таһынан, элбэх суумалаах кэрэдьииккэ киирэ сатаама. Бииргэ үлэлиир дьонуҥ кэннигиттэн саҥараллар, ордук саныыр эбиттэр.
Күрүлгэн
Эн тускунан хобу-сиби тарҕатар дьоҥҥо наадыйыма. Бу күннэргэ эбии дохуоттаныаҥ. Онон харчыгын эрдэттэн былааннаа. Эн олоххо ураты көрүүгүнэн, ылсыбыт дьыалаҕын тиһэҕэр тиэрдэр дьоҕургунан өрүү бастыҥҥын. Ол хаачыстыбаҕын кэллиэгэлэриҥ олус сыаналыыллар. Арай, кыаххын өйдөөн туран үлэлээ. Доруобуйаҥ кэбирээбит, дабылыанньаҥ түһэр буолбут.
Балыктар
Күүс-сэниэ бөҕөҕүн. Инники былаан элбэх. Ол эрээри, былааҥын дьиэ кэргэниҥ уонна бииргэ үлэлиир дьонуҥ билиэхтэрин наада. Баҕа санааҥ туолбатаҕына, аһара хомойор эбиккин. Үлэ, доруобуйа чааһа этэҥҥэ. Харчы да син баар. Арай, тапталлааххын кытта сыһыаныҥ соччото суох. Кини кэпсэтиини тиһэҕэр тиэрдибэтиттэн сылтаан, иирсээн тахсыах курдук.
