Хой
Үлэ-хамнас үгүс өттүн, сытыы кыһалҕалары нэдиэлэ саҥатыгар быһаарарга кыһан. Ол кэнниттэн мээнэ сылдьар баҕаҥ баһылыыр чинчилээх. Хата, бу кэмҥэ улахан кыһалҕа, моһол көстүбэт. Тыын да ыла, инникини былаанныы да түһүөххүн сөп. Ол оннугар дьиэ кэргэҥҥэ сыһыан өрө көтөн ылыыһы.
Кыыһырсыбат буоларга кыһан. Сулумах Хойдор сүрэхтэрэ сөбүлүүр киһилэрин көрсөр тоҕоосторо улахан диэбиттэр. Кырата, бириэмэни бэркэ атаарыыһылар.
Оҕус
Бу нэдиэлэ эһиэхэ араас түгэнэ баай буолсу, дьыалабыай сыһыаҥҥа, биисинэс бары да эйгэтигэр буоллун. Дьиэ кэргэҥҥит ол оннугар кэнники былааҥҥа тэбиллэр чинчилээх. Дьыалаҕа тыыппалаах буолуугут тиийбэт курдук. Онон күүһү-күдэҕи сөпкө дьаһанан күүһүртэххитинэ табыллыыһы. Бу маннык хаһан эрэ буолбута ээ диир санаа киирэн ааһыан сөп. Соҕотоҕун сүүрэн-көтөн кыахтааххын дакаастыы сатаама. Биир санаалаахтары түмнэххинэ эрэ, ордук табыллыаҥ.
Игирэлэр
Өскөтүн бу нэдиэлэҕэ былыр үйэ саҕалаан баран бырахпыт дьыалаҕын ситиһиэх курдук түгэн үөскээтэҕинэ, кэтэмэҕэйдии барыма, түгэни туттумахтас. Сулустар бу күннэргэ туох эрэ саҕалыырдаах буоллахтарына, эн диэки үтүө харахтарын хатыыр былааннаахтар. Таптал, сыһыан да чааһа – чаһы. Ол да буоллар тус санааҕын сиэри таһынан соҥнууртан сэрэниэххин наада.
Араак
Бу нэдиэлэ эн буолар быһыыга-майгыга оруо-маһы ортотунан орооһон, кыттыһан барбатаххына, уу нуураллык ааһыа. Сөптөөх быһаарыыны ылынар гына толкуйдаан дьаһан. Оччоҕо кыһалҕаҕа кыбыллыаҥ суоҕа. Эҥин-дьүһүн балаһыанньаҕа кыбыллыбатаххына, нэдиэлэ бүтүүтэ уоскулаҥ кэмэ күүтэр. Айар-тутар дьоҕургутугар эбэтэр тапталга сыһыаҥҥа саҥалыы, сонун күүс эбиллииһи. Сүрүнэ, сүрэҕэлдьээмэҥ, ити чааһыгар болҕомтону күүһүрдэн, сытыырхатан биэрэр быдан ордугун умнумаҥ.
Хахай
Нэдиэлэ саҕаланыыта дьайыылаах хамсаныылартан, быһаарыы ылынартан арыый да чу буола түһэг, олорбут олоххутун ырытан, сыаналаан көрүҥ. Туохтан аккаастанаргыт, ол оннугар туохха болҕойоргут ордугун ыксаабакка толкуйданыа этигит.
Эрэл кыыма күөдьүйүүтэ уонна кэскиллээх интэриэс үөскээһинэ үлэ үтүмэнэ түмүктэнэн эрэрин кэрэһилиэ. Сонуннук көрөргө дьулуһуҥ. Туохтан эрэ олус куттанардаах, сэрэхэдийэрдээх (фобия) түгэҥҥитигэр, табыгастаах кэми баттаһа, онтугутуттан босхолонорго дьулуһуҥ. Күлүү-үөрүү, дьээбэни сатаан өйдүүр дьоҕур олоҕу киэҥник көрөргө көмөлөһүө.
Кыыс
Эһиэхэ ардыгар элбэхтэн тутааҕы быһаарар, ким доҕор, өстөөх буолары араарар дьоҕургут кылбаччы сотуллан хаалар үгэстээх. Хайдаҕын да иһин, нэдиэлэ саҕаланыыта баайы-дуолу, харчыны хаҥатыыга, статуһу үрдэтиигэ дуу сыһыаннаах, омос көрүүгэ, иирээкитиҥи идиэйэ киирииһи. Ис-иһигэр киирдэххэ, сатаан туһаннахха, онтон аккаастанар төрүөт суох, сыыһа быһаарыныы буолуон сөп. Быһата, чэппиэргэ диэри сулустар эһиги диэкилэр.
Нэдиэлэ бүтүүтэ дьиэ кэргэҥҥэ эбэтэр тапталлаахтыын өйдөспөт буолуу, мөккүөр күөрэйэн ылар чинчилээх. Бэйэҥ санааҕын ончу соҥноомо, баары уларыта сатаама. Саатар, ылынар курдук тутун. Ол ордук.
Ыйааһын
Судургута суох, иккиттэн биирин тал диэбит курдук, судургута суох сорук турууһу. Тыын суолталаах быһаарыыны ылынаргар үөрүйэх эрэ оҥостубуккун өрө тута сатаама, бары күүһү, сонун кыаҕы, көрүүнү туһаннаххына, кыайыаҥ, дьон ымсыырбыт хараҕын көрүөҥ. Нэдиэлэ бүтүүтэ өр кэм санаа баттыга, бутуурдаах боппуруос оҥостубут хайысхаҕар кистэлэҥ күлүүһү булуох курдуккун. Ол эрээри ону ууга-уокка түһэн, сибилигин быһаара сатаабакка, арыый да уһата түс. Түөрүйэнэн дьарыктан, олоххо киллэриигэр тиэтэйимэ. Сынньан, айылҕаҕа сырыт. Ол ордук туһаны аҕалыа.
Скорпион
Нэдиэлэ бастакы күннэригэр аттыгар сылдьааччыларгыттан ким эрэ эйигиттэн ыйыта да барбакка, быһаччы тус эбээһинэһин, эппиэтинэһин эйиэхэ сүктэрэ сатыан сөп курдук. Икки хос ноҕуруусканы толорор туһугар икки бүк күүһүрүөххүн наада. Ол эрээри санааргыыр наадата суох, тааҕы кыайыаҥ, сыраҥ түмүгэ биллибэккэ-көстүбэккэ сүтэн хаалыа суоҕа, кэлин туһалыа.
Нэдиэлэ бүтүүтэ илин-кэлин диэки хардыылыыр кэриэтэ сылдьыыһыгын. Онтон санаарҕаама, буолар быһыыны атын өттүттэн көрө үөрэн. Сөбүлүүр дьарыккар аралдьый.
Охчут
Илэмэ-салама көтөр, албын дьон батыһа сылдьыыһылар. Ол сылатыа гынан баран, бэйэ туһатыгар туһаныахха сөп. Уруйдуу-айхаллыы этэр тылларын быыһыгар кимнээҕэр сэргэх идеяны тэбэн биэриэхтэрэ. Үпкэ сыһыаннаах боппуроуһу быһаарыыһыгын, эбэтэр талааҥҥын сыаналыахтара эбэтэр карьераҥ да үрдээн турдаҕына көҥүл.
Төһө да ситиһии, кыайыы сиэтиллэ сырыттар, бу да инниттэн батыһар кыһалҕаҥ быһаарыллыыта өссө да уһун кэми ылыыһы. Ардыгар сонуннук көрөн дьаһаныы наада буоларын өйдөө.
Чубуку
Ылыммыт былааҥҥын-соруккун толорорго тулалыыр дьонуҥ толоостук орооһон, мэһэйдии сатыыһылар. Ол онтон сылтаан быһымах түмүктэри ылыныма, киирсэ, боһойсо сатаама. Оппоненнарыҥ туһунан матыыптаах дьон, онон кинилэр тэрилтэлэрин ситиһиилээх оҥорор эрэллэрин соппотуҥ ордук. Бүтэр уһугар кырдьык хайаан да кыайар, үөрүү өрөгөйө эн диэки туһаайыллыа. Тус олоххор бэйэ-бэйэҕит икки ардыгар суорҕаны тардыһыы үлүскэнэ биллэн ылыаҕа. Хайаҕыт да кыайара саарбах.
Күүс-кыах булунан, сыыһатын саралыы, кыайа-хото сатыыртан туттунарыҥ ордук. Хата, уопсай тыл булан, астына сынньаныҥ.
Күрүлгэн
Быыс кэннигэр буолар буолар быһыы-майгы, соһуйуоҥ иһин, эһиги саҥа саҕалааһыҥҥа ылсаргытыгар уонна онтон ситиһиилэнэргитигэр тиэрдиэ. Ону уонна чугас да дьонуҥ ситиһиилэрин киэҥ эйгэҕэ биллэрбэт буола сатаа. Этэргэ дылы, чоппуусканы күһүнүн ааҕаллар. Тус олоххор уопсай интэриэс туруулаһыытыгар эн этииҥ сөптөөҕүн билиэҥ. Кырдьыга да, оннук. Ол эрээри дьонуҥ утарсан турдахтарына, кинилэр бырааптарын эмиэ өйдүөхтээх эбиккин билиниэҥ. Хайдаҕын да иһин, сөптөөх да идиэйэни ылынарга бириэмэ наада.
Балыктар
Дьиэтээҕи уонна идэҕэ сыһыаннаах кыра-кыйма кыһалҕа мунньуллан-мунньуллан, хаһан эрэ дэлби тэбэр буомбаҕа кубулуйар кутталлаах. Партнёруҥ дьиҥ дьайыыга киириэн оннугар араас кэпсэтиигэ, ырытыһыыга охтор түгэнигэр эйиэхэ толкуйдуу сатыырыҥ ирдэммэт. Бу сырыыга быһаарыылаах дьайыылары ылыннаххына эрэ сатанар. Маныаха эн быыһааччы оруолланаҕын. Суһаллык быһаарыллара ирдэммэти быраҕан туран, наадалаахха ылыс. Тыҥааһыннаах кэм манан түмүктэммэт, ситиһии анараа өрүт диэки буолуо. Нэдиэлэ ортото хапытаалга сыһыаннаах сэрэхтээх хайысхаҕа олус наадалаах иһитиннэриини билииһигин. Сүрүнэ, ол албын эрэ буолумуон наада. Истибиккин сыныйан чопчулас.
