Хой
Харчыга дьалаҕай сыһыаныҥ улахан ороскуокка тэбэр кутталлаах. Буолар-буолбаты мээнэ атыылаһыма. Ол оннугар, хата, тапталлааххын кытта сыһыаны тупсарарга сыраҕын ыыт. Холостуойдары истиҥ кэпсэтии кэтэһэр. Үлэ чааһыгар киирдэххэ, нэдиэлэ бастакы күнүгэр суолталаах дьыаланы-куолуну быһаара сатаама. Сыыһа-халты туттуу баар курдук.
Оҕус
Чуумпутук сынньаныаххын баҕараҕын да, үп-харчы боппуруоһа кымньыылыыр. Эбии дохуот киллэринэргэ быыс-арыт көрдүүгүн. Үлэҕин сөбүлээбэт буоллаххына, атын үлэни көрдөн ээ. Эйиэхэ саамай чугас киһиҥ сүбэтэ-амата суолталаах, кинини иһит. Таптал кутаалыы умайар, сыһыан тупсубут. Сулумахтар, урукку сыһыаны сайыннарары саныыгыт. Уопсайынан, нэдиэлэ ыарахан соҕустук саҕаланыа эрээри, түмүгэ ситиһиилээх буолуоҕа.
Игирэлэр
Айар-тутар дьоҕуруҥ сайдыбыт. Онон талааҥҥын сайыннарагар саамай табыгастаах кэм. Көй салгыҥҥа сылдьаргыттан, кинигэ ааҕаргыттан улахан дуоһуйууну ылаҕын. Ол гынан баран чугас дьоҥҥун кытта аһаҕасык кэпсэтэриҥ, санааҕын үллэстэриҥ наада. Үлэҕэр эппиэтинэстээх буол. Кимтэн эмэ хомойдоххуна, чугастык ылыныма. Үчүгэй настарыанньалаах, үөрэ-көтө сырыт.
Араак
Омун-төлөн бөҕө буолбуккун. Эн саҕа үлэһит киһи суоҕун кэриэтэ. Кэргэниҥ айаҥҥа турунан, бириэмэни түргэнник атаара сатыыгын. Чахчы, бу күннэри үлэҕэр атаарыаҥ. Ол ситиһиилээх буолуо эрээри, кэллиэгэлэргин кытта өйдөспөт түгэн баар. Үлэ арыый да үмүрүйдэҕинэ, саалаҕа тиийэн дьарыктан, ол быдан туһалаах.
Хахай
Эйигин кэлии-барыы күүтэр. Ол иһин кынаккын куурдуна сылдьаҕын. Бу күннэргэ аһара эмоциональнай буолбуккун. Настарыанньаҥ уларыйа сылдьар. Тулалыыр дьоҥҥор арыый да сыһыаҥҥын уларыттаххына, барыта этэҥҥэ буолуо. Нэдиэлэ икки аҥаарыгар үлэҕэр табыллыаҥ. Өрүү да буоларын курдук, лиидэргин, үлэһиккин, түргэн-тарҕан туттуулааххын ол иһин барытын кыайаҕын.
Кыыс
Араас санаа-оноо бобута туппахтыа. Атыттары ордук санааһын, күнүүлээһин, кэлэйии, хомойуу... Санааҕын түһэримэ, олоҕуҥ бэйэҥ илиигэр буоларын умнума. Сыыһа-халты туттуугар ким да буруйа суоҕун өйдөө. Сулустар сүбэлииллэринэн, нэдиэлэ устата ис туруккун үөрэтэриҥ, буола турар уларыйыылары анаалыстыырыҥ суолталаах. Өрөбүллэргэ дьиэлээхтэргин минньигэс бүлүүдэнэн күндүлээ.
Ыйааһын
Кумааһынньыгыҥ халыҥыыр чинчилээх. Бэйэ дьыалатын тэринэргэ бириэмэ кэлбит. Эйигин доҕотторуҥ олус өйдүүллэр уонна күүс-көмө буолаллар. Барыта санаа-хоту табыллан иһэр эрээри, доруобуйаҥ мөлтөөбүт. Түүн аанньа утуйбат буолбуккун. Ситиһииҥ туһунан мээнэ дьоҥҥо кэпсээмэ, аргыый наллаан кимэн киирэн ис.
Скорпион
Үлэҕэ саҥа хардыылары эрэллээхтик оҥороҕун. Маладьыас. Дьиэлээхтэргин кытта сыһыан истиҥ, сылаас. Тус бириэмэҕин туһалаахтык атаарарга туруулас. Эйигин өрө тардар, эн баҕа санааҕын учуоттуур дьону кытта кэпсэтэриҥ-ипсэтэриҥ ордук. Уруһуйга дьоҕургын сайыннаран, хартыына уруһуйдуурга холонон көр. Уопсайынан, бу нэдиэлэ бэйэ талаанын сайыннарарга ордук табыгастаах.
Охчут
Тас көстүүгэр болҕомто уурар буолбуккун.Эйигин кытта чугастык билсиэн баҕалаах үксээбит, бэйэҕэ эрэлиҥ олус улааппыт. Чахчы, дьону бэйэҕэр тардаргар тас көстүүҥ улахан оруолу ылар. Үлэҥ этэҥҥэ. Саамай сүрүнэ ылсыбыт дьыалаҕыҥ тиһэҕэр тиэрдиэххин наада. Үрүмэччикурдук бииртэн бииргэ көтө сылдьыма. Күннэтэ алтыһан ааһар дьоҥҥор убаастабыллаах сыһыаннаах буол.
Чубуку
Интэриэһинэй бырайыакка кыттыаҥ, санааҥ улаханнык көтөҕүллүө. Ол гынан баран үлэҕэ наһаа үлүһүйүмэ, тус олоххун санаа. Иллэҥ бириэмэҕэр күүлэйдээ, элбэхтик сатыы сырыт, муусуката иһит. Бээтинсэҕэ дьиэ кэргэниҥ улаханнык үөрдүө, кинилэр эйигин дьоллуулларын өйдүөҥ. Бу күннэргэ суолга сэрэхтээх буол, мээнэ ыксаама.
Күрүлгэн
Хас биирдии үүнэр күнү сэрээккэттэн, успуортан саҕалаа, чөл туруктаах буол. Соһуччу бырааһынньыкка ыҥырыллыаҥ. Нэдиэлэ үөрүү-көтүү аргыстаах олус сэргэхтик ааһыаҕа. Урут үлэҕин сыһар-соһор буоллаххына, билигин хамсааһын баар. Кэлэктиипкэ сыаналанар, убаастанар исписэлиис буолбуккун.
Балыктар
Элбэхтик кириитикэлэнэн, тирииҥ халыҥаабыт. Үлэҕэр ирдэбиллээххин, наада буоллаҕына, куоласкын сонотон да туран, дьыаланы тиһэҕэр тиэрдэҕин. Оттон тапталлааххар сыһыаныҥ, хата, сымнаабыт, дьиэҕэр атын киһигин. Элбэхтик уута ис, хааныҥ сүүрүүтэ бытаарбыт курдук. Төбөҥ ыалдьар, дабылыанньаҥ тахсар буоллаҕына, балыыһаҕа доруобуйаҕын тургутан көр.
