Киирии

Киирии

Хой

xoy

Бу нэдиэлэҕэ үлэ уонна дьиэ кэргэн икки ардыгар хайдыаҕын. Үлэҕэ олус элбэх бириэмэни аныаҥ. Саҥа бырайыагы иилииргэ-саҕалыырга кыах көстүбүт. Дьиэҕэ-уокка көстүбэт буолууҥ, өйдөспөт түгэни үөскэтиэн сөп. Тоҕо эрэ эмискэ эн олоххор карьера ордук суолталаах буолбут. Үп-харчы курулаччы киирэ турар.

Оҕус

ogyc

Туох да ситиһиитэ суох нэдиэлэ. Отой атын халлааҥҥа “көтө” сылдьаҕын. Ол төрүөтүн билиниэххин баҕарбаккын, искэр тутаҕын. Тулалыыр дьонуҥ эйигин кытта уопсай тыл булалларыгар ыарахаттардаах. Үпкэ-харчыга кыһарыйтарыы баар. Иэскэ кииримэ, кэрэдьиит туһунан сананыма даҕаны. Барыта бэйэҕиттэн тутулуктаах, наһаа элбэҕи толкуйдаабакка, боростуой соҕус буола сатаа.

Игирэлэр

igire

Ыарахан соҕус буолуо. Наһаа элбэҕи үлэлиигин, истириэстээри гыммыккын. Настарыанньаҕыҥ көтөҕө таарыйа саҥа таҥаста-сапта атыылас, ыскаапкынсууй-тараа. Сулумахтары соһуччу көрсүһүү күүтэр. Оттон кэргэннээх буоллаххына, сыһыаны тупсарарга үлэлиэххин наада. Нэдиэлэ түмүгэр кэллиэгэлэргин кытта өйдөспөт быһыы-майгы буолуо. Кырдьыгы дакааастаан туһа суох, аахсыма.

Араак

rak

Дьиэҕэ-уокка болҕомтолоох буол. Иирсээн тахсыбатын курдук, сымнаҕас соҕустук сырыт.Бу күннэри доҕотторгун кытта атаарыаҥ, айылҕалыын алтыһыаҥ. Иэскин төлөс, харчыгын ыһа-тоҕо туттума. Ол эрээри, эрдэттэн былааннаабыт малгын атыылаһар кэм кэлбит. Нэдиэлэ саҕаланыыта чуҥкук буолуо эрээри, өрөбүллэргэ тиллиэҥ. Доруобуйаҕын көрүҥ, төбөҥ күүскэ ыарыйдаҕына сытан сынньан.

Хахай

xaxai

Ис күүскүн-кыаххын толору туһаныаҥ. Салайааччыҥ эн үлэҕэ дьоҕургун сыаналыырын биллэриэҕэ. Баҕар, дуоһунаһын да үрдүөн сөп. Иллэҥ кэмҥэр, доҕотторгун, чугас аймахтарын кыһалҕаларын быһаарыынан дьарыктаныаҥ. Төһө да куу-хаа буола сырыттаргын тапталлааххын умнубаккын. Киниэхэ истиҥ сыһыаҥҥын, күүстээх тапталгын аныыгын. Нэдиэлэ бастакы аҥаарыгар киэһэ хойукка диэри үлэлиэҥ, ол үтүө түмүктээх буолуоҕа. Кэллиэгэлэрин эйигин олус сыаналыыллар эрээри, ордук саныыр киһи элбэх.

Кыыс

kuus

Тус суобаскын кытары киирсэн тахсыаҥ. Эн дуоһунаскын үрдэтээри санаммыттарын соччо кэрэхсээбэт курдуккун. Эйигин кытары саппай уопсааччылар бааллар. Арааһа, бэрт былдьаһыаххын баҕарбаккын быһыылаах. Бииргэ үлэлиир, олус эрэнэр киһиҥ дьиҥ майгытын көрдөрүөҕэ. Онон эн тускунан сурах тарҕаннаҕына, наһаа соһуйаайаххыный. Дьиэ кэргэҥҥэр барыта этэҥҥэ. Саамай сүрүнэ үлэҥ настарыанньатын дьиэҕэр соһума.

Ыйааһын

uyaahun

Үлэлииргэ баҕа баһаам. Сороҕор салайааччыларга бэрт буола сатыыр курдуккун. Көстө-биллэ сатыырын элбээбит. Туох эрэ атын кэтэх санаалаах сылдьаҕын. Бииргэ үлэлиир дьонуҥ кынчарыйаллара элбээбит. Харчыҥ ордор буоллаҕына, бааҥҥа уурунууһуккун. Аймахтаргын кытта туох эрэ бэйэ дьыалатын тэринэн эрэҕит эбит. Чугас дьонуҥ сүбэлэрин-амаларын иһит, сыыһа-халты туттума.

Скорпион

ckorpion

Наһаа куттаскын. Бэйэҕэр эппиэтинэһи ылыныаххын баҕарбаккын. Дьиҥэр, элбэҕи үлэлиигин эрээри, ону биллэрбэккин. Эн ситиһиигин атыттар туһанар курдуктар. Тус олоххор туох эмэ саҥа буолаары гыннаҕына, тута, котар аакка бараҕын. Туохтан да куттаммакка, иннин диэки кимэн киирэн ис. Тапталлаахар туох эмэ соһуччу бэлэхтэ оҥор, ханна эмэ баран бииргэ сынньаныҥ. Доруобуйаҥ этэҥҥэ, мээнэ эмп иһимэ.

Охчут

oxchut

Барыта этэҥҥэ. Кыһалҕаны эн сүрэҕэ суоҕуҥ эрэ үөскэтиэн сөп. Үлэҕиттэн сылайбыккын, өрүү биир да биир. Онон нэдиэлэ ортото кэргэҥҥин кытта эрэстэрээҥҥэ, киинэҕэ сылдьан сынньаныҥ. Маны таһынан, дьону кытта элбэхтик алтыс, бэйэҕэр бүгэн хаалыма. Өссө успуордунан дьарыктанарга саамай тоҕоостоох кэм үүммүт. Сайын буолара чугаһаата.

Чубуку

chybyku

Кутталлаах соҕус оонньууну оонньуугун. Үп-харчы боппуруоһугар сэрэхтээх буол. Баайгын-дуолгун ууран биэримэ, харчыга иҥсэримэ. Туох эмэ санааҕа ыллардаххына, саамай эрэнэр, чугас дьонуҥ көмөлөһүөхтэрэ.. Эн көмөҕөр наадыйар киһи элбэ. Гынан баран, тус кыһалҕаҕын өйөөччү бэрт сэмэй буолуо. Нэдиэлэ иккис аҥаара олус ситиһиилээх буолуо. Үлэни уонна сынньалаҥы бииргэ дьүөрэлээ, санааҕа баттатыма.

Күрүлгэн

kyrylgen

Элбэх саҥа-иҥэ суох. Ис-искэр тайаан сытар баҕа санааҕын кимиэхэ да эппэккин, туолара кыра хаалбыт. Таптал чааһыгар хамсааһын суох. Чугас киһигэр наадыйбаккын, сыһыаны тупсара сатаабаккын. Бу күннэргэ доруобуйаҕын көрүн. Ис уоргаҥҥа уларыйыы баар. Санааҕын сааһыла, элбэхтик муусуката иһит, наһаа соҕотохсуйума.

Балыктар

balyk

Эйигин кытта ситиһии сиэттиспит. Үлэҥ аһара таһаарыылаах буолбут, эбии дохуот киирэ турар. Маны таһынан, таптал чааһыгар табыллыы баар. Дьылҕа-хаан оҥоһуутугар сүрдээҕин итэҕэйиэҕин. Бу курдук өрүү үөрэ-көтө, сырдыгы сыдьаайа сырыт. Дьыалабыай кумааҕыга илии баттыырга сэрэхтээх буол. Бэйэ бодоҕун өссө тупсар, өссө кырасыабай буол!

Тарҕат:

Комментарии

Защитный код Обновить