Киирии

Киирии

Хой

xoy

Нэдиэлэни кэллиэгэлэргин кытта атаарыаҥ. Туох эрэ суолталаах тэрээһиҥҥэ бэлэмнэнэ сылдьаҕыт. Онон дьиэҕэр көстүбэккин. Бу күннэр сылаалаахтык ааһыахтара эрээри, ситиһии элбэх. Бэйэҕин сатабыллаах исписэлиис быһыытынан көрдөрөр кэм кэлбит. Түһүнэн кэбис. Инникигин чугас киһигин кытта былааннаа, харчыгыҥ ыһа-тоҕо бараама. Бэйэҕин билинэн кэбиһимэ, алтыһар дьоҥҥор сымнаҕас буол.

Оҕус

ogyc

Карьера чааһыгар тахсыы баар. Доруобуйаҕыҥ умнан туран, үлэҕэ умса түспүккүн. Чэчирии сайдар туһугар түүннэри-күнүстэри үлэлиигин. Дьэ, үөрүү-көтүү, саҥа билсии-көрсүү да элбэх. Сулумахтарга таптал чааһыгар уларыйыы буолуон сөп. Айар-тутар дьоҕургун сайыннар, саҥа дьыаланы саҕалыырга күүскүн-уоххун уур. Арай, дьиэҕэ-уокка туһата суох киһигин. Чугас дьонуҥ эйигиттэн хомойон сылдьаллар. Илии үлэтиттэн тэйбиккин.

Игирэлэр

igire

Билбэт дьоҥҥун кытта мээнэ алтыһыма. Бэйэҕэр масыанньыктары, албын-көлдьүн дьону тардыаххын сөп. Наһаа аһаҕас буолума. Бу сүбэ тус олоххор эмиэ суолталаах. Сэҥээрэ көрбүт киһиҥ эйиэхэ атын былааннааҕын билиэҕиҥ. Нэдиэлэ бастакы аҥаарыгар үлэҥ ситиһиилээх буолуоҕа. Өрөбүллэри чугас дьоҥҥун, доҕотторгун кытта атаар. Дьиэҕэ олорума, салгыҥҥа элбэхтик сырыт. Туох эрэ ураты дьарыктаах буол.

Араак

rak

Туругуҥ уларыйа сылдьар чинчилээх. Биирдэ күлэн тэһитэ бараҕын, биирдэ маккыраччы ытаан соһутаҕын. Үлэҕэ да, тус олоххор да кэлэйии элбэх. Наһаа санааҕын түһэримэ. Күүстээх санааны ылынан, иннин хоту баран ис. Кэнэҕэһин дьоҥҥо наһаа эрэммэт буолуоҥ. Эйигин ордук саныыр, бэрт былдьаһа сатааччы элбэх. Кинилэргэ ньиэрбэҕин барыан оннугар, төрөппүттэргин, бииргэ төрөөбүттэргин кытта аһаҕастык кэпсэт.

Хахай

xaxai

Дьиэ-уот боппуруоһугар болҕой. Олорор уйаҕын оҥоһун, кылбаччы сууй-тараа. Бу маннык “ыраастаныы” төбөҕөр-толкуйгар эмиэ наада. Харчыга наһаа охтума. Нэдиэлэ саҕаланыыта иэскин-күүскүн төлөс. Чугас киһигин кытта өйдөспөт буолуу көстөр. Уопсайынан, тапталлаах дьоҥҥун истэ үөрэн, кыһалҕа баар буоллаҕына – көмөлөһөргүн умнума. Маны таһынан доруобуйаҕын көрүн. Төбө ыарыыта буулаабыт.

Кыыс

kuus

Ыалдьаары гыммыккын. Күн күүскэ тыгар сиригэр сылдьар буоллаххына, бэйэҕин харыстан. Тугун эмэ ыарыйаҕына, тута, балыыһаҕа сүүр. Үлэҕэр уларыйыы суох. Тус олоххор эмиэ соннук. Сыал-сорук туруорунуоххун наада. Киһи олоххо интэриэстээх буолуохтаах. Майгыгын сайыннар, успуордунан дьарыктан. Тус кыаххар, бэйэҕэр эрэллээх буол.

Ыйааһын

uyaahun

Бу күннэри дьиэ кэргэҥҥин кытта атаарыаҥ. Туох баар дьыаланы-куоланы умнан, сылаас сыһыаҥҥа уйдарбыккын. Тапталлаах кэргэҥҥин, оҕолоргун кытта үөрүөҥ-көтүөҥ. Арай, урут сибээстэһэ сылдьыбыт киһин эйигин атын хараҕынан көрөн, баарын биллэриэҕэ. Кинини кытта кэпсэтии хайдах буолара эйигиттэн тутулуктаах. “Ааспыты былыт саппыта” диэн санаанан салайтарбытыҥ ордук.

Скорпион

ckorpion

Түһүү уонна тахсыы кэккэлэһэ сылдьаллар. Тус бодоҕун тупсарага кыһан. Түүннэри аһаама, уойаары гыммыккын. Кыаллар буоллаҕына, саалаҕа тириэньэрдээх дьарыктан. Дьарык үтүө түмүктээх буолуоҕа. Эйиэхэ чугаһыы сатыыр киһини кыйдаама, кэпсэтэн-ипсэтэн ис. Уопсайынан, тус олоххун оҥосторуҥ уолдьаспыт. Оттон тапталлаахтар сыһыаны тупсарарга үлэлээҥ. Кэлин наһаа кытаанах, тимир-тамыр буолбуккун.

Охчут

oxchut

Интэриэһинэй кэпсэтии үксээбит. Олоххор суолталаах дьону кытта билсиэҥ. Сулумахтар киирэн-тахсан, эрийсэн иһиҥ. Бу ыйга аналгытын көрсөр чинчилээххит. Нэдиэлэ устата киинэҕэ, тыйаатырга, кэнсиэргэ сылдьыаҥ. Таҥаскын-сапкын бэлэмнии, ыраастык тутта-хапта сырыт. Онтон кэргэннээхтэр “чэпчэки” сыһыан туох да үчүгэйи аҕалбатын өйдөөҥ, эргитин-ойоххутун түһэн биэримэҥ. Үп-харчы киириитэ үчүгэй. Туох эмэ суолталаах мал-сал атыылаһыаххын сөп.

Чубуку

chybyku

Үүммүт нэдиэлэҕэ дохуоккун биллэ хаҥатыаҥ. Хомойуох иһин, бу күннэргэ ситиһииҥ сэмэй. Тус олоххор кыһалҕа кыһарыйбыт. Сөбүлүүр киһиҥ эйигиттэн тэйэн эрэр. Ол төрүөтэ үлэнэн үлүһүйбүтүҥ буолбут. Төһө кыалларынан санааҕын сааһылаа, элбэхтик салгыҥҥа сырыт. Өскөтүн сүрэҕиҥ аҥаарын таптыыр буоллаххына, сыһыан тупсарыгар кыһаллыаҥ. Атын дьон сүбэтин истимэ, ис санааҕынан салайтар.

Күрүлгэн

kyrylgen

 

Үлэҕэ да, дьиэ кэргэҥҥэ да наадыйбаккын. Бэйэҕин наһаа сөбүлүүгүн, онтон дуоһуйууну ылаҕын. Күн аайы саалаҕа дьарыктанаҕын, бэйэ бодоҕун тупсарар интэриэстээххин. Эйигин тулалыыр дьон ону сөбүлээбэттэрин биллэриэхтэрэ. Өрөбүллэргэ курус санааҕа ылларыаҥ, соҕотохсуйбуккун өйдүөҥ. Кытаатан тулалыыр эйгэҕэ болҕомтолоох буол, бу орто дойдуга интэриэһинэй түгэн элбэх.

Балыктар

balyk

Сынньалаҥ күннэр үүммүттэр. Көй салгыҥҥа элбэхтик сылдьыаҥ, улахан дуоһуйууну ылыаҥ. Уоппускаҕар хайаан да муораҕа барар гына санаммыккын. Дьыалы-куолу өттүгэр ситиһии суох эрээри, ис санааҥ хаһааҥҥытааҕар да чэпчээбит. Билиҥҥитэ үп-харчы кырыымчык, онон маҕаһыыҥҥа мээнэ сылдьыма. Наадалааххын эрэ атыылас. Маны таһынан, суолга сэрэхтээх буол.

Тарҕат:

Комментарии

Защитный код Обновить

Болҕойуҥ ! Чэпчэтиилээх сурутуу саҕаланна!

kyym podpiska