Хой
Чугас дьоҥҥор болҕомтолоох буол, эн көмөҕөр олус наадыйаллар. Тапталлааҕыҥ муода соҕустук туттар-хаптар, арааһа, тугу эрэ кистиир. Бу күннэргэ дьиэлээхтэргин кытта аһаҕастык кэпсэтэргин умнума. Сулумахтар, тус олоххутун оҥосторгутугар табыгаһа суох кэм. Кэргэннээх дьонунан үлүһүйүмэ. Хата, ол оннугар үлэҕэр күүскүн-күдэххин барыырыҥ ордук. Барыта табылыннаҕына, үчүгэй салайааччы буола үүнүөххүн сөп.
Оҕус
Билиҥҥи кэмҥэ тугу эрэ сөбүлээбэккэ санааҥ тууйуллар буоллаҕына, хомойуох иһин, ону хайдах да уларытар кыаҕыҥ суох. Куккун-сүргүн таарыйбат, интэриэһинэйэ суох дьону кытта алтыһыма. Кыраттан санаарҕаама, эрдэттэн ыһыктынан кэбиһимэ. Сулумахтар, тас көрүҥҥүтүгэр болҕомто уураргыт булгуччулаах. Үлэ син этэҥҥэ баран иһэр, сыыһа-халты туттуу бааллар эрээри, барыта кэмниэ кэнэҕэс табыллыа.
Игирэлэр
Эйиэхэ саҥа күүс-уох эбиллибит. Үлэҕэр да, тус олоххор да уларыйыыны киллэрэргэ санаммыккын. Кимиэхэ да атаҕастатыма. Эйигин баттыы сатыыр дьонтон тэйэрин ордук. Бу күннэргэ харчыга сэрэхтээх буол. Кумааһынньыккын сүтэрэр эбэтэр харчыга албыннатар куттал баар. Өрөбүллэри бэйэҥ хайдах саныыргынан атаарарыҥ ордук.
Араак
Этиһии, аахсыы туох да үчүгэй түмүккэ тиэрдиэ суоҕа. Онон үлэҕэ дьону кытары алтыһыыга, орто сүнньүн тута сырыт. Эн олоххор туох да суолтата суох дьону кытта аахсан туох туһаны ылыаххыный? Бэйэҕэр эрэллээхтик, күө-дьаа сырыт ээ. Сороҕор атыттартан наһаа чорбойо сатыыгын, мээнэ омуннанаҕын. Бу нэдиэлэҕэ сынньалаҥҥын, уоппускаҕын түптээн-таптаан былааннаа. Кытаатан харчыгын уурунан ис, баҕа санааҥ туолара кыра хаалбыт.
Хахай
Дьыалабыай кэпсэтиилэр туһалара бэрт кэмчи. Оттон тапталлааххын эбэтэр доҕотторгун кытта көрсүһүүлэр икки бүк үөрүүлээхтэр. Кэлии-барыы бөҕө, онон кырата суох үп бараныыһы. Иэскэ букатын кииримэ, хас биирдии хардыыгын хонтуруоллаа. Бу күннэргэ хаһааҥҥытааҕар да куоскалыы сымнаан сылдьаҕын, били ырдьыгыныыр хахайбыт ханан да суох. Онон саҥа билсиини-көрсүүнү олохтуурга саамай табыгастаах бириэмэ тосхойбут.
Кыыс
Даачаҕар тиийэн үлэлээ, элбэхтик салгыҥҥа сырыт. Чугас дьоҥҥун кытта бириэмэҕин атаар. Оттон сулумахтар урут билсэ сылдьыбыт киһигитин кытта сибээһи сөргүтэр чинчилээххит. Интэриниэт ситиминэн билсии-көрсүү бөҕө буолбут эбиккин. Урбаанньыттар, дьыалы-куолу өттүгэр сэрээхтээх буолуҥ, үчүгэйдик билбэт киһигит харчы туһуттан мөкүтүк быһыыланыан сөп. Бу күннэргэ төһө кыалларынан сынньана сатааҥ, карьера чааһыгар өрө көтүү суох.
Ыйааһын
Маҕаһыыннарынан сылдьыма, ороскуот бөҕө буолуоҥ. Дьиҥэр, элбэҕи толкуйдуугун, ол эрээри уһуну-киэҥи толкуйдаабакка солуута суох буоларыҥ эмиэ баар суол. Бу күннэргэ соһуччу түгэн буолуоҕа. Ыксаллаах быһыыга-майгыга урут соччо үчүгэй дии санаабат киһиҥ, илиитин утары уунуоҕа, улаханнык абырыаҕа. Чугас киһигиттэн хомойбуккун, кэлэйбиккин барыларыгар кэпсээмэ.
Скорпион
Дьиэҕэ ыарахан соҕус балаһыанньа үөскээбит. Тапталлааххын кытта соччо тапсыбат буолбуккут. Күн устата арааһы барытын толкуйдуугун. Бу иирсээн туохха тиэрдэрэ биллибэт... Оттон үлэҕэр табыллыы бөҕө. Бу күннэргэ биир олс суолталаах дьыала силигин ситиэҕэ, оччотугар хамнас, бириэмийэ курулаччы эбиллиэҕэ. Төһө да үлэҕэ эппиэтинэс сүктэрилиннэр, үчүгэйдик аһыы, утуйа сылдьарыҥ суолталаах.
Охчут
Киһи былаана туолбатаҕына, наһаа абалаах буолааччы. Билигин эн оннук турукка сылдьаҕын. Ким да көмөтүгэр эрэнимэ, ыарахаттары бэйэҥ эрэ кыайар кыахтааххын. Өрүү чугас дьонуҥ тугу сүбэлииллэрин болҕойон иһит. Быстах санааҕа ылларан, сыыһа хардыыны оҥоруоххун сөп. Маны таһынан эн аттыгар доҕотторуҥ наар бааллар. Соҕотох курдук сананыма. Нэдиэлэ бүтүүтүгэр соһуччу үөрүү күүтэр.
Чубуку
Үлэҕэр табыллыы баар. Маладьыас. Туруоруммут сыалыҥ диэки бу курдук кимэн киирэн ис. Хайа эрэ түгэҥҥэ барыыттан-кэлииттэн сылайбыт курдук буолан ылыаҥ. Аһара сылайдаххына, биир-икки күн сынньанарыҥ ордук буолуо. Өрөбүллэри дьиэ кэргэҥҥин кытта атаарарыҥ саамай табыгастаах сынньалаҥ буолуоҕа. Маны таһынан успуорду умнума, эккин-хааҥҥын эрчийэ сырыт.
Күрүлгэн
Бэйэни сайыннарар кэм кэлбит. Туһалаах кинигэлэри аах, видеороликтары көр. Нэдиэлэ иккис аҥаарыгар суолталаах дьыаланы былааннаама. Саҥа үлэҕэ көһүөххүн саныыр буоллаххына, толкуйданарыҥ наада. Маны таһынан, дьиэ кэргэн суолталаах боппуруостарыгар төбөҕүн эмиэ сынньаҕын. Маны таһынан доруобуйаҥ мөлтөөрү гыммыт. Онон бу күннэри дьиэ кэргэҥҥэ уонна тус бэйэҕэр анаа.
Балыктар
Төһө кыалларынан сынньана сатаа. Саҥа билсии-көрсүү күүтэр. Бэйэ дьыалатын тэринэргэ, эбии дохуот киллэринэргэ быыс-арыт көстүөх курдук. Бу күннэр этэҥҥэ ааһыахтара. Чугас дьонуҥ этэҥҥэлэр, бэйэлэрин ситиһиилэринэн эйигин үөрдэллэр. Уопсайынан, олох-дьаһах этэҥҥэ. Арай куртаххын харыстаа, мээнэ буортулаах аһы сиэмэ.
