Хой
Өрүү күрэстэһэргэ бэлэмҥин уонна кыайыыга эрэллээххин. Күүстээх санааҥ, ылсыбыт дьыалаҕын тиһэҕэр тиэрдэр кыаҕыҥ үлэҕэ-хамнаска көмөлөһүөҕэ. Бииргэ үлэлиир дьонуҥ эн сытыы толкуйгун, түргэн туттуугун олус сөҕөллөр. Бу күннэргэ саҥа билсэр дьоҥҥор сэрэхтээх буол. Албын-көлдьүҥ дьоҥҥо киирэн биэримэ. Нэдиэлэ устата иэс-күүс төлөһүүтэ, саҥа таҥас-сап атыылаһыыта баар.
Оҕус
Саҥа билсии, улахан тапталга кубулуйуон сөп. Бииргэ үлэлиир кэллиэгэлэриҥ сүбэлэрин наһаа итэҕэйимэ. Уган биэриэхтэрин сөп. Урбаанньыт Оҕустар бэйэ дьыалатын хаҥаталларыгар кыах бөҕө көстүбүт. Төһө да үлэ үөһүгэр сырыттаргын, бачча үчүгэй сайын сынньаныаххын наада. Дьиэ кэргэҥҥэ таптал күүһүрбүт, эдэр ыаллар эбиллэр чинчилээхтэр.
Игирэлэр
Үлэҥ түмүгэ олус таһаарыылаах. Ол иһин хаһааҥҥытааҕар да бэйэҕиттэн дуоһуйан сылдьаҕын. Карьера чааһыгар өрө тахсыы баар. Тус олоххор туох да уларыйыы суох. Ыал игирэлэр өрүү бииртэн сылайбыттар, туох эрэ уларыйыы наада. Ол эрээри уҥа-хаҥас көрөр сатаммат. Бэйэҕиттэн наһаа дуоһуйума, астыныма, чугас дьоҥҥун кытары сыһыаны тупсарарга кыһан.
Араак
Настарыанньаҥ уларыйа сылдьар. Кыһалҕа элбэх: тапталтан дуоһуйбаккын, үлэҥ туох да үчүгэй түмүгү аҕалбат, салалтаҕын кыттар ар-бур дэсиһии баар. Онон олоххун тосту уларытарга санааҕын уур. Урут хаһан да айах атан кэпсэппэтэх дьонуҥ сүбэлэриттэн элбэҕи өйдүөҥ. Санааны уоскутар үчүгэй ис хоһоонноох киинэтэ көр эбэтэр кинигэтэ аах. Элбэхтик сөтүөлээ, ууга сырыт.
Хахай
Төбөҕүн сынньан бүт. Буолар-буолбаттан тырытта сырыттаххына, ханна ыраатыаххыный. Дьонтон истибит сымыйа сураҕы-садьыгы чугастык ылыныма. Хата, аралдьыйа таарыйа сылдьыбатах сиргэр күүлэйдээ, айылҕаҕа тахса сырыт, сөбүлүүр муусукаҕын иһит, о.д.а. Дьиҥэр, эн наһаа күүстээх санаалаах киһигин. Атыттартан уратыҥдиэн, ким да көмөтө суох барыны-бары кыайар кыахтааххын. Тостума.
Кыыс
Үлэҕэ олус бытааҥҥын. Ол иһин салалтаҕыттан элбэхтик мөҕүллэр буолбуккун. Нэдиэлэ устата чугас айан күүтэр. Сулумахтар, кытаатыҥ! Бу күннэргэ үлэҕинэн, саахса үлэһиттэрин кытта алтыһан ааһыаҥ. Арааһа, бу -- Үөһээттэн бэлиэ буолуон сөп. Өрөбүллэри чугас доҕотторгун кытта үөрэ-көтө атаар. Саамай эрэнэр киһигин кытта аһаҕастык кэпсэтэн, сүргэн көтөҕүллүөҕэ.
Ыйааһын
Үөйбэтэх өттүттэн дьикти быһыы-майгы буолуон сөп. Эмискэ аҕа саастаах киһиттэн тапталга билиниини истиэҕиҥ. Интэриниэт ситимигэр хаартыска таһаарарга сэрэхтээх буол. Үлэ чааһа этэҥҥэ эрээри, бэрт былдьаһар киһи элбэх. Иллэҥ кэмҥэр дьиэҕин-уоккун, таҥаскын-сапкын бэрээдэктээ. Тас көрүҥҥэр эмиэ болҕомто уурарыҥ наада.Успуордунан дьарыктанар бириэмэ кэлбит.
Скорпион
Баартаах Скорпионнар бу нэдиэлэҕэ табыллар чинчилээхтэр. Сүүйүүлээх оонньууга кыттан, биллэ барыстаах тахсыыһыгын. Киһи барыта харчы туһугар үлэлиир. Эн эмиэ итинник дэбииһи тутуһаҕыҥ. Толкуйдаабыт дьыалаҕыҥн олоххо бу курдук киллэрэн ис. Ол эрээри толору дьоллоох буоларга таптал уонна доруобуйа суолталааҕын өйдөө.
Охчут
Баай-дуол боппуруоһун быһаарар эппиэттээх күннэр үүммүттэр. Бииргэ төрөөбүттэргин кытары өйдөспөт буолуу элбээбит. Син биир кэлиҥ тиһэҕэр уопсай өйдөһүүгэ кэлиэххит. Саамай сүрүнэ, ууттан сэрэхтээх буол. Сыыһа-халты туттан, доруобуйаҕын мөлтөтүөххүн сөп. Бэйэҕэр арыый да эрэллээх буоллаххына, эйиэхэ бигэтик эрэнэр дьон баар буолуохтара.
Чубуку
Сынньалаҥ диэн суох. Оннооҕор уоппускаҕа сылдьааччылар кытары үлэҕэ умса түһүөхтэрэ. Олгынан баран үчүгэйдик утуйа сылдьарыҥ буоллар. Барыы-кэлии, араас дьоннуун алтыһыы, суолталаах докумуоннары толоруу -- барыта баар. Тапталлааҕыҥ эйигин олус өйүүр, күүс-көмө буолар. Онон икки бүк күүстээххин. Уопсайынан, аанньалыҥ эн диэки үчүгэйдик мичик гыммыт, түгэни мүччү тутума.
Күрүлгэн
Барыта аргыый наллаан устан иһэр. Өрөбүллэри доҕотторгун кытары үөрэ-көтө атаар. Кэлиҥҥи кэмҥэ наһаа дьиэмсэх буолбуккун. Сынньанар эмиэ наада. Арыый да сэниэлээх сылдьар инниттэн элбэхтик уута ис, сарсыарда сэрээккэлээ уонна эрэнэр киһигин кытта аһаҕастык кэпсэт. Үлэҕэр арыый да сытыы буол, кэллиэглэриҥ курдук бэйэҕин эрэкэлээмэлэнэн ис.
Балыктар
Туруоруммут сыалгын-соруккун ситиһэн испэккиттэн олус ньиэрбинэйдиир буолбуккун. Санааҕын түһэримэ. Киһи сатаабата, кыайбата диэн суох. Эт аһылыктан аккаастаныма. Үчүгэйдик аһыы сырыт. Дьиэ кэргэҥҥин кытары иллэҥ бириэмэҕин атаар, кинилэри кытта күүлэйдээ. Үлэ чааһыгар улаханы былааннаабатыҥ ордук.
