Хой
Үлэҕэр мэһэй элбэх. Тус көрүүгүн салалтаҕар дакаастыаххын наада. Ыарахан нэдиэлэ күүтэр, онон хорсун буол. Төһө да ыарахан буоллар, ылсыбыт дьыалаҕыҥ тиһэҕэр тиэрдэ сатаа. Маны таһынан, тас көрүҥҥэр болҕомто уур, элбэҕи аһаама. Бу күннэргэ саһархай, кыһыл уонна от күөҕэ дьүһүннээх таҥастары таҥнарын ордук. Бу дьүһүннэр ситиһиини аҕалыахтара.
Оҕус
Эмиэ үп-харчы боппуруоһа сытыырхайбыт. Кирэдьииккин кытаатан кэмигэр төлөс. Бу күннэргэ олус элбэҕи үлэлиэҕиҥ, докумуон баттаһарга болҕомтолоох буол. Аһара үлэҕэ үлүһүйэн, чугас дьоҥҥор бириэмэ хаалбат курдук. Нэдиэлэ бүтүүтэ үөйбэтэх өттүттэн кыһалҕа үөскүү сылдьыаҕа, онно тулуурдаах буол. Олоххор үөскүүр быһыыны-майгыны мээнэ дьоҥҥо кэпсээмэ.
Игирэлэр
Олоххор тугу эмэ уларытыаххын санаммыт буоллаххна, ыһыктыныма. Бэйэҕин атын хайысхаҕа сайыннарыаххын саныыгын эбит. Ол дьыаланы ситиһэргэ бэртээхэй кыах көстүбүт. Нэдиэлэ иккис аҥаарыгар дьиэ кэргэҥҥин кытта сынньанарын табыгастаах буолуо. Эйигин бу күннэргэ соһуччу айан күүтэр, ол үтүө түмүгү аҕалыаҕа. Быыс-арыт булан, доруобуйаҕын көрүнэ сырыт. Ыалдьыаххын сөп.
Араак
Үлэ үөһүгэр сылдьаҕын. Кэллиэгэлэрин эйиэхэ тэҥнэһэ сатыыллар. Туруоруммут сыалгын ситиһэн эрэҕин эрээри, толкуйдуурун, саарбахтыырын элбэҕэ бэрт. Дьиэ кэргэҥҥэр арыый да сымнаҕас сыһыаны олохтуурун буоллар, бэйэ икки ардыгар сыһыан өссө тупсуо этэ. Тапталлааххын сытыы тылгынан хомоторун үксээбит.
Хахай
Нэдиэлэ бастакы күннэригэр дьыалабыай кэпсэтии күүтэр. Ол этэҥҥэ аастаҕына, карьера чааһыгар хамсааһын баар курдук. Соҕотохсуйан, курус санааҕа ылларар буолбуккун. Тус олоххор уларыйыы суох. Ыксаама. Саамай сүрүнэ чөл толкуйдаах, ыраас санаалаах буол. Өлөн-охтон биэримэ.
Кыыс
Олҕуҥ үчүгэй өттүгэр уларыйыаҕа. Бэйэҕэ эрэлин үрдээн, наадаах киһи быһыытынан санана сылдьаҕын. Эппит тылгар тураҥҥын, суолталаах дьыаланы быһаарарга баһылыыр-көһүлүүр оруолу ылаҕын. Сулумахтарга сулустар табыллыыны эрэннэрэллэр. Онон бу күннэргэ таптал чааһа “мичик” гыныан сөп. Бу нэдилэҕэ үлэ чуумпутук барыаҕа.
Ыйааһын
Бэнидиэнньиккэ албын быһыыга-майгыга киирэн биэриэххин сөп. Улахан суума харчыга албыннатар чинчилээххин. Ити быһылаан сылтаан, чугас киһигин кытары улаханнык айдаарсыан. Кытаатан тулуурдаах буол. Бу түгэн элбэххэ үөрэтиэҕэ, кэнэҕэскитин мээнэ дьоҥҥо итэҕэйбэт буолуоҕун. Өрөбүллэргэ санааҕын сааһылаа, тапталлааххын кытта сыһыаны тупсарарга үлэлэс.
Скорпион
Эйигин олох барахсан мускуйар, үтэн-анньан көрөр. Эмискэ үөрэн дьоллонуу, оттон быстах санааҕа ылларан хомойуу түгэннэрэ бааллар. Бэйэҥ ис туруккун хонтуруоллуоххун наада. Нэдиэлэ түбүктээх соҕустук ааһыаҕа. Биир сиргэ тулуйан-тэһийэн олорбот буолбуккун, төһө кыалларынан дьиэҕэр көстө, дьиэ-уот үлэтин толорорго күһэллин.
Охчут
Хас да үлэни тэҥинэн толороҕун. Билиҥҥи кэмҥэ үп-харчы боппуруоһа эн олоххор саамай суолталаах миэстэни ылар. Тус олоххор бириэмэ хаалбат. Хайдах эмэ гынан, көмүс ортону булан, үлэни уонна тус олоҕу дьүөрэлиэххэ наада. Ис санааҕын арыйан, чугас доҕотторгун кытта аһаҕастык кэпсэт. Кинилэр сөптөөх суолу-ииһи ыйан биэриэхтэрин сөп.
Чубуку
Бу күннэргэ хаһан да сылдьыбатах тэрээһиҥҥэр кыттыыны ылыаҕыҥ. Онно эйигин бэлиэтии көрүөхтэрэ. Бэйэҕин атын өттүттэн көрдөрөн, ситиһии кэлиэҕэ. Эдэр чубукулар төрөппүттэргитин, чугас дьоҥҥутун кытта аахсымаҥ. Кинилэр сүбэлэрэ-амалара олус суолталаах. Нэдиэлэ бүтүүтэ соһуччу үөрүү күүтэр.
Күрүлгэн
Дьиэ кэргэннээхтэр табыллыыһыккыт. Таптал сыһыаныгар саҥа үктэлгэ тахсыбыккыт. Эйигин үөрүү-көтүү, интэриэһинэй түгэннэр уонна айылҕаны кытта алтыһыы күүтэр. Үлэ этэҥҥэ баран иһэр. Арай, доруобуйаҕар сэрэхтээх буол. Төбө ыарыыта чаастатыйбыт. Ол сэрэхтээх.
Балыктар
Барыта биир кэм. Үлэ, дьиэ, үлэ. Олоххун бэйэҥ эрэ уларытар кыахтааххын. Онон сиэрэй олохтон сылайбыт буоллаххына, түһүнэн кэбис. Өрөбүллэргэ түүҥҥү кулуупка сылдьыбатын ордук, аһыы утахтан сэрэхтээх буол. Бу нэдиэлэ эр дьон балыктарга ордук ситиһиилээх буолуоҕа.
