Войти

Войти

Хой

xoy

Үтүө санааҥ – көтөр кынатыҥ диэн этии күүстээх суолталаах. Бу күннэргэ аҕа саастаах киһиэхэ көмөнү оҥорон, санаалыын-оноолуун чэпчиэҥ. Доҕоттору кытта алтыһыы элбэх буолуо. Кытаатан тулалыыр дьоҥҥун кэннилэриттэн хото сылдьыма. Суолтата суох хобу-сиби тарҕатыма. Эр дьон, дьахтар дьыалатыгар кыттыспаккыт ордук. Харчыгытын ааҕан, кэччэнэн бүтэргит буоллар. Иэйии чааһыгар эттэххэ, уларыйыы улахан суох. Арай, соҕотохсуйбут сүрэхтэргэ чугастык алтыһар доҕор көстүөн сөп.

Оҕус

ogyc

Карьераҕа саҥа үктэлгэтахсыаҥ. Күн-түүн тупсан, сайдан, боччумуран иһэҕин. Бу тиэмпэҕин ыһыктыбатыҥ наада. Төрөппүттэргин кытта билсэ-көрсө, алтыһа сырыт. Кинилэр эн болҕомтоҕун олус эрэйэллэр. Тус олоххор сүрэх уонна өй мөккүөрэ үөскээбит. Бу үөскээбит быһыыны-майгыны сүрэҕиҥ соччоылыммат курдук. Толору дьоллоох буолуоххун туох эрэ атахтыыр. Иллэҥ бириэмэҕин туһалаахтык атаар, дьиэ-уот үлэтин үмүрүтэ сырыт. Мантан антах күн-дьыл эккирэтиитэ буолуоҕа.

Игирэлэр

igire

Аахпыт кинигэҕиттэн, сөбүлүүр киинэҕиттэн улахан дуоһуйууну ылаҕын. Чугас дьоҥҥор кэпсээниҥ ол буолбут. Билиигин-көрүүгүн хаҥатарга өрүү бэлэмҥин. Бу күннэргэ күүһүҥ-уоҕуҥ эбиллэн, дьиэ ис-тас үлэтин кыайа-хото тутар кыахтааххын. Хараххын харыстыы сырыт. Кэлиҥҥи кэмҥэ хараҕыҥ ыарытыйар буолбут. Успуордунан дьарыктанарга наһаа туһалаах күннэр үүмүттэр. Таптал чааһыгар интириигэ элбэх. Соһуччу көрсүһүүлэр, интэриэһинэй кэпсэтиилэр күүтэллэр.

Араак

rak

Күүстээх үлэ күүтэр. Дьыала-куолу силигин ситэ илик. Салалтаны кытта түргэнник уопсай тыл булан, биир олус суолталаах дьыаланы үтүө түмүккэ аҕалыаҥ. Профессионал быһыытынан сатабылгын көрдөрүөххүн наада. Маны таһынансулустар эйиэхэ улахан билсиһии нэдиэлэтин түстүүллэр. Күннээҕи олоххор алтыһан ааһар дьоҥҥор болҕомтолоох буолуоххун наада. Аналлааххын көрсөргөр кыах олус улахан эбит. Кытаат, кытарчы көр.

Хахай

xaxai

Бастатан туран, олус маладьыас киһигин. Кимтэн да, туохтан да тутулуга суоххун көрдөрөҕүн. Үлэһит да быһыытынан, киһи да быһыытынан сайдан эрэҕин. Үгүс Хахайга харчыга баарт күүтэр. Арааһа, хамнаскын үрдэппиттэр эбэтэр эбии дохуот курулаччы кутуллар буолбут. Нэдиэлэ бүтэһигэр чугастык алтыһа сылдьыбыт киһиҥ баарын биллэриэҕэ. Кинини кытта сыһыан инникитин хайдах буоларын, эн эрэ быһаарар кыахтааххын. Уопсайынан, туох баар уларыйыы эйигиттэн эрэ тутулуктаах.

Кыыс

kuus

Кыраттан ньиэрбинэйдээмэ, бэйэҕин туттуна соҕус сырыт. Чугас дьоҥҥун хомотума, кэлэтимэ. Бу ордук эр дьоҥҥо сыһыаннаах. Маныаха тус кыаххар эрэнэриҥ ордук. Биир чугас табаарыскар эрэнэн сылдьыаҥ эрээри, холуоһаҕа олоруоххун сөп. Интэриниэт оонньуутугар аһара үлүһүйүмэ, иллэҥ бириэмэҕин чугас дьоҥҥун кытта атаар. Тапталлааххын кытта аһаҕастык кэпсэт, туохтан хомойорун билэ-көрө сатаа. Оттон, сулумахтар, бииртэн биир киһиэхэ, лыах курдук көтө сылдьымаҥ.

Ыйааһын

uyaahun

Барыны-бары олус толкуйдуугун. Утуйар уугун кытта аймыыр буолбуккун. Хаһан эрэ оҥорбут сыыһаҕын, мүччү туппуккун бырастыы гыммаккын. Уруккунан олоро сатаама, хас биирдии күҥҥэ эрэллээх буол диэн сулустар сүбэлииллэр. Бу нэдиэлэ ситиһиитэ – төрөппүттэргин, бииргэ төрөөбүттэргин кытта сыһыаны тупсарыы. Бириэмэҕин кинилэри кытта олус истиҥник, сылаастык атаарыаҥ. Туохтан да хомойума, барыта үчүгэй.

Скорпион

ckorpion

Эдэр ийэлэр, кырачаан оҕолорун кытта алтыһан, улахан дуоһуйууну ылаллар. Бу күннэр олус холкутук, чуумпутук ааһыахтара. Үчүгэйдик уугун ханар, дуоһуйа сынньанар буолбуккун. Дьиэ-уот ыраас, таптал сыһыана истиҥ. Онтон ордук туох наада буолуой? Арай, доруобуйаҕын кэтэнэ сырыт. Хаһаайкалар куукунаттан тахсыбакка, дьиэлээхтэрин үөрдээри минньигэс бүлүүдэлэри астаан түбүгүрүөхтэрэ. Туох эрэ иитэр-үөрэтэр суолталаах саҥа кинигэҕэ үлүһүйүү буолуоҕа.

Охчут

oxchut

Аргыый наллаан барыта этэҥҥэ баран иһэр. Айылҕаҕа сылдьан, элбэхтик хааман-сиимэн, санаалыын-онооолуун чэпчээн сылдьар кэмиҥ. Чахчы, санааҕа ыллардаххына, соҕотохсуйа түһэриҥ ордук эбит. Санааҥ түргэнник сааһыланар, салгыы үлэлииргэ-хамсыырга чэпчэки буолар. Аҕа саастаах Охчуттар күннээҕи үөрүүлэрэ – сиэн минньигэс сыта, оҕо-уруу тоҕуоруһуута. Дьиэлээхтэргин кытта бииргэ үөрэр-көтөр күннэр үүммүттэр. Чугас киһигэр соһуччу бэлэх оҥорон үөрдүөҥ.

Чубуку

chybyku

Кэлии-барыы үксээбит. Успуордунан үлүһүйүү саҕаламмыт. Үлэҕэ эмиэ ситиһии баар. Элбэхтик дьону кытта алтыһар буолаҥҥын, сылайыы баар эрээри, үлэҥ түмүгэ үөрдэр. Эн тулалыыр дьоҥҥор санааҕын ситэ тиэрдибэт буолаҥҥын, искэр бэйэҕин кытта олус мөккүһэҕин. Дьиҥэр, барыны-бары билэр, үгүстэри үөрэтэр курдуккун эрээри, бэйэҥ тус олоххор киирдэххэ, уустук түгэн баар. Олус эрэнэр киһигин кытта санааҕын атастас, дууһаҕын арыйан кэпсэт диэн сулустар сүбэлииллэр.

Күрүлгэн

kyrylgen

Дьиэ-уот үлэтэ элбэх. Онон бу күннэри ол түбүгэр атаарыаҥ. Дьиҥнээх доҕоттор баалларын биллэриэхтэрэ, үлэҕэ кэлэн күүс-көмө буолуохтара. Оттон карьера чааһыгар эттэххэ, кыра ыарахан баар. Кэллиэгэлэр икки ардыларыгар хоп-сип дэлэйбит. Эн онно наадыйыма, күүстээх санаалаах буол. Хата, ол оннугар тапталлааххар, оҕолоргор үөрүүнү бэлэхтииргэ кыһалын. Атын дьон санаатынан олорума, буолартан-буолбаттан кыыһырыма. Сөбүлүүр ырыаҕын ыллаа, хайдах сатыыргынан үҥкүүлээ, сэрэнэн сырыт.

Балыктар

balyk

Наһаа үчүгэй үөрүү күүтэр. Дьиэлээхтэриҥ эн тускар кыһаллан, наһаа суолталаах дьыаланы быһаарбыттар. Эн онтон сүргэҥ олус көтөҕүллүөҕэ, улаханнык үөрүөҕүҥ. Тас көрүҥҥэр болҕомто ууран, имиджи тупсарар туһунан толкуйдан. Харчыга сэрэхтээх буол. Уопсайынан, малгын-салгын хомуна соҕус илдьэ сырыт. Устудьуоннар, оскуола үөрэнээччилэрэ эксээмэҥҥэ бэлэмнэнэн түбүк бөҕө буолбуттар. Бэйэҕэ эрэллээх буолуохха наада, оччотугар барыта этэҥҥэ буолуо.

Тарҕат:

Добавить комментарий