Войти

Войти

Хой

хой

Нэдиэлэ саҕаланыыта сулумахтарга олус сэргэх буолуоҕа. Хараххынан хайгыы кими эрэ бэлиэтии көрүөҥ, ол киһиҥ эйиэхэ болҕомтотун ууруоҕа. Онон саҥа билсиһиигэ бэлэм буол. Карьераҕа эмиэ табыллар күннэр. Сынньалаҥ кэннэ саҥа бырайыактарга ылсан, эрэллээхтик үлэлээн-хамсаан барыаҥ. Бу ситиһиилэртэн кынаттанан бэйэҕэ эрэлиҥ сүрдээҕин үрдээбит. Суоппардар, суолга-иискэ сэрэхтээх буолуҥ. Өрөбүллэргэ аһыы утаҕынан үлүһүйүмэ.

Оҕус

о5ус

Дьиэ кэргэҥҥин кытта иирсээн, өйдөспөт буолуу үөскүөн сөп. Тапталлааххын кытта сыһыан эмиэ ыарахан. Атын дьон тылын итэҕэйэ охсор сыыһа. Онон аһаҕастык кэпсэтэр, санааны үллэстэр оруннаах. Нэдиэлэ ортото доҕотторгун, кэллиэгэлэргин кытта туох эрэ суолталаах бырайыак туһунан кэпсэтиэххит. Таптыыр киһиҥ кириитикэтин уйбакка, санааҥ улаханнык түһэр чинчилээх. Тас көрүҥү тупсарарга, дийиэтэҕэ олорорго саамай табыгастаах кэм.

Игирэлэр

игирэ

Түбүктээх соҕус күннэр буолуохтара. Онон туруоруммут сыалгын-соруккун толорон иһэриҥ табыгастаах. Уопсайынан, сып-сап тутта сатаа. Оптуорунньукка уонна сэрэдэҕэ түбүктээх күннэр, онно сыраҥ-сылбаҥ эстииһи. Дьиэ кэргэҥҥэ эмиэ кыра мөккүөр, иирсээн бэлиэтэнэр. Дьахталлар аһара эмоциональнай буолбуттар. Сулумахтарга болҕомто бөҕө ууруллар эрээри, онно букатын наадыйбат дьон буолан биэрбиттэр.

Араак

араак

Эбии дохуот кутулла турар. Сүрүн үлэҥ таһынан сэмэй биисинэстээх эбиккин. Оттон бэйэ дьыалатын тэринэ иликтэргэ, сулустар санааҕыт хоту кимэн киирэн иһиҥ дииллэр. Үлэҕэ-хамнаска үрдүк ситиһиилээх күннэр. Саамай сүрүнэ, бэйэҕэ эрэллээх буолуохха наада. Доҕор уонна кэллиэгэ икки ардыгар кыраныысса баарын өйдөө. Кэллиэгэ барыта эйиэхэ чугас доҕор буолара саарбах. Тапталлааххын кытта сыһыаны тупсарарга туох эрэ саҥа сүүрээн наада. Онон арамаантык соҕус буоларыҥ ордук.

Хахай

хахай

Бэнидиэнньик ситиһиилээх буолуоҕа. Таба тайаннаххына, бу күн элбэх кыайыыны-хотууну аҕалыаҕа. Карьераҕа ордук табыллыы күүтэр. Тус олоххо эмиэ үчүгэй быһыы-майгы бэлиэтэнэр. Сулумахтар саҥа сыһыаҥҥа хардыыны оҥоруохтарын саныыллар да, туох эрэ мэһэйдиир курдук... Онон арыый да быһаарыныылаах буоларгыт ордук. Өрөбүллэри дьиэ кэргэҥҥин кытта атааран ордук үөрүөҥ-көтүөҥ. Хаһаайкалар ас астыахтара, күнү-күннээн түбүгүрүөхтэрэ. Оттон эр дьон дьиэ ис-тас үлэтин кыайа-хото тутуохтара.

Кыыс

кыыс

Бу ый Кыргыттарга наһаа таһаарыылаах буолуоҕа. Бииртэн биир үөрүү, ситиһии кэлэн иһиэхтэрэ. Ыар баттык оҥосто сылдьыбыт кыһалҕаҥ силигин түргэнник ситиэҕэ. Тус олоххор эмиэ соһуччу үөрүү күүтүөҕэ. Ыктарыылаах соҕус күннэри этэҥҥэ туораан, билигин ньир бааччы наҕыллык сылдьар кэмиҥ. Онон санааҕын сааһыланан, бу курдук үлэлээн-хамсаан, тус сыһыаны тупсарарга туруулаһан ис. Эр дьоҥҥо Байанай тосхойуоҕа, онон айылҕаҕа сылдьар табыгастаах.

Ыйааһын

ыйааьын

Кыраттан санаарҕаама. Буолар-буолбаты ыар таһаҕас оҥостон, санааны түһэрэр сатаммат. Фантазияҥ аһара сайдыылаах буолан, суоҕу да баар гынан хараххар оҥорон көрүөххүн сөп. Холобур, тапталлааххар сыһыаныҥ. Эһиги сыһыаҥҥытыгар күнүүлэһии, эрэммэт буолуу бэлиэтэнэр. Ол эрээри, түргэнник өйдөһөҕүт. Ол -- үчүгэй. Санааҕын сөпкө салайыаххын эрэ наада. Үлэ чааһыгар барыта этэҥҥэ баран иһэр. Нэдиэлэ бүтүүтэ начаалынньыккыттан хайҕаныаҕыҥ. Таһаарыылаах үлэҥ иһин – кумааһынньыгын халыҥыыһык.

Скорпион

скорпион

Хараххын көрдөрүөххүн наада эбит. Эмискэ хараҕыҥ мөлтөөн, кыһалҕа үөскээри гыммыт. Урукку сибээһи туһанан үлэҕэр биир суолталаах дьыала быһаарыллыа. Бу күннэргэ туора дьон көмөтүттэн аккаастаныма. Саҥа идиэйэлэри олоххо киллэрэргэ күүскэ санаммыккын, онон тулалыыр чугас дьонуҥ санаатын иһит. Тапталлааххар, оҕолоргор истиҥ сылаас сыһыаҥҥын бэлэхтээ. Сорох ардыгар аһара тоҥ курдук туттаҕын-хаптаҕын. Онон сымнаҕас буола сатаа, сылааһынан сыдьаай.

Охчут

охчут

Үлэҕэ эппиэттээх сыһыан күүһүрбүт. Бииргэ үлэлиир дьоҥҥуттан элбэхтик хайҕанар буолбуккун. Урбаанньыттар кэпсэтэр-ипсэтэр дьоҕурдара биллэ сайдыбыт. Онон барыстаах этиини мүччү туппакка, олоххо киллэрэн иһиҥ. Тус олоххо уларыйыы суох, барыта урукку курдук. Арай, доруобуйа халбаҥныыр. Ол иһин күннээҕи эрэсиимҥитигэр, аскытыгар-үөлгүтүгэр эппиэтинэстээх буолуҥ. Сулустар эһиэхэ куһаҕана суох нэдиэлэни эрэннэрэллэр.

Чубуку

чубуку

Үлэ мунньуллан, төбөҕүнэн түһүөҕүҥ. Бэнидиэнньиктэн саҕалаан боччумнаахтык ылсан, үлэҕин-хамнаскын үмүрүтэн барыаҕыҥ. Кэллиэгэлэргин кытта иирсибэт буола сатаа. Эппиэтинэстэн куотунума, атыттары буруйдаама. Ыаллар сыһыаннара этэҥҥэ. Кыра оҕолоохтор күннэрэ-ыйдара кырачааннарыттан тахсар. Кини күннээҕи ситиһиитинэн төрөппүттэрин үөрдэрэ элбээбит. Оттон сулумахтар билигин даҕаны сөптөөх хардыыны оҥоро иликтэр. Уустук түгэн элбэх.

Күрүлгэн

курулгэн

Үгүстэр успуордунан дьарыктанан эрэллэр. Ол иһин эттиин-хааннныын, санаалыын-оноолуун чэпчээн аҕай сылдьаллар. Бу нэдиэлэ чуумпу соҕустук ааһар. Тоҕо диэтэххэ, үлэ хаамыыта былаанынан баран иһэр. Тус олоххо эмиэ улаханы түһүү суох. Ол гынан баран тапталлааҕыҥ эйигиттэн болҕомтону олус эрэйэр буолуоҕа. Ону сөпкө өйдөөн, балаһыанньаны иирсээҥҥэ тиэрдибэт ордук. Аҕа саастаахтар маладьыастар. Сөбүлүүр дьарыктарын сөргүтэн, дьиэҕэ көннөрү сыппакка, кэлии-барыы буолбуттар.

Балыктар

балыктар

Күннээҕи кыһалҕаны быһаарарга түбүгүрүөҥ. Эн сатаабатаҕыҥ диэн суох. Онон “кыаллыбат” диэн тылы отой туттума. Харчы кырыымчык соҕус буолуо, онон үпкүн хонтуруоллаа. Маны таһынан, урут хомоппут киһигин кытта уопсай тыл булан, аһаҕастык кэпсэтиэххит. Суоппардар, айан аргыстаах дьон, туохха барытыгар болҕомтолоох буолуҥ. Нэдиэлэ бүтүүтэ соһуччу үөрүү күүтэр. Сулустар эйиэхэ тус олоххун туора дьоҥҥо кэпсээмэ, кыһалҕаҕын кэпсээмэ диэн сүбэлииллэр.

Тарҕат:

Добавить комментарий