Войти

Войти

Хой

хой

Хойдорго өссө биир ситиһии үктэллээх нэдиэлэ үүнээри турар. Профессионал быһыытынан бэйэҕин көрдөрөр кэм кэлбит. Айар куттаах дьон үлэ үөһүгэр сылдьаллар, сотору кэминэн өссө биир суолталаах үлэ күн сирин көрүөҕэ. Үп-харчы боппуруоһа бакаа кырыымчык курдук эрээри, син үчүгэй буолуоҕа. Өр кэмҥэ ыар баттык буола сылдьыбыт кыһалҕаны, төлөпүөнүнэн биир кэпсэтии тута быһаарыаҕа.

Оҕус

о5ус

Сотору эйигин айан күүтэр. Аны туран, соҕотох буолбакка, тапталлааххын кытта кэлии-барыы, хомунуу сүпсүлгэнигэр сылдьыаххыт. Бу нэдиэлэ ордук дьахталларга таһаарыылаах буолуоҕа. Хаһааҥҥытааҕар да түргэн-тарҕан соҕустук элбэҕи ситиһиэхтэрэ. Эр дьон да хаалсыбаттар. Сулумахтар дьылҕаларыгар суолталаах көрсүһүү буолар чинчилээх. Эппиэтинэстээх хардыыны оҥоруоххутун эрэ наада. Онон харса суох буолуҥ.

Игирэлэр

игирэ

Дьиҥэр, мээнэ сыыһа-халты туттубаккын эрээри, сороҕор сыыстарыаххын сөп. Бу күннэргэ эйигиттэн сылтаан, бүтүн кэлэктиип, чугас дьонуҥ ууга-уокка түһэр кутталлаахтар. Доруобуйаҕын көрүнэ сырыт. Бу нэдиэлэ сүрүн кыһалҕата – доруобуйа. Ыарыы сибикитэ баарын күүскэ биллэрэн эрэр курдук. Өрөбүллэри сылаастык дьиэҕэ атаарар ордук буолуоҕа. Эдэрдэр интэриниэт ситимиттэн арахпат буолбуттар, арааһа, саҥа билсии-көрсүү үөскээбит быһыылаах.

Араак

араак

Эр дьон хаһааҥҥытааҕар да санаалыын чэпчээн сылдьаллар. “Эр киһи биир тыллаах” диэн санаанан салайтараллар. Онон эппит тылгытыгар туруоххут, тус олоххутугар уларыйыы киллэриэххит. Карьераҕа сүпсүлгэн элбэх. Суолталаах дьыалабыай кэпсэтиигэ бэлэм буол. Үтэн-анньан көрөөччүлэр бааллар. Ыал ийэлэрэ, эбэлэрэ, кыргыттар сөбүлүүр дьарыктарын сөргүтэн, санаалыын чэпчээн сылдьаллар. Нэдиэлэ чуумпутук ааһыаҕа.

Хахай

хахай

Төһө кыалларынан салгыҥҥа элбэхтик сылдьыаххытын наада. Таҥаскытын-сапкытын үчүгэйдик көрүнүҥ. Сыыстаран кэбиһэн, тымныйан хаалыаххытын сөп. Аны туран, чугас дьоҥҥуттан хомолтолоох сонуну истэн, санааҥ улаханнык түһүөҕэ. Үлэҕэр эппиэтинэс үрдүк, онон этэҥҥэ бу курдук үлэлии-хамсыы сырыт. Тус олоххор уларыйыы соччо бэлиэтэммэт. Арай, тас көрүҥҥүнэн дьон-сэргэ болҕомтотун олус тардаҕын.

Кыыс

кыыс

Туох эрэ саҥаны айарга-тутарга наһаа таһаарыылаах уонна үтүө түмүктээх күннэр күүтэллэр. Чугас дьоҥҥун харыстаа. Мөккүөр кэмигэр үгүһү толкуйдаабакка, мээнэ саҥарар буолбуккун. Онон дьиэлээхтэргин кытта иирсэриҥ элбэх. Искэр наар кинилэри буруйдуугун эрээри, үксүгэр этиһиини бэйэҥ саҕалыыр эбиккин. Онон дьонуҥ санаатын болҕойон иһит уонна тулуурдаах буол. Биисинэс табыллыа, харчы харбакка киирэ туруо.

Ыйааһын

ыйааьын

Дьиэ кэргэниҥ кыһалҕатыгар ордук болҕойуоҥ. Тапталлааҕыҥ уонна оҕолоруҥ кыһалҕаларын бастакы миэстэҕэ туруоран, кинилэр олохторун тупсарар аатыгар сылдьыаҕыҥ. Бу күннэргэ чугас доҕотторуҥ үгүстүк илиилэрин утары уунуохтара. Өрөмүөн түбүгэ тохтуо ыраах. Онон өрөбүллэри үлэ үөһүгэр атаарар чинчилээххин. Сынньалаҥы култуурунайдык атаарар баҕа баар. Ол кыаллыбатаҕына, дьиэҕэ да буоллун, ырыа-тойук аргыстаах сынньан.

Скорпион

скорпион

Скорпионнар бу күннэри олус туһалаахтык атаараллар. Биир да күнү халтайга ыыппакка, үлэ-үөрэх үөһүгэр сылдьаллар. Эбии үөрэҕи баһылыырга, устудьуоннарга уонна оскуола үөрэнээччилэригэр саҥа саҕахтар арыллыахтара. Омук тылын үөрэтээччилэр олус сайдыбыттар. Тапталлааххын кытта сыһыаҥҥа наһаа харса суох тыллаһыма. Итэҕэйбэккин, эрэммэккин көрдөрөн, солуута суох күнүүлүүрүҥ улахан иирсээҥҥэ кубулуйуон сөп.

Охчут

охчут

Ким эрэ эйиэхэ көмөлөһүөхтээҕин курдук санаама. Туора дьонтон көмө күүтүмэ. Бу ордук үлэҕэ сыһыаннаах. Өскөтүн, эбээһинэскин кыайбат буо-ллаххына, элбэҕи ылыма, салалтаҕар кыһалҕаҕын хайдах баарынан кэпсээн ис. Дьиэлээхтэргин кытта төһө кыалларынан бириэмэҕитин бииргэ атаарыҥ. Соҕотох сылдьааччылар, ирдэбилгит олус үрдүк эбит. Онуоха сирэ-тала сылдьар төрүөт баар. Ол иһин хас биирдии хардыыгытын, оҥорор дьайыыларгытын боччумнаахтык толкуйдуургут уолдьаспыт.

Чубуку

чубуку

Эн олоххор түбүктээх үлэ, чугас доҕоттордуун алтыһыы уонна успуорт барыта баар курдук. Онно барытыгар ситиһиилээххин. Ол гынан баран туох эрэ тиийбэт. Ким эрэ болҕомтотун көрдүүгүн... Тус олоххор уустук күннэр ааҥнаабыттар. Тапталлааххар ситэ эрэммэт буолуу үөскээбит. Эбэтэр бэйэҕит кими эрэ сөбүлээн баран сылдьаҕыт дуу... Уопсайынан, таптал чааһыгар санааҕытын үчүгэйдик сааһыланыаххытын наада. Сөпкө быһаарыннаххытына, олоххут биллэ чэпчиэҕэ.

Күрүлгэн

курулгэн

Тас көрүҥҥүт олус уларыйбыт уонна тупсубуккут. Эһигини сөбүлүү көрөр киһи элбээбит. Куйаар ситиминэн билсэ сатааччы элбэх буолуоҕа. Онон бэйэҕитигэр эрэлгит улаатан аҕай сылдьар. Карьераҕа эмиэ ситиһии баар. Бу нэдиэлэҕэ бэйэҕин үрдүк билиилээх исписэлиис быһыытынан көрдөрдөххүнэ, кэнэҕэс балаһыанньаҥ биллэ тупсуоҕа. Сотору кэминэн айан күүтэр. Арааһа, тапталлааххын кытта сынньана туруммуккут быһыылаах.

Балыктар

балыктар

Суолталаах быһаарыы ылынан, олоххор улахан уларыйыыны киллэрэр санаалааххын. Доруобуйаҕын көрүнэриҥ, кэтэнэриҥ, күүһүрбүт. Аҕа саастаах Балыктар айар дьоҕурдарын сайыннарбыттар. Бириэмэни ыксата сатыыр сатаммат. Онон тус олоҕуҥ сыһыаныгар олус ирдэбиллээх буолума. Барыта бэйэтин кэмигэр буолуоҕа. Эдэр кыргыттар ийэ буолар баҕалара наһаа улааппыт. Үлэҥ этэҥҥэ баран иһэр, сотору кэминэн баһылла сытар үптэниэҥ. Онон үлэттэн сүрэҕэлдьээмэ.

Тарҕат:

Добавить комментарий