Хой

Настарыанньаҥ уларыйа сылдьар. Ис сүрэххиттэн сүрэҕэлдьиир буолбуккун. Ол эрэн наһаа ыһыктынан кэбиһимиэххин наада. Бу нэдиэлэни этэҥҥэ аастаххына, кэнэҕэс үлэлииргэр быдан чэпчэки буолуоҕа. Эн тускунан хобу-сиби тарҕатааччылар бааллар. Олортон сэрэхтээх буоларыҥ ордук. Маны таһынан ордук, эр дьон, дьахталлары наһаа эрэммэккит наада. Албын-көлдьүн быһыыга-майгыга киирэн биэриэххин сөп. Доруобуйаҕын көрүнэ сырыт.

Оҕус

Үп-харчы балаһыанньатын тупсарарга кыах бөҕө көстүбүт. Өссө таптал чааһыгар уларыйыы күүтэр. Дьылҕа Хаан ыйааҕынан сулумахтары, эдэрдэри ыал буоларга кэрэ түгэн күүтэр. Кэргэнниилэр сыһыаны тупсарыыга олус кыһаллар-мүһэллэр буолбуттар. Дьахталлар, кыргыттар аһара аймаммакка, долгуйбакка, кыраттан кыыһырбакка-тымтыбакка сылдьаллара наада. Доруобуйаҥ туруга мөлтөһүөр буоллаҕына, ыарыыны чугаһаппат ордук.

Игирэлэр

Санаалыын чэпчээн сылдьаҕын. Арааһа, былааҥҥын, туруоруммут сыалгын кыралаан ситиһэн эрэҕин быһыылаах. Билиҥҥи үлэҥ улахан дуоһуйууну аҕалбат эрээри, күннээҕи ситиһии баар. Чугас дьоҥҥор, тапталлааххар сыһыаныҥ син көнөн эрэр курдук. Сорох ардыгар бардамнаан ылаҕын. Нэдиэлэ иккис аҥаарыгар эбии үөрэх кууруһун ааһарга, маастар кылааска сылдьарга олус табыгастаах күннэр.

Араак

Таһаарыылаах нэдиэлэ үүнүөҕэ. Үлэҕэ көхтөөх сыһыаныҥ иһин салалтаҥ үрдүктүк сыаналыаҕа. Ол хармааҥҥар ботуччу соҕустук биллиэҕэ. Харчыгын ыһа-тоҕо бараама, ахсынньыга ороскуот элбэх. Үгүс дьон бу нэдиэлэҕэ айылҕалыын алтыһыахтара. Бу сырыы байанайдаах буолара саарбахтаммат. Тапталлааххын кытта иирсээн үөскээтэҕинэ, хайа эрэ түгэни истибэтэх-билбэтэх курдук туттарыҥ ордук.

Хахай

Эбии дохуот киллэрэр туһунан толкуй баар. Онно үчүгэйдик ылсан үлэлээтэххинэ, маладьыас үрдүк аатын сүгүөххүн сөп. Карьераҕа талаһааччылар кирилиэһинэн эрэллээхтик тахсан иһэллэр. Биллэн турар, уустук түгэн үөскүүр эрээри, өссө үрдүк дуоһунаска тахсарга кыра хаалбыт. Дьыалабыай суругу-бичиги оттомноохтук толор. Доҕотторуҥ эрэллэрин түһэн биэримиэххин наада. Тылгын-өскүн көрүнэ сылдьарыҥ буоллар.

Кыыс

Эрэлгин хаһан да сүтэримэ. Ыктарыылаах кэмҥэ бэйэҕин профессионал быһыытынан көрдөрүөххүн наада. Үлэҕэ эппиэтинэскин өссө үрдэтэ сатаа. Наһаа ыһыллан-тоҕуллан сылдьыма. Соҕотохсуйбут сүрэхтэр кимиэхэ эрэ интэриэстэрэ күүһүрбүт. Онон хорсуҥҥутун көрдөрүөххүтүн наада. Аҕа саастаах Кыргыттар кэлэллэрэ-бараллара элбээбит. Аныгы технологияны кытта бодоруһуулара күүһүрбүт.

Ыйааһын

Сыыһа-халты туттууга атыттары буруйдуур сыыһатын өйдүөҥ. Бэйэҥ болҕомтото суоххуттан, үлэҕэ, үөрэххэ уустуктары көрсүөххүн сөп. Бу нэдиэлэҕэ чэппиэр уонна бээтинсэ –саамай ситиһиилээх күннэр. Онон түгэни мүччү тутума. Эргиэн-урбаан хайысхатыгар үлэлээччилэри барыстаах этии күүтэр. Бу күннэргэ доҕор-атас эрэллээҕин өссө биирдэ эккинэн-хааҥҥынан билиэҕиҥ. Эппиэттээх кэмҥэ соҕотох буолбатаххын өйдүөҕүҥ.

Скорпион

Саҥа дьыаланы саҕалыаҥ иннинэ, ылсыбыт үлэҕин тиһэҕэр тиэрдиэххин наада. Оччотугар эрэллээх хардыыны оҥорор кыахтааххын. Эйиэхэ номнуо бырааһынньыктааҕы настарыанньа уһуктан, чугас дьоҥҥор тугу бэлэхтииргин толкуйдуугун. Эн бэлэх биэрэри, ылардааҕар ордук сөбүлүүр эбиккин. Өрөбүллэри чуумпутук атаарар баҕалааххын да, барыы-кэлии, сүпсүлгэн элбэх. Кытаатан аһыы утаҕынан үлүһүйүмэ. Доруобуйаҕын үчүгэйдик хонтуруоллана сырыт.

Охчут

Үлэҕэ баттаппыккын. Бииртэн биир саҥа бырайыак күөрэйэн иһэр. Салайааччылар, үлэһиттэргитигэр сыһыаҥҥытын анаалыстанан көрөргүт наада. Бииргэ үлэлиир дьоҥҥут наһаа бэрдэ суох санаалаахтар. Таптал чааһыгар туох да мэһэй суох. Чугас киһигитигэр тапталгыт өссө күүһүрбүт. Киниттэн сыаналаах бэлэх тутан, үөрүүгүт үксүөҕэ. Маны таһынан успуордунан дьарыктанарга, эти-хааны эрчийэргэ тоҕоостоох күннэр. Тас көрүҥҥүтүнэн тупсубуккутун тулалыыр дьоҥҥут бэлиэтиэхтэрэ.

Чубуку

Нэдиэлэ саҕаланыыта улахан толкуйга түһүөххүн сөп. “Төһө сөптөөх хардыыны оҥорон эрэбин?” диэн, санаа-оноо буолбуккун. Олоххун уларытар кыахтаах ураты хардыыны оҥороору сылдьаҕын эрээри, төһө сөптөөҕүн билбэккин. Доҕотторуҥ сүбэлэрин өйдөөн-дьүүллээн иһит. Эдэр ийэлэр оҕолорун тустарыгар наһаа долгуйаллар, түүнүн үчүгэйдик утуйбат буолбуттар. Оҕо уонна ийэ күүстээх сыһыана биллэр. Барыта этэҥҥэ буолуоҕа, үчүгэйгэ эрэниэххэ наада.

Күрүлгэн

Саҥа таҥас-сап атыылаһан, имиджкин тупсаран, үөрэн-көтөн сылдьаҕын. Төлөннөөх таптал иэйиитигэр уйдаран, аһыыргын-утуйаргын умнубуккун. Сокуон аргыстаах исписэлиистэр, үлэҕэ эппиэтинэскит икки бүк үрдүөҕэ. Билэргитинэн-көрөргүтүнэн биир саастыылаахтаргытыттан таһымҥыт икки-үс харыс үрдүк. Кэлиҥҥи кэмҥэ хараххытынан моһуоктары көрсөр буолбуккут. Наһаа элбэх бириэмэни көмпүүтэр, төлөпүөн иннигэр атаараҕыт. Онон харах бырааһын сүбэтэ наада.

Балыктар

Үлэҕэр араас быһыы-майгы буолар. Ол онтон наһаа санааҕын түһэримэ. Бу күннэр өрө күүрүүлээхтик ааһыахтара. Ол гынан баран үлэнэн эрэ олорор сатаммат. Тус олоххор эмиэ болҕомто ууруоххун наада. Тапталлааҕыҥ эн тускар олус ыалдьар, кыһаллар, күүс-көмө буолар. Маны таһынан оҕолоруҥ эн болҕомтоҕун эрэйэллэр. Онон бириэмэҕин эрдэттэн былааннаан, тус кыаххын билинэн сырыт. Бэйэҕэр аһара элбэх эппиэтинэһи ылыныма. Дьиэҕин-уоккун хомуна-ньиминэ сырыт.