Войти

Войти

Хой

хой

Саарбахтааһыҥҥа, толкуйга бириэмэни бараабакка, төттөрүтүн, кэлэн-баран иһиэххин наада. Олус да сытыйа байаҕын диэн   буолбакка, сотору кэминэн харчы киириитэ тупсуоҕа. Биирдэ кыаҕыра түһүөххүн сөп. Эргиэҥҥэ ситиһии баар. Күүстээх үлэҕэ сылдьан тус олоҕу умнар чинчилээххин. Итинтэн сылтаан сүрэҕиҥ аҥаарын кытта өйдөспөт буолуу үөскүөн сөп. Онон булгуччу өрөбүл күнү тапталлааххын кытта атаарыаххын наада.

Оҕус

о5ус

Нэдиэлэ саҕаланыыта ыарыы сибикитэ биллиэҕэ. Кэлиҥҥинэн сэниэтэ суох, өрүү уугун хаммакка сылдьар курдуккун. Онон күннээҕи ноҕуруускаҕын көрүнүүһүгүн. Ордук кэрэ аҥаардар кыраттан да хомойор, уйадыйар түгэннэрэ элбэх. Ол эрээри истиҥ, иһирэх көрсүһүү, аһаҕастык кэпсэтии санааны чэпчэтиэҕэ. Тапталлааҕыҥ эн үтүө сүбэһитиҥ уонна инникигэ эрэлиҥ. Кини эн тускар наһаа кыһалларын-мүһэллэрин, таптыырын өйдүөҕүҥ.

Игирэлэр

игирэ

Төрөппүттэр туох баар иллэҥ кэмнэрин оҕолоругар аныыллар. Дьиэ иһигэр оҕо үөрүүтэ толору. Төрөппүттэр, тапталлаахтар бэйэ икки ардыгар сыһыаннара аһара үчүгэй. Сулустар бу күннэргэ эйиэхэ болҕомтолоох буол диэн сүбэлииллэр. Ыһылла-тоҕулла, сүүрэ-көтө сылдьан сыаналаах малгын сүтэриэххин сөп. Хаһаайкалар, дьиэни-уоту киэһэ сууйумаҥ. Кэлэр ыйга үп-харчы киирэрэ тупсуоҕа, онон билиҥҥи кыһалҕаҕын хайдах эмэ быһаара сатаа.

Араак

араак

Бу нэдиэлэҕэ олох оргуйан олоруо. Эн сүрүҥ соругуҥ – олох саамай үтүө өрүттэрин иҥэринии. Туох эрэ табыллыбатаҕына, санааҕын түһэримэ. Дьоҥҥо үтүө санааҕынан, аһыныгас сүрэххинэн үтүө холобур буолаҕын. Биир кэллиэгэҕин улаханнык абырыаҕыҥ. Тапталга тулуурдаах буолуоххун наада. Сүрэҕиҥ аҥаара эн тускар кыһаллар эрээри, сыыһа-халты туттара элбэх... Ол да буоллар кинини хайдах баарынан ылына сатаа, аһаҕастык санааҕын эт.

Хахай

хахай

Үлэ-хамнас үгүс кэми эрэйиэ. Аҥаардас үлэҕэ эрэ буолбакка, тус олоххо эмиэ тыҥааһыннаах күннэр күүтэллэр. Ылсыбыт дьыалаҕын тиһэҕэр тиэрдиэххин наада. Сулумахтарга интэриэс күүстээх. Тус олоҕуҥ хайдах салаллара бэйэҕиттэн олус тутулуктаах, онон уларыйыыны баҕарар буоллаххына, инниҥ диэки биир хардыыны харса суох оҥоруоҥ. Иллэҥ кэмҥэр кинигэ ааҕыытынан, маастар-кылааһынан үлүһүйэҕин.

Кыыс

кыыс

Урукку былааҥҥын, соруккун олоххо киллэрэргэ тоҕоостоох кэм. Барытын ситиһэр да түгэҥҥэр тохтоон, уоскуйан хаалыма. Атын кыаллыбат боппуруоһу, кыһалҕаны быһаара сатаа. Доруобуйаҥ халбаҥныахча, онон ис туруккун көрүнэриҥ ордук. Бэйэҕин наһаа ноҕуруускалаама, үчүгэйдик утуйа, аһыы сырыт. Тапталлааххар олус болҕомтолоох сыһыаннааххын. Киниэхэ соһуччу үөрүүнү бэлэхтиир былааннааххын.

Ыйааһын

ыйааьын

Үгүһү эрэннэрэр түгэн элбэх буолуо. Үлэҕэр наадалаах, кыра аайы ымыттыбат, быһаарыныылаах үлэһит буолан көстөргө кыһан. Нэдиэлэ иккис аҥаарыгар күүстээх үлэ күүтэр. Бу үлэ-хамнас инникитэ эйигиттэн олус тутулуктаах, онон туох баар сатабылгын толору туһаныаххын наада. Ол гынан баран дьиэтээҕи түбүк баарын эмиэ умнума. Дьиэлээхтэргин үөрдээри өрөбүллэргэ култуурунайдык сынньаныаххыт уонна наадалаах малы-салы атыылаһыаххыт. Өрөбүллэр көхтөөх соҕустук ааһыахтара.

Скорпион

скорпион

Тас көстүүгүн уларытар туһунан толгуйдууруҥ уолдьаспыт. Имидж тупсуон наада. Бу – үлэҕэр олус суолталаах. Салалтаҕын кытта быһаарса сатаама, ааһа баран, салалтаҕыттан тэйэ соҕус сырыт. Тылгын-өскүн кыатан. Аҕам саастаах дьон уопсастыбаннай үлэнэн үлүһүйбүттэр. Ол үтүө түмүктээх буолуоҕа. Айар талааннаах Скорпионнарга эмиэ ситиһиилээх күннэр. Онон айар-тутар кыаххын арыйарга кыһан. Тапталлаахтар сыһыаннара эрэллээх уонна инникилээх.

Охчут

охчут

Сырдык санааҕынан, эрэлгинэн дьону бэйэҥ тула түмүөҥ. Бу күннэр олус чаҕылхайдык уонна көхтөөхтүк ааһыахтара. Хамаанда үлэтэ өрөгөйдөөх кыайыыны аҕалыаҕа. Үлэ чэрчитинэн бодоруһарга, кэпсэтэргэ-ипсэтэргэ бириэмэни анаа, кэрэйимэ. Атын куораттан, дойдуттан кэлбит киһини кытта кэпсэтэн, хараҕыҥ өссө аһыллыбыкка дылы буолуоҕа. Уопсайынан, карьеристар ситиһиилэрэ элбэх. Соҕотохсуйбут сүрэхтэр соторунан соҕотохсуйан бүтэллэр эбит... Онон кытаатыҥ!

Чубуку

чубуку

Үлэһит быһыытынан өссө хаачыстыбалаахтык уонна ситиһиилээхтик үлэлииргэр кыах бэриллиэ. Эдэр төрөппүттэр оҕолорун кытта бириэмэ атааран, кинилэр ситиһиилэринэн үрдүккэ кынаттаналлара элбээбит. Уруккутттан иитиэхтиир баҕа санааҥ туолар чинчилээх. Докумуону толоруу бытаан буолуон сөп, онон түргэн-тарҕан уонна болҕомтолоох буоларга дьулус. Айанньыттар, суолга-иискэ сэрэхтээх буолуҥ. Ордук эр дьон успуорка ситиһиилэрэ элбэх.

Күрүлгэн

курулгэн

Туох да саарбаҕа суох бу – эн кэмиҥ. Үлэлиир, айар-тутар кыаҕыҥ арыллыа, бииртэн биир ситиһии кэлэн иһиэ. Үп-харчы киириитэ үчүгэй. Саамай сүрүнэ, бэйэҕиттэн наһаа астыныма, дуоһуйума. Бэйэҕин өрө тутартан туттун. Өйгө-санааҕа иҥэн хаалар ураты айан, билсиһии күүтэр. Сулумахтар аналларын көрсөллөрүгэр кыах улахан. Онон түһүнэн кэбиһиэххэ. Оскуола үөрэнээччилэрэ, устудьуоннар үөрэхтэн сылайбыт, салгыбыт курдуктар. Хайдах эмэ гынан үөрэххэ баҕаны күүһүрдүөххэ наада.

Балыктар

балыктар

Саҥаны саҕалыырга наһаа ситиһиилээх күннэр. Үлэ таһаарыылаахтык баран иһэр. Кэнэҕэс өссө түбүктээх буолуо. Торумнаабыт былааннаргын биир-биир олоххо киллэрэн ис. Эбии дохуот киллэрэр туһунан толкуй баар. Урбаанньыттар бэйэ дьыалатын өссө кэҥэтэр былааннаахтар. Тапталлаахтар бэйэ-бэйэҕэ көмө-тирэх буолаллара наһаа үөрүүлээх. Кытаатан доруобуйаҕын көрүнэ сырыт, ыарыы ыаллаһаары гыммыт...

Тарҕат:

Добавить комментарий