Войти

Войти

Хой

хой

Дьиэ кэргэн кыһалҕата элбэх. Бэнидиэнньиккэ-оптуорунньукка дьиэ иһигэр улахан суолталаах кэпсэтии баар. Өрөбүллэргэр спордунан дьарыктан, уус-уран кинигэтэ аах. Оптуорунньукка дьон иннигэр тахсан саҥарарыҥ бобуллар. Оҕолоруҥ ыра санааларын толоруоҥ – бэйэҥ баҕа санааҥ эмиэ туолуо.

Оҕус

о5ус

Нэдиэлэ саҥатыгар дьоҥҥо сыһыаныҥ туһунан соччото суох кэпсэтии тахсыа. Дьону олус кириитикэлииргин, кинилэр эмиэ атын санаалаах, тус олохтоох буолалларын өйдүүр кэмиҥ кэлбит. Ону өйдөөтөххүнэ сүргэҥ көтөҕүллүө. Өрөбүллэргэр уһана, иистэнэ түс. Айанныы сатаама, ыарыыҥ көбүө.

Игирэлэр

игирэ

Мал-сал кулута буолаҥҥын атыы-тутуу үөһүгэр киириэҥ. Харчы балачча баар курдук. Ыраахтан уруу-аймах ааҥнаан аскын-үөлгүн бүтэриэ. Устудьуоннарга төрөппүттэрэ ботуччу харчы ыытыахтара. Командировка ыарыыны аҕалыан сөп. Урукку доҕоруҥ баарын биллэриэ.

Араак

араак

Билсии-көрсүү хаҥыыр. Аныгы технологияны, аан ситими (интэриниэти) баһылыырга тоҕоостоох күннэр. Дьиэ үлэтэ, түбүгэ бүтэн биэрбэт. Санааҕын-онооҕун хайысхалыыр курдук дьоһун үлэ күүтэр. Сыһыан араас таһымыттан бигээн көрөн сөпкө баран иһэргин билиэҥ. Эйигин болҕойон истээччи элбиир.

Хахай

хахай

Хахайдар чуумпуну көрдүүллэр. Сиргэ-буорга түһэн үлэлиир сөп этэ. Бачча үчүгэйгэ тумуу баар эбит. Санааҕар тутумтуо буоллаххына, ыарыы араҕыа суоҕун сөп. Барытын кыһалҕаттан, күһэллэн оҥорор курдук турукка киирэн хаалар куттала баар. Куккун-сүргүн бөҕөргөт. Өрөбүллэргэ доҕор-атас кэпсээнэ элбэҕи биэриэ.

Кыыс

кыыс

Билгэлиир дьоҕуруҥ дьону соһутуо. Туолуо. Түүлүҥ иччилээх. Билиҥҥиҥ уонна кэлэр кэмиҥ силбэспит курдук буолуо. Олус элбэх киһини кытта алтыһан, араас санааны, тылы-өһү истиэҥ. Субуотаҕа алтыспыт дьоҥҥуттан ыарыы баар курдук. Кырдьаҕас төрөппүтүҥ улахан болҕомтону эрэйиэ.

Ыйааһын

ыйааьын

Сыаллаах-соруктаах дьоҥҥо барыта табыллар нэдиэлэ. Иэрэҥ-саараҥ буоллаххына ортоһуор соҕус күннэр кэлиэхтэрэ. Туттаргын-хаптаргын, санааларгын көрүнэ, көннөрүнэ түс. Ким да урут билбэтэх сонунугар илиигин угуоҥ. Холобур, эйигин сөбүлээбэт дьон кистэлэҥ былааннарын билиэҥ. Эйигин өйүүр киһи көстүө. Өрөбүллэргэ айан баар курдук.

Скорпион

скорпион

“Мин төһө сөптөөхтүк олоробун уонна дьоллоохпун дуо?” диэн ыйытык соһуччу күөрэс гыныа уонна былааҥҥын барытын түөрэ эргитиэ. Эйиэхэ ыйар-кэрдэр духуобунай учуутал көстөн кэлиэ. Олус күүрэн, түллэн үлэлээмэ. Туох барыта кэмнээх-кэрдиилээх. Бээтинсэҕэ дьиэҕиттэн ыраах сылдьан харчы бөҕөтүн табыйыыһыккын. Билэриҥ-көрөрүҥ чаҕылыҥнаан олоруо.

Охчут

охчут

Саҥа имэҥ-дьалыҥ туоната ыҥырар да ыҥырар. Кыыл, харамай туругар киирэн ылыаҥ. Уруккугун барытын сахсыйан баран илгэн кэбиһиэххин санаталыыгын. Оптуорунньукка – оҕо күнэ. Аймахтарыҥ субуота диэки эйиэхэ олус эрэнэллэр эбит. Эн харчыгар.

Чубуку

чубуку

Ыал буолар туругуҥ эйигин тургутуо. Кэргэнниилэри саҥа түһүмэх күүтэр. Соҕотох чубукуларга уруу, илии охсуһуу, бэргэһэлэнии курдук улахан суолталаах түгэннэр буолуохтара. Доруобуйаҕын көрүн – иннэлэтии, профилакторийга киирии. Умнуган буолар куттал баар.

Күрүлгэн

курулгэн

Доруобуйаҕын күүскэ көрүнүөхтээххин. Үлэҥ быыһыгар. Эпэрээссийэ наада буоллаҕына эпэрээссийэлэн, туохтан да тутулуктаныма. Соһуччу туора хаамыы баар буолуон сөп. Ону таптаатым диэҥҥин саптына сатыаҥ. Өрөбүллэргэр оҕону-урууну кытта көр-нар наада. Ыал буола иликтэр сүрэххит аҥаарын көрсүөххүт.

Балыктар

балыктар

Бу нэдиэлэ оҕо-уруу үөрүүтүгэр, түбүгэр ааһыа. Гражданскайынан олорор балыктарга быһаарыылаах күннэр үүммүттэр. Айар куттаахтар сүгүн олоруо суохтара. Аһара барыга барытыгар орооһума, бэйэтэ дьаалатынан баран истин. Эн таскар буола турарга барытыгар дьайар кыаҕыҥ суох буолуо.

Тарҕат:

Комментарии

Защитный код Обновить

kuumprint2