Войти

Войти

Хой

хой

Кимиэхэ да, тугу да быһаара, дакаастыы сатаама. Ол-бу араас сурах-садьык баар буолуон сөп. Ыраах айаҥҥа аһаҕас айах буолума. Дьыала-куолу чааһыгар олус сүүрүмэ-көтүмэ, албын-көлдьүн дьон бааллар. Хамнас мыыныыта баар. Кэлэр нэдиэлэҕэ туох эрэ кистэлэҥ арыллыахтаах.

Оҕус

о5ус

Доҕор-атас сыһыаныгар тымныйыы биллиэ. Харчы иэс биэрбиккин бэлэхтээбит курдук саныаххын сөп. Көрү-нары сырсаргыттан улахан ночоокко барар куттал баар. Хоойго сытар холоонноох доҕоруҥ тылын истэриҥ ордук. Айар-тутар дьоҥҥо соһуччу харчы көстүө.

Игирэлэр

игирэ

Эргиэн-урбаан туонатыгар улахан ситиһии көстөр. Эйигиттэн үрдүк сололоохтортон ыраах сырыт, араас былааҥҥын-тойгун кэпсээмэ. Доруобуйаны тупсарарга күүскэ хамсанар кэм кэлбит. Ханнык эрэ түгэҥҥэ өс киирбэх буолан ыларыҥ буоллар... Ботуччу харчы баар.

Араак

араак

Суут-сокуон дьыалата эн туһаҕар буолуо суох курдук. Каартаҕар харчылаах буоллаххына, барытын ыларыҥ ордук буолууһу. Аан ситимҥэ (интэриниэккэ) хаартыскаларгын, бэйэҥ туһунан сибидиэнньэни угаргын тохтот. Ыраас таптал баар. Эмтэнэргэ сөптөөх кэм.

Хахай

хахай

Эйигиттэн тутулуга суох соһуччу түгэннэр буолуохтара. Арыгылаах түмсүүлэргэ саа тэбиитигэр чугаһаама. Харчыгын үчүгэйдик көрө, харайа сырыт. Бу нэдиэлэҕэ уруу-аймах сүрүн оруолу оонньуо. Өр да иитийэхтээбит ыра санааҥ туолан барыа.

Кыыс

кыыс

Туохха барытыгар мэһэй баар курдук буолуо. эн онно дьайар кыаҕыҥ кыра. Кэргэҥҥин кыраҕытык кэтээ. Чугас сиргэ айан, дьаарбайыы туһалыа. Бу күннэргэ дьон эрэннэриитигэр бүк эрэнэн кэбиһимэ. Чэппиэргэ, бээтинсэҕэ – ыалдьыт бөҕө.

Ыйааһын

ыйааьын

Доруобуйаҕын күүскэ көрүн. Кыра да арыгыттан сүһүрүү куттала улахан. Харчы элбиэх курдук. Атыы-тутуу улаатыа. Сэрэдэҕэ ыраах айантан туттун. Былыргы тапталгын көрсүөҥ. Уонна барыта ааспытын өйдүөҥ.

Скорпион

скорпион

Эйигин таптаабат буолбут диэҥҥин сэрэйиэҥ. Оҕону кытта ситимнээх туох эрэ улахан кыһалҕа баар. Нэдиэлэ иккис аҥаарыгар үп-харчы кэлиэ, биисинэс өрө тахсан барыа. Көр-нар тэрилтэлэрин тумнарыҥ ордук. Саҥа сүүрээн кэмэ кэлбит – айар-тутар кыаххын арыйаргар.

Охчут

охчут

Ыал буолуу эбэтэр илии баттаһыы баар. Дьиэ кэргэн иһигэр эппиэтинэһи сүгүү тиэмэ сыппаабыт курдук. Бу күннэргэ дьиэҕэр ыалдьыттары ыҥырбатыҥ ордук. Соҕотохсуйа түһэри сатаныыһы дуу? Ыраах сонотуоруйга, түҥкэтэх үүтээҥҥэ бардаххына көдьүүһэ улахан буолуо.

Чубуку

чубуку

Ньиэрбэҕин харыстаа. Бу нэдиэлэҕэ тыл ыйааһына ыарахан буолуо. Уларыйа турар быһыыны-майгыны сырса сатаан умса-төннө түһүмэ. Бу күннэргэ эн санааҥ көргө-нарга охтор. Массыыналаахтар сэрэхтээх буолуҥ.

Күрүлгэн

курулгэн

Биллибэтинэн-көстүбэтинэн дьиэтээҕи бүддьүөтүҥ чарааһыыһы. Салалтаны кытта сыһыан тубустар тупсар. Үрдээтэр үрдээн иһэҕин. Күүскэр күүс эбиллэр. Хара көлөһүҥҥүнэн барытын ситиһиэҥ. Омук харчытын олус бэрэлээмэ.

Балыктар

балыктар

Дьиэҥ түбүгэ үгүс. Үлэҕэ-хамнаска тоҕо эрэ соҕотох буолан хаалыыһыккын. Үөрэх-билии эйигин бу күннэргэ кынаттыа. Ыраах айан, электроннай харчы бу күннэргэ уустуктардаах буолуохтарын сөп. Субуотаҕа уу, устар аал баар курдук. Ол быыһыгар ыалдьыт, саҥа дьиэҕэ көһүү, саҥа дьыаланы арыйыы баар.

Тарҕат:

Комментарии

Защитный код Обновить

kuumprint2