Бэҕэһээ Дьокуускайга Улуу Кыайыы 78 сылыгар аналлаах Кыайыы оһуокайа олус истиҥник, сэргэхтик ааста. Тэрээһини СӨ Дархан этээччитэ Марта Николаева иилээн-саҕалаан ыытта. Оһуокай күнүс 14.00 чаастан киэһэ 17.45 диэри тохтообокко барда.
Манна 28 этээччи, ис сүрэхтэн иэйэн-куойан туран, Кыайыыны уһансыбыт уонна уһанса сылдьар эр хоһууттарбытын уруйдаатылар, ил-эйэ сатыылыыр уйгулаах-быйаҥнаах кэмин туойдулар. Киин куорат дьаһалтата оһуокайга анаабыт бириэмэтин тутуһаары, оһуокайдьыттар сэттэлии мүнүүтэ эттилэр.
Болуоссакка мустубут дьон көхтөөхтүк кытыннылар, оһуокай ис хоһоонун чугастык ылынан кыһамньылаахтык таһаарсан истилэр. Өрөспүүбүлүкэтээҕи «Оһуокай» уопсастыба (сал. Александр Данилов) оһуокайы олус бэркэ тэрийбитин бэлиэтиибит.
Бэйэ кэр.