Үөһээ Бүлүү улууһун Дүллүкү нэһилиэгэр Аҕа дойду сэриитин бэтэрээннэригэр анллаах мемориал тутуохтара. Бу туһунан ТАСС-ка нэһилиэк баһылыга Егор Николаев иһитиннэрбит.
“Саҥа мемориал урукку 1965 сыллаахха, Улуу Кыайыы 20 сыллаах үбүлүөйүгэр тутуллубут пааматынньык оннугар тутуллуоҕа. Сэрии, тыыл бэтэрээннэрин, сураҕа суох сүппүт, өлбүт дьон ааттарын испииһэгин саҥардан биэриэхпит. Биһиги нэһилиэкпититтэн фроҥҥа 252 киһи ыҥырыллыбыт, олортон 124 киһи төннүбэтэх. Тутуу олохтоохтор өйөбүллэринэн олохтоох бүддьүөттэн үбүлэнэр. Ол курдук олохтоохтор мемориал турар сирин тупсарыыга үлэлииллэр. Билигин биһиги нэһилиэкпитигэр сэрии оҕолоро уон киһи, сэттэ тыыл бэтэрээнэ олороллор. Сэрии бэтэрээнин огдообото Елена Евдокимова быйыл 102 сааһын туолар”, — диэн баһылык Егор Николаев кэпсиир.
Дүллүкү саамай ыраах сытар нэһилиэк буолар. Манна тыһыынчаттан тахса киһи олорор. Хороҕор муостаах уонна сыспай сиэллээх төбөтүнэн улууска бастакы миэстэҕэ сылдьаллар.
