“Горнякка” ОМС систиэмэтинэн босхо эмтэниэххэ сөп

“Горняк” АЛРОСА үлэhиттэрин эмтиир киин профилакторийын усулуобуйата, Уhук Илин, Сибиир аатырбыт сонотуоруйдарыттан хаалсыбат.

Манна баар: ингаляция, магнитотурботерапия, озокерит ньыматынан эмтээһин, физиотерапия, илбийии, илбийии кириэhилэтэ, эмтээх баанна, уфо-кислородотерапия, арома-терапия, астма ыарыылаахтары тууhунан эмтээhин, эмтээх оттордоох коктейлар, чэйдэр, стоматолог үлэлиир. Эмтиир киин араас ыарыыны-дьайы эрдэттэн сэрэтэр аналлаах тэриэбэлээх (Диагностическое оборудование). Германия, Япония эмтиир тиэхиньикэтин туhаналлар. Ордук Япония “Пентакс” ыарыыны чинчийэр тэриэбэтэ ситиhиилээхтик туhаныллар. Манна эмчиттэртэн илбийээччитигэр тиийэ ирдэбил кытаанах. Үрдүк хамнастаах буоланнар таhаарыылаахтык, хаачыстыбалаахтык үлэлииллэр. Хас палаата аайы элбэх ханааллаах тэлэбиидэнньэ, wi-fi баар. Хайдах аһаталларын этэр оруннаах. Ол курдук астарын өлүүтэ улахан, эттэрэ, балыктара, салааттара, фрукталара дэлэй уонна минньигэһин киһи эрэ барыта хайгыыр. Атын сиртэн алмаасчыттарга сыhыана суох киhи, бу маннык далбарга тииhинэр кыахтаах дуо? “Горнякка» билигин хантан да кэл, ким да буол ааннара аһаҕас.

Болҕойуҥ! Атын тэрилтэлэр дьонугар путевка сыаната ыарахан. 21 күннээх - 46 тыh 520 солк. Ыарахан диир буоллаххытына «лоскуй-лоскуй» ылар кыах баар. Оттон 21 күнү уһун диир буоллаххытына, кыччатан 6-7 күн оҥоруохха сөп. Биир күнэ – 2.251 солк (эмтэнии, үстэ итии аhылык, толору пансион). Холобур, сорох дьон биэс, уон күн «курсовка» холкутук ылаллар. Миэстэ эрэ баар буоллун. Соторутааҕыттан ОМС систиэмэтинэн босхо эмтэнэр кыах баар буолла. Ону Мииринэйи кытары ыаллыы сытар Бүлүү бөлөх улуустарын дьонугар  сөп эбит.

 Станислав Алексеев, Мииринэй куорат. Ааптар хаартыскалара.