Мииринэй куорат дьаһалтатын баһылыга Клим Антонов "Мирнинский муниципальнай вестник" хаһыакка отчуотугар биллэрбитинэн, 2019 сылга хаарбах дьиэлэртэн 72 ыал көһөрүллүбүт.
Сыл устата уопсайа сэттэ эргэ дьиэ күрдьүлүннэ. Бу алмаас хостонуутун саҕаланыытыгар тутуллубут икки этээстээх "жигаловскай" дьиэлэр.
Куорат баһылыга биллэрбитинэн, билигин Мииринэйгэ 248 мас дьиэ баар. Хаарбах туруктаах ("аварийнай") 93 дьиэ бэлиэтэммит уонна тустаах испииһэккэ киирбит. Мииринэйгэ дьиэ тутуута аанньа барбакка турар. 2020 сыл төрдүс кыбаарталыгар 71 кыбартыыралаах биир эрэ дьиэ үлэҕэ киириэхтээх. Онон ол дьиэ былдьаһык.
Станислав Алексеев, Мииринэй куората. Ааптар хаартыската.
