Сахабыт сирин ытык-мааны олохтоохторо!
Саха Өрөспүүбүлүкэтин күнүнэн итиитик-истиҥник эҕэрдэлиибин!
1922 с. муус устар 27 күнүгэр Саха Автономнай Сэбиэскэй Социалистическай өрөспүүбүлүкэтэ тэриллибитэ. Бу хотугу кыраайбыт сайдыытыгар быһаарыылаах түгэнинэн буолбута. Биһиги Саха Автономнай Сэбиэскэй Социалистическай Өрөспүүбүлүкэбитин төрүттэспит дьону – Былатыан Ойуунускайы, Максим Аммосовы, Исидор Бараховы, Степан Аржаковы онтон да атыттары өрүү махтана ахтабыт, саныыбыт.
Саха Өрөспүүбүлүкэтин судаарыстыбаннаһын төрүттэниитэ – экэниэмикэ, бырамыысыланнас, социальнай эйгэ, билим, үөрэх, доруобуйа харыстабыла сайдыытыгар бигэ акылааты уурбута. Култуурабыт, духуобунаспыт өрө тутуллан, өрөспүүбүлүкэбит элбэх омуктаах норуота сомоҕолоһон, олох үрдүк үтүө таһымыгар дьулуспута. Ити кэмтэн ыла үгүс сыл устата Саха сирэ – дойду социальнай-экономическай сайдыытыгар, Арассыыйа норуоттарын баай култууратыгар бэйэтин дьоһун кылаатын киллэрэн кэллэ.
Билиҥҥи уустук кэмҥэ Саха Өрөспүүбүлүкэтэ Уһук Илиҥҥэ биир тэтимнээхтик сайдан иһэр эрэгийиэнинэн буолар. Арассыыйа Федерациятын бэрэсидьиэнин быыбарыгар Саха сирин олохтоохторо бэйэлэрин сомоҕолоһууга дьулуһуулаах уонна биир кэлим, кыахтаах дойдуга олорорго баҕалаах норуот быһыытынан көрдөрдүлэр.
Биһиги бүгүн инники күөҥҥэ тутар сорукпутунан дьадайыыны кытта охсуһуу, нэһилиэнньэ үлэлээх буолуутун хааччыйыы, тыа сиригэр олорорго табыгастаах усулуобуйаны тэрийии буолар. Төһө да кэккэ ыарахаттар баалларын үрдүнэн, биһиги инникигэ эрэллээхпит. Дьулуурбутун холбоон, былаас уонна уопсастыба ситимнээх үлэтинэн бары харгыстары туоруохпут, инники көлүөнэлэр ситиһиилэрин өссө үксэтиэхпит, Саха сирэ уонна Арассыыйа чэчирии сайдарыгар бигэ төрүтү ууруохпут диэн эрэллээхпин!
Күндү сахам дьоно!
Барыгытыгар дьолу-соргуну, чэгиэн-чэбдик буолууну, үлэҕитигэр уонна тус олоххутугар ситиһиилэри баҕарабын!
Саха Өрөспүүбүлүкэтин Ил Дархана Е. Борисов.
