Суорун Омоллоон аатынан опера уонна балет судаарыстыбаннай тыйаатыра ыам ыйын 11 күнүгэр 18.30-тан биллиилээх композитор уонна пианист Сергей Рахманинов 145-һигэр аналлаах дьоро киэһэҕэ ыҥырар.
Тэрээһин икки сүһүөхтэн туруо:
- Бастакы сүһүөххэ опера солистара Мария Шапошникова уонна Екатерина Корякина Сергей Рахманинов айымньыларын толоруохтара, фортепиано – Алексей Слепцов;
- Иккис сүһүөххэ Сергей Рахманинов биир дьайыылаах “Алеко” операта.
“Алеко” опера Владимир Немирович-Данченко либреттотыгар үс нэдиэлэттэн эрэ ордук кэмҥэ суруллубута.
Премьера 1893 сыллаахха муус устар 27 күнүгэр Большой тыйаатырга буолбута, Ипполит Альтани дирижердаабыта. Испэктээк ситиһии кынаттаммыта.
Опера кэнниттэн Петр Чайковскай аһара күүскэ таһынан, тыйаатыр ложетыттан түһэ сыспыт. Композитор операны олус сөбүлээбитин уонна эдэр ааптарга сыһыанын итинник биллэрбит.
Иккис премьера 1893 сыллаахха алтынньы 18 күнүгэр Киевкэ буолбута. Манна Рахманинов икки бастакы көрдөрүүгэ дирижердаабыта, бу кини дирижер быһыытынан маҥнайгы холонуута этэ. Кэлиҥҥи сылларга опера тыйаатырдар сүрүн репертуардарыгар киирбэтэҕэ, ол эрээри биирдэ эмит турдаҕына, көрөөччү булгуччу үөрэ көрсөрө. Федор Шаляпин курдук биллэр-көстөр опера ырыаһыттара Алеко оруолун толороллоро.
Кэлиҥҥи, атын камернай опералартан “Алеко” уустук уонна үгүс дьалхааннаах драматургиятынан ураты.
2010 с. кулун тутар 12 күнүгэр Опера уонна балет судаарыстыбаннай тыйаатырыгар “Алекону” аан бастаан Прокопий Неустроев туруорбута.
Алеко партиятыгар – Юрий Баишев, Александр Емельянов;
Земфира – Анна Згонникова, Прасковья Герасимова;
Кырдьаҕас цыган – Егор Колодезников, Владимир Павлов;
Эдэр цыган – Григорий Петров, Николай Попов;
Цыган эмээхсин – Нина Чигирева, Анастасия Мухина
Туруорааччы режиссер: СӨ үтүөлээх артыыһа Прокопий Неустроев;
Туруорааччы-дирижер: Аан дойду куонкурустарын лауреата Николай Пикутскай;
Туруорааччы художник: СӨ Култуура туйгуна Марьяна Оконешникова;
Хормейстер – РФ уонна СӨ Искусствотын үтүөлээх деятелэ Октябрина Птицына
Буолар күнэ-чааһа: ыам ыйын 11 к., 18:30 ч.
Билсэр төл.: 36-06-90
Онлайн – атыы: afisha.ykt.ru
Билиэт сыаната: 300-500 руб.
Сааһынан хааччах: 12+
