Быйыл быйыл көхтөөх ыччат уонна тэрийэр хамыыһыйа көҕүлээһининэн, Хаҥалас Орто дойдутугар тэриллиэхтээх Ыччат өрөспүүбүлүкэтээҕи ыһыаҕын 2019 с. көһөрдүлэр.
“Быйылгы Ыччат ыһыаҕар былаан быһыытынан бэлэмнэнэ сылдьыбыппыт эрээри, халаан уута кэлэн, былааммыт тохтоото. “Үгүс нэһилиэк, ол иһигэр Орто дойду таһыгар турар Өктөм, ууга баран олордохторуна, сөргүтэр, чөлүгэр түһэрэр үлэ саҥа саҕаланан эрдэҕинэ, биһиги ыһыахтыы сылдьыахпыт дуо, ол кэриэтэ бар дьоммутугар көмөлөһүөххэ” диэн ыччат үгүс уопсастыбаннай тэрилтэтэ-түмсүүтэ бачыым көтөхтүлэр, ыһыаҕы 2019 с. көһөрүөххэ диэн буолла”, — диэн СӨ ыччакка миниистирэ Иван Луцкан иһитиннэрдэ.
Ыһыах тэрийэр хамыыһыйатын бэрэссэдээтэлэ Михаил Гуляев ыччат көҕүлээһинин өйөөтө. “Көрүллүбүт үп халаан содулун туоратыыга барарын, ыччат көҕүлээһинин өйүүбүн”, — диир М.Гуляев.
Сэҥээриилэр