*Хой
Оруо мас ортотуттан айдаан-куйдаан, этиһии күөдьүйүөн сөп. Онон сытыы тылгын кыана тутун,
дьон баарыгар эргин да, ойоххун да куһаҕаннык саҥарыма. Үп-харчы чааһыгар сүтүк баар буолуон сөп. Устудьуоннар саамай табыллар нэдиэлэлэрэ. Турист быһыытынан сынньана айанныырга эмиэ ордук тоҕоостоох күннэр.
Оҕус
Араас мэһэй-таһай эйигиттэн тутулуга суох буолуоҕа. Эн тугу да гыммытыҥ иһин, бүтэй хаһаа иһиттэн тахсарыҥ өссө да эрдэ. Хата, харчы баар буолуо. Элбэх. Уустук кэмҥэ эти-сиини эрчийэн, өссө тулуурдаах, кыахтаах буоларга дьулуургун улаатыннарыаххын сөп.
Игирэлэр
Доруобуйаҕын күүскэ көрүн. Хаан баттааһына уларыйара түргэнэ сүрдээх. Ыараханы көтөҕөлөөмө. Ханна да ыксаан-бохсоон сүүрэкэлээмэ. Соччо билбэт эйгэҕэр билэр баҕайы курдук туттан-хаптан ылсарыҥ табыллыбат. Сүүскэ бэрдэриэҥ.
Араак
Харчыҥ кырыымчык. Иэс-күүс, кирэдьиит күүскэ ыкпыт. Саҥа кирэдьииккэ аккаастыахтарын сөп. Таптыыр киһигиттэн олус элбэҕи эрэйэр эбиккин. Онон ити икки суолга болҕомтоҕун уурбакка, күннээҕигин бөрөөтөххүнэ, ол да улахан ситиһии буолуоҕа. Көрөөр даҕаны.
Хахай
Дьиэҕэр булакан эстиэхчэ-эстибэт туруктаах турар. Бас бэриниэхтээххин. Хайатын өрө биэрэн түһэн, инники күөҥҥэ сабыасхайдаһа сылдьыаххыный. Успуорт, көмпүүтэр, дьарык, айылҕа эрэ эйигин муҥурданыыттан быыһыахтара. Сүргэҥ көтөҕүллүө.
Кыыс
Кэпсэтэр, билсэ сатыыр баҕаҕын хам баттаа. Солуута суох буоларгын тохтот. Төлөпүөн эн карьераҕын түҥнэри тэбиэн сөп. Сүрэх, тымыр ыарыыта баарын биллэриэ. Араас куһаҕан сонуну ааҕыма, истэ сатаама. Дьиэ кэргэҥҥэр барыта этэҥҥэ буолуо.
Ыйааһын
Олус элбэх ороскуоттан сылтаан таптыыр киһигиниин сыһыаныҥ уустугуруо. Дьиэтээҕи бүддьүөккүн хаттаан суоттаан көр. Үөрэнэргэ, айаҥҥа, саҥа билсиһиигэ табыгастаах нэдиэлэ. Кэлбит-барбыт, сытыы-хотуу дьону кытта алтыстаххына, эн эмиэ оннук буолуоҥ.
Скорпион
Туохха барытыгар урут түһүнэн ис. Санааҕын кистээмэ. Хорсуннук кимэн киир. Былаан той хааллын. Дьиэҕэр өрөмүөн сыанан аҕыа суох. Санаабытыҥ хоту буолуо суоҕа. Дьиэ-уот атыылаһарга тоҕоостоох күннэр. Бычыахтыыр харчыгын ханна гыныаххыный? Саамай сөп – хамсаабат баайга-дуолга.
Охчут
Кимниин билсэргин, күүлэйдииргин көрүнүөххүн наада. Эн тускунан бөрүкүтэ суох сурах-садьык тарҕанан аат-суол барар куттала баар. Билбэт дьоҥҥор отой эрэнимэ. Успуорт, күүстээх дьарык эйигин быртах санаалартан быыһыахтара. Хайыһардаа.
Чубуку
Харчыта суох эрээри маҕаһыыны мээнэ кэрийимэ. Баҕа санааҕын бүддьүөтүҥ уйунар кыаҕа суох. Ыра сатыы сылдьар буоллаххына, дьэ, тургутуу кытаанаҕын көрсүөҥ. Араас чалбараҥҥа ыҥырыахтара. Ыраахтан уунан үлэлиир баһылыктарга эҥин саамай табыгастаах нэдиэлэ. Духуобунас күүһүрэр, кут-сүр бөҕөргүүр суоллара арыллыахтара.
Күрүлгэн
Салалтаҥ саҥаттан саҥа ирдэбили туруорар, сорудаҕы биэрэр. Онон үлэ диэн баран олус иһигэр киирэн хаалыма, үлүһүйүмэ. Сөбүлүүргүн-сөбүлээбэккин биллэримэ, таскар таһаарыма. Доҕор-атас дьиҥнээҕин билиэҥ. Өрөбүллэргин үчүгэйдик былааннаа. Дьоһуннаах көрсүһүү күүтэр.
Балыктар
Былаас, сокуон уорганнарыттан эмсэҕэлиир куттал баар. Ыстарааптаныаххын сөп. Ол суолу-ииһи, массыынаны кытта ситимнээх. Атын да хаарчах, моһол көстөр. Тус биисинэстээх буоллаххына, сыыһаҕын-халтыгын арыйыахтарын сөп. Сынньалаҥҥын айылҕаҕа атаар. Холобур, балыктыы бар. Сиэн диэн минньигэс киһи эн бириэмэҕин ылыа.
