Сахам бастыҥ ынаҕа
Саадьаҕайкаан дьүһүннээх,
Сымнаҕасчаан көрүҥнээх,
Ласпаҕаркаан самыылаах,
Лэспэҕэркээн таһаалаах.
Тиэрбэс курдук харахтаах,
Түөрэм үктүүр туйахтаах,
Бөҕө-таҕа атахтаах,
Будьуруйбут кутуруктаах.
Будулуйар тумаҥҥа
Бурҕачыйар тыынара
, Буһар итии куйааска
Барыа күөххэ, алааска.
Үрүҥ аспыт дэлэгэй,
Үөрүү үрдүк, сэгэттэй.
Сыалаах эппит хоточчу,
Сандалыбыт толору.
Сахам бастыҥ ынаҕа
Саха кутун туттаҕа.
Сап саҕаттан салҕанар,
Сах саҕаттан хайҕанар.
03.04.2021
Бүлүү улууһа, Чинэкэ.
Сэҥээриилэр
+1