САХАМ ЫНАҔА БАРАХСАН
Таас хайалар быыстарыгар
Түргэн-сыыдам сүүрүктээх,
Быйыт, дьарҕаа балыктаах,
Бытантай диэн үрэхтээх
Дьарҕаалаах диэн ааттаах
Дьоҕус бөһүөлэк баар этэ.
Бэйбэрикээн ииттибит
Бээгэй саха сүөһүтүн
Онно тиийэн көрбүтүм,
Олуһун биһирээбитим.
Маҥан, хара эриэннээх
Уһун, хойуу түүлэрдээх,
Дьоҕус, кыра эрээри
Дэдэгэркээн бэйэлээх,
Саллаҕаркаан төбөтүгэр
Кылгас, кыра муостардаах.
Сирбэт-талбат майгылаах
Барахсаным боро бөҕө,
Тымныы кыһыҥҥы ыйдарга
Түүтэ хойдон халыҥыыр,
Ыраас, чэнчис диэн кини,
Хотон сааҕа аҕыйах.
Киһилии эрэ саҥарбат,
Олус өйдөөх харахтаах,
Дьиэмсэх уонна оҕомсох,
Иччитигэр бэриниилээх
Саха дьонугар анаабыт
Мылахсын Айыыһыт бэлэҕэ.
Үүтэ, сүөгэйэ хойуута,
Этэ эмиһэ, сымнаҕаһа
Саха дьонун үйэлэргэ
Үрүҥ тыыннарын өллөйдөөбүт
Ынахпытын эһимиэҕиҥ,
Сайдар суолу тобулуоҕуҥ!
02.04.2021.
Сэҥээриилэр
Кыайыы-хотуу холбостун!
Ситиһиини