Варвара Петровна Захарова 97 саастаах
-
-
Хоту көһөрүллүү кыттыылааҕа, тыыл, үлэ бэтэрээнэ, Төлөй нэһилиэгин бочуоттаах олохтооҕо. Одьулуун нэһилиэгэр «Төҥүргэстээх» холкуоска 25.11.1925с. төрөөбүтэ.
1939-1940 с. Нуотараҕа сүөhү көрөр дьоҥҥо оҕус көлөнөн ас-таҥас таhыытыгар сылдьыбыта.
1942 сыллаахха Чурапчы улууһун күүс өттүнэн күһэйэн Кэбээйигэ ыыппыттара. Онно Таас Тумуска тиийэн, Варвара 17 саастааҕар балыкка улахан дьону кытта тэҥҥэ сылдьыспыта. Эрэй бөҕөтүн көрсөн, нэһиилэ дойдуларыгар төннүбүттэрэ.
1943 с. Кэбээйиттэн төннөн кэлэн, Одьулууҥҥа “Төҥүргэстээх” холкуоска араас үлэҕэ үлэлээбитэ. Кэбээйи Сииттэтигэр эдэр ыччаты кытта субан сүөhүнү 1 сыл илдьэн кыстаппыттара.
1952 с. кэргэн тахсыбыта. 3 уол, биир кыыс оҕоломмута. Холкуоска, сопхуоска субан, ньирэй көрүүтүгэр уонна дайаарканан үлэлээн, бочуоттаах сынньалаҥҥа тахсыбыта.
Билигин 98 сааhыгар үктэммит ытык кырдьаҕас, түөрт оҕо ийэтэ, уон икки сиэн, сүүрбэ үс хос сиэн тапталлаах эбэтэ.
Санааҕын суруй