Киирии

Киирии

Ноговицына Евдокия Владимировна

Ноговицына Евдокия Владимировна
Ноговицына Евдокия Владимировна
Ноговицына Евдокия Владимировна
Ноговицына Евдокия Владимировна
Ноговицына Евдокия Владимировна
Ноговицына Евдокия Владимировна
Ноговицына Евдокия Владимировна
  • Быhаарыы: Мин, Ноговицына Евдокия Владимировна, “Муҥха” диэн хаартысканан күрэххэ кыттыахпын баҕаран быйылгы хаартыскаларбын ыыттым.
    Мин Мэҥэ Хаҥалас Томторугар олоробун. Түөрт уол ийэтэбин, сэттэ сиэн эбэтэбин. Мин быйыл дьүөгэлэрбин илдьэ араас сирдэринэн сылдьан муҥхалаатыбыт. Суоппарынан Макаров Николай Модестович сылдьыста.
    Сэтинньи 16 күнүгэр Төҥүлүгэ Нөмүгү диэн кыстык сайылыкка “Сардаҥа” сүөһү күрүүтүнэн дьарыктанар кэпэрэтиипкэ, Баишев Николай Михайлович ыҥырыытынан, муҥхалыы тахса сырыттыбыт.
    Хаһаайын аҕыйах эр дьонноох этэ. Муҥханы бэйэлэрэ түһэрбиттэрэ. Ол күн ыҥырыы быһыытынан Николай кэргэнэ Мария бииргэ үөрэммит дьүөгэлэрин – Төҥүлүттэн “Доруобуйа” кулуупка сылдьар дьахталлар уонна Томтортон мин дьүөгэлэрбинээн баар этибит.
    Дьиэ иһигэр олорон ирэ-хоро кэпсэтии, итии үүттээх чээй иһии, үс хотонунан сылдьан сахалыы боруода сүөһүлэри көрүү буолла. Ол кэнниттэн сайылыктан чугас соҕус “Кийиит сүктүбүт” диэн кыра соҕус күөлгэ муҥхалыы айаннаабыппыт.
    Тиийээт Байанайбытыттан көрдөһүү сиэрин-туомун толордубут. Ол кэннэ дьахталлар эмиэ илии-атах буолан сүүрэ-көтө эр дьоммутугар көмөлөстүбүт. Биир кэмҥэ туран ыларбытыгар, мин дьээбэлэнэн дьахталлардыын тустан ылбытым.
    Бүтэһигэр эбэбит барахсан көрдөһүүбүтүн ылынан Баай Байанайыттан бэрсэн, куул аҥаардыыта собону үллэһиннибит. Муҥхаҕа уопсайа 61 киһи баара.
    Айаннаары туран күөлбүт хаһаайыттарыгар Николайдаах Марияҥа махталбытын этэн, кэрэни-үтүөнү баҕаран, эһиил эмиэ ыҥыралларыгар көрдөһөн дьиэбит диэки айаммытыгар туруммуппут.


Комментарии

Ноговицына Евдокия в
+5 Ноговицына Евдокия в 26.11.2018 17:59
:lol:
Ответить

Защитный код Обновить