СӨ Архитектураҕа уона тутуу комплексыгар министиэристибэтэ сааскы халаан кэмигэр эмсэҕэлээбит олорор дьиэлэри чөлүгэр түһэрэргэ наадалаах тутуу матырыйаалын ахсаанын уонна испииһэгин оҥорор. Бу туһунан министиэристибэ пресс-сулууспата иһитиннэрэр.
Күн бүгүн “Служба государственного заказчика РС (Я)” ГКУ тутуу хонтуруолун инженердэрэ 10 улууска 1251 олорор дьиэни чинчийдилэр. Атын улуустарга уу түспүтүн кэннэ үлэ саҕаланыаҕа.
Уопсайа өрөспүүбүлүкэ үрдүнэн сааскы халаантан 15 улууска 46 нэһилиэнньэлээх пуун эмсэҕэлээтэ. Уу ылбыт сиригэр 5006 киһи олорор.
