Киирии

Киирии

Саха сиригэр бэс ыйын 12 күнүттэн 21 ойуур баһаара баарыттан, билигин 6 баһаар бэлиэтэнэр. Билигин уопсайа 5 тыһ. 790 гектаардаах сиргэ уот умайар. Бу туһунан өрөспүүбүлүкэ ойуур сыһыаннаһыыларын департамена иһитиннэрэр.

“Бэс ыйын 15 күнүнээҕи туругунан үс сиргэ ойуур умайар: Ленскэй улууһугар 490 га , Мииринэйгэ 200 га уонна Тааттаҕа 3,1 тыһ. га”, — диэн бэлиэтииллэр.

Мииринэй улууһугар уопсайа 130 га, Ньурба улууһугар 370 га сигэ биир, Сунтаар улууһугар уопсайа 1,4 тыһ. га сиргэ биир баһаар умуруорулунна.

Уопсайа ойуур уотун умулларыыга баһаарынай сулууспа 173 десантник-парашютист, сулууспа сиринэн ойууру харыстыыр 43 үлэһитэ, 63 олохтоох дьон, ЫБММ 30 үлэһитэ, 6 түүлэһээччи, итиэннэ 18 тиэхиньикэ кыттар.

Быйыл уопсайа баһаар сезонун саҕаланыытыттан 43 тыа баһаара тахса сырытта (уопсайа 8 тыһ. га). Былырыын баччаларга 80 ойуур умайара (4,1 тыһ. га).

Тарҕат:

Ырытыыгын суруй

Защитный код
Обновить

Бүтэһик сонуннар