Киирии

Киирии

Ил Дархан эбээһинэһин быстах кэмҥэ толорооччу Айсен Николаев ойуур баһаардарынан сибээстээн биллэриллибит эрэгийиэннээҕи ыксаллаах быһыы-майгы балаһыанньатын (ЧС) көтүрдэ. Маннык уурааҕы бэҕэһээ баттаабыт.

Маннык быһаарыныы Үөһээ Бүлүү, Бүлүү, Нам улуустарыгар муниципальнай суолталаах ЧС көтүрүллүбүтүнэн, итиэннэ өрөспүүбүлүкэ үрдүнэн тыа баһаара I уонна II кылааска диэри намтаабытынан ылыныллыбыт.

Санатар буоллахха, эрэгийиэн суолталаах ЧС балаһыанньата Саха сиригэр от ыйын 6 күнүгэр биллэриллибитэ. Оччолорго ойуур баһаарын куттала IV—V кылааска диэри тиийбитэ, эбиитин күн-дьыл туруга күөттээн биэрэн, олус улахан иэннээх күөх дуол кытарарга былдьаммыта.

Бу сарсыардааҥҥы туругунан, өрөспүүбүлүкэ үрдүнэн дьон уонна нэһилиэнньэлээх пууннарга суоһаабат 22 ойуур баһаара бэлиэтэнэр. Холобур, Эдьигээн улууһугар Ээйик сэлиэнньэтиттэн 208 км ыраах сиргэ ойуур умайар.

Билигин Ньурба, Үөһээ Дьааҥы уонна Нам улуустарыгар үс ойуур баһаарын умуллараллар.

Баһаар сезона саҕаланыаҕыттан ыла, 20 улууска 166 ойуур баһаара бэлиэтэммит.

Тарҕат:

Ырытыыгын суруй

Защитный код
Обновить

Бүтэһик сонуннар