Киирии

Киирии

Айсен Николаев Иирэлээх, Аччыгый Ботуобуйа, Бүлүү өрүстэрин бөртөлүөтүнэн көрөн баран, Сунтаар сэлиэнньэтигэр көһө сылдьар мунньаҕы ыытта.

Кини АЛРОСА хампаанньаҕа кылгас кэм иһигэр Иирэлээх даамбаларын чөлүгэр түһэрэргэ сорудахтаата. Итиэннэ кэнэҕэһин маннык саахал тахсыбатын курдук дьаһаналларыгар эттэ.

“АЛРОСА хампаанньа киртийбит үрэхтэри, өрүһү экологическай хонтуруолга ылыахтаах уонна уу ырааһырыар диэри үс күҥҥэ бирдэ киртийбит уулары бэрэбиэркэлээн экология министиэристибэтигэр иһитиннэриэхтээх. Кэнэҕэһин маннык саахал тахсыбатын инниттэн, Иирэлээх даамбаларын үсүгэйдик бөҕөргөтүөхтээх. Маны таһынан, Сунтаар улууһун бары нэһилиэктэригэр ууну ыраастыыр ыстаансыйаларынан хааччыйыахтаах. Производственнай эбийиэктэр итиэннэ саахалламматтарын курдук туох-баар дьаһаллары тобулан оҥоруохтаах”, - диэн Айсен Николаев эттэ.

Мунньах кэмигэр Айсен Сергеевич экология министиэристибэтигэр анал биэдэмэстибэлэр икки ардыларынааҕы хамыыһыйаны тэрийэллэригэр сорудахтаата. Ол хамыыһыйа бастайааннай экологическай кэтээн көрүүнү ыытыаҕа. Итиэннэ анал хамыыһыйа АЛРОСА гидротэхэньиичэскэй тутууларын кэтээн көрүөҕэ.

“Дьиэ-уот хомунаалынай хаһаайыстыбатын министиэристибэтэ улуустары кытары бииргэ үлэлэһэн, нэһилиэнньэ иһэр уонна туттар ууннан хааччылларын дьаһайыахтаах”, - диэтэ Ил Дархан э.т. Айсен Николаев.

Тарҕат:

Ырытыыгын суруй

Защитный код
Обновить