Оччугуй Ботуобуйаны туоруур күргэ ааспыт сыл төрдүс кыбаарталыттан тигинэччи тутуллуохтаах этэ. Тендеринэн бэдэрээтчит тэрилтэ быһаарыллыбыта. Бу тутууга судаарыстыбаттан үп көрүллэн, күргэни тутуу үлэтэ хайыы-үйэҕэ саҕаламмыт буолуохтаах этэ.
Тус бэйэм күргэни тутарга ылсыбыт тэрилтэ былаанын биһириибин. Ол туһунан суруйуум “Якутия24” саайтка тахсыбыта. Ол эрэн, күргэни тутуу 2020 cылга диэри бүтэ охсорун саарбахтыырбын туһунан эмиэ суруйбутум. Ону интэриэстээх дьон булан ааҕа охсубуттар этэ. Сотору буолаат бэдэрээтчит тэрилтэ бэрэстэбиитэлэ, “Якутия24” саайтка Оччугуй Ботуобуйа күргэтэ 2020 cылга диэри тутуллан бүтэр диэн таһаарбыт этэ.
Аҕыйах хонуктааҕыта Оччугуй Ботуобуйа аннынан туораан иһэн көрдөхпүнэ, туох да тутуу баран эрэр сибикитэ дьөрү биллибэт. Хаартыскаҕа көстөрүн курдук, Оччугуй Ботуобуйа үрэх кытылыгар туох эмит хаһар, күрдьэр, тэҥниир үлэ бара илик. Оттон быраҕыллыбыт Новай (МУАД) дэриэбинэттэн Миирнэйдиир суолга тахсыыга тиэхиньикэ арааһа баар буолбут. Тугу гыналлара биллибэт.
Станислав Алексеев, Миирнэй к., ааптар хаартыската
