Муус устар 10 күнүттэн «Халыма» федеральнай суолга Дьокуускай-Аллараа Бэстээх хайысханан кыһыҥҥы өрүс суолунан айан 20 туоннаттан үөһэ уйуктаах массыыналарга бобулунна.
Маны таһынан бу күннэргэ Хаандыга – Мэҥэ-Алдан хайысхатынан Алдан өрүһү туоруур кыһыҥҥы суолга 10 туоннаҕа диэри уйуктаах тырааныспар сырыыта хааччахтанна.
Өлүөнэ өрүһүнэн туоруур кыһыҥҥы суол муус устар 15 күнүгэр сабыллара күүтүллэр. Бу туһунан «Бүлүү» федеральнай суол управлениета иһитиннэрэр.
